We have 77 guests and no members online

 

ساقی بۆم تێکه‌ جامێ پڕ له‌باده

بێدار‌م ‌وێرانه‌ ماڵی دڵ به‌رباده‌

‌ساقی ده‌ی ‌وه‌ره‌ بۆم بێنه‌ قوربان

خه‌نده‌ی لێوی ته‌ڕ ‌پێکێکی ساده

ساقی ئه‌و پێکه‌ به‌لای مندا ڕاده‌

ئازارم شه‌وانه‌ ده‌مگرێ بێ ڕاده‌

ساقی ڕۆحپه‌ره‌ سه‌رتۆپی جوانان

به‌‌نۆشی‌ گیانه‌ کۆی خه‌مانم ڕاده

‌ساقی ده‌سپێکه‌‌ وانه ‌‌مه‌ستی داده

هه‌نیسکم ‌گریانه‌ که‌ی ڕه‌وای داده

ساقی وه‌ره‌وه‌‌ ، هه‌ر وه‌کو جاران

‌چرکه‌ نۆشی‌ لێوان به‌لێوانم داده

ساقی دواپێکه‌‌ لێوم به‌مه‌ی شاده‌

‌هاوارم ناڵانه‌ گه‌رده‌نه‌ت ئازاده‌‌‌

ساقی دڵبه‌ره‌ی ئاهه‌نگی مه‌ستان

له‌د‌رزی مه‌ماندا دیده‌که‌م په‌ناده

ساقی ده‌مێکه‌ چاوه‌ڕێی تۆم لاده

‌به‌ختم ‌‌سوتانه‌ ده‌ی‌ مافم به‌لاده‌

ساقی هه‌رئه‌تۆی چرای شه‌وستان

شانشی دڵه‌م به‌ تاریکیم وه‌لاده‌

  

 This email address is being protected from spambots. You need JavaScript enabled to view it.

 

Go to top