We have 33 guests and no members online

ئەکرەم محەمەدئەمین ئەحمەد

کورد گەلێکی موسلمانە جا چۆن بۆتە ئیسلام ئەمە بابەتێکی ترە، ئەگەر ریفراندۆم بکرێت لەسەر ئاینیی ئیستای و رابوردووی ئەنجامەکەی بریار ئەدات .

هیچ کاتێکیش ئیسلام نەبۆتە فاکتەرێکی خێر و بەرەکەت بۆ گەلی کورد، زۆر دوور ناکەوینەوە بۆ مێژوو بە درێژایی (٩٥) ساڵی رابوردوو لەگەڵ وولاتانی عارەبی ئیسلامی بە یەکەوە لە وولاتێکی وەکو عێراق بە زۆر لکێنراین بە بێ ویستی خۆمان .

کورد لەم ماوەیەدا تەنها پشت و پەنای شاخەکانی کوردستان بوو بە درێژایی ئەم مێژوە بۆ ساتێکیش کورد خەباتی پێشمەرگایرتی نەوەستانوە لە پێناوی مانەوەی پێناسەی گەلەکەیدا.

دەسەلاتی عارەبی ئیسلامی بە هەموو شێوەیەك درێغی نەکرد لە سەرکوت کردنی گەلیکی موسولمانی بێ پشت و پەنای وەکو کورد وە بە کافریش ناوزەند ئەکراین هەموو سەرومالمان حەلالی شەرەکانیان بوو بە فتوای دەسەلاتدارانی عارەبی ئیسلامی.

بەڵی چۆن کاتی خۆی بە بێ ویستی گەلی کورد لکێنراین بە عێراقی عارەبیەوە بە هەمان شێوەش بە زۆری شمشێر لەسەر گەردن کوریان لە دینی خۆی هەڵگەرانەوە .

ئێشتاش ئەم دینە بۆ کورد نامۆیە جێگەی نابێتەوە وەکو پاشکۆ هەلس و کەوتی بەرامبەر کراوە، ئەگەر وانیە عارەبی ئیسلامی بە هەموو وولاتانیەوە لەسەر ئەنفال و هەڵبجەو شەنگال و کۆبانی نەهاتنە وەلام، بێدەنگیش مانای رازی بونە.

داعش بۆ هێرش ئەکاتە سەر کورد ئایا کورد دینێکی تری هەیە دژ بەوان،

پرسیار زۆرە ؟ ئەگەر وانیە ؟

بۆچی دژایەتی گەلێکی کوردی ئیسلامی ئەکرێت؟

بە مەرجێك هەر چوار لامان خۆیان بە گەرەترین خەلافاتی ئیسلام ئەزانن، کوردیش وەکو ئەوان خوا دروستی کردوە ئەی ئەمانە چۆن دژایەتی دەسکردی خواوەند ئەکەن، کاتێکیش کاتی بانگدانە کوردیش لەهەمان سات و کاتی دراوسێکانماندا ئەچیتە سەربەرمال و نوێژەکەی ئەکات لەکاتی جەژنەکاندا هەمان رۆژ جەژنە ئاینیەکان ئەکەین.

ئایا جیاوازی چیە لەم نێوانەدا ؟ پرسیار زۆرە .

ئەگەر کوردستان جوگرافیەکەی لە ئەوروپای رۆژهەلات بوایە( هەڵکەوتەی ئەم جوگرافیام چەند سالێك بەر لە ئیستا لە نوسراوێکدا نوسیبوم). ، بێگومان بەم دەردەی ئێستا نەئەچوین و لە مێژبوو وولاتی خۆمان هەبوو چاکترین دراوسێ و چاکترین پەیوەندیمان ئەبوو لەسەر ئاستی جیهان.

سەرکردایەتی کوردیش پشکی گەورەی بە ئەکەوێت لە باش پیادە نەکردنی پەیوەندیەکانی، کێشە ناوخۆیەکان کلیلی هاتنە ژورەوەی داگیرکەرانە، هیچ سەرکرداتیەك ئامادە نیە لە خۆی ببورێت و ئازایانە بریار بدات لەسەر مافە چارەنوسسازەکانی گەلی کورد و پاراستنی یەکریزی.

ئێستاش وولاتانی ئەوروپا و ئەمریکا وەکو مرۆڤایەتی هاوکاری کورد ئەکەن .

هیچ کاتێك چاوەڕیی وولاتە ئیسلامەکانی دراوسێ ناکرێت چونکە خۆیان دروست کەری ئەم بارو دۆخە نالەبارەن کە بەسەر گەلی کوردا هێناویانە لە دەستیان دێت مێژوویەکی تاڵی تر بۆ کورد دووبارە بکەنەوە.

لە ئیسلامدا پاشکۆ بونی گەلێکی تر مانای نیە، داعش دروست کەرو هاوکاری تەواویان لەلایەن وولاتانی دراوسێیی دژ بە کوردە ئەکرێت. .

 

٢٨/٠٩/٢٠١٤

 

ئەکرەم محمدئەمین

 

 

 

 

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

 

 

 

ئەندام بون و خەبات کردن لە ناو ریزەکانی یەکێتیدا جیاواز بوو لەگەڵ پارت و لایەنە سیاسیەکانی ناو کوردستان .

ئەبوایە باری رۆشنبیری و تێگەشتن لە بزوتنەوەی ڕزگاری و ئامادەیی کۆبونەوەو سیمنارو بەهیز کردنی پەیوەندیە کۆمەلاتیەکان و بیرو بۆچونی تایبەتی خۆت بویتایە ، ناوەندی کۆمەڵە خوێندنگابوو .

ئەندامانی یەکێتی خۆیان بە خاوەنی یەکێتی ئەزانی، ئەگەر پێشمەرگە بویتایە ئەم خاوەنداریەت زیاتر بەر ئەکەوت .

لە هەمان کاتدا هەر لە بەڕێز مام جەلال و برادەرانی مەکتەبی سیاسیەوە هەموویان سەرکردەو هاوڕێمان بون .یەك بەرنامەو ئایندەش هەبوو .

بێجگە لە ووشەی ( رەخنە گرتن ) هیچ ووشەیەکی تر لە جێگەی بەکار نەئەهێنرا .

ئەندامانی یەکێتی لەگەڵ جەماوەردا ئەژیان وەکو ماسی و ئاو .بێ یەکتری مانای نەبوو .

هەموومان بروامان بە خەبات و تێکۆشان و پاراستنی سەروەری و درێژە پێدانی خەباتی هاوڕێ شەهیدەکانمان بوین .

لەبیرو باوردا هێندە دەولەمەند بوین خۆمان بە بوێر و سەبەرز زانیوەو ئەزانین بیرمان لای شتی لابەلا نەبوو ، ویژدانمان زۆر ئاسودە بوو .

یەکێتی خاوەنی کوردستان و خاوەنی راپەرین بوو ئەمە کەس ناتوانێ لاری لێبکات .

هەر یەکێتی بوو لایەنەکانی تری هێنایەوە ناو کوردستان و قەناعەتی پێکردن بەرنامەیان چی هەیە بۆ راپەرین .

لێرەوە یەکێتی سەرەتای لەدەستدانی خاوەندارێتی بوو!!!

١ - یەكیتی پێویست بوو پارتە کوردیە نوستوەکانی ناو ئێران خەبەر بکاتەوە.بۆ ئەوەی وەکو دانوستاندنی ساڵی(١٩٨٤) یەك لایەنە نەروات .بە کۆی لایەنەکان راپەرینەکە سەرکەوتنی بەرفراوانتر ئەکرد و هێزی خۆی ئەدایە .

٢ - هەڵبژاردن و دەنگی زۆری نایاسایی پارتی لە ماوەی سال و نیوێك خەباتی سیاسیدا لە کوردستاندا سود وەرگرتن لە لێخۆشبونی بەرەی کوردستانی بوو لە تاوانباران ئەمان توانیان لە خۆیانیان کۆبکەنەوە .

٣ - بۆ ئیدارەدانی هێزەکان هەردوو لا و دامەزراندنی ئەندامەکانیان لە بەڕێوبەراتیەکان دا دابین کردنی بژێوی ، وای کرد پەیوەندیەکان توند ئەبواوە رۆژانە لەگەڵ یەکتری تا گەیشتە شەری ناوخۆ.

٤ - زۆرێك لە لایەنەکانی تروە ئەهاتنە ناو یەکێتیەوە ، یەکسەر پلەی بەرزیان پێئەدراو هیچ بارگراوندێکی نەبوو لەسەر خەباتی یەکێتی و چۆنیەتی هەلس وکەوت لە ناو یەکێتیدا.

ئەمەش بەشێکی تری دروست بونی کتلە و ناوچەگەری و تاقم تاقمی بەدوای خۆیدا هێنا ، ئەتوانم بڵێم زۆریان هاتنەوەی بۆ ناو یەکێتی تەنها قازانجی تایبەتی بوە هیچی تر .

٥ - هەلگری ناوی پاشکۆی بەرپرسێک تا بتوانێت جێگەی خۆی دابین بکات و دروست کردنەوەی مۆرکی عەشایەری لە بزوتنەوەیەکی نوێدا ، کە ئەمانە خەڵکانی هەلپەرست و ماستاو چی دروست ئەکات ، هیچ کاتێکیش ئامادە نین قسەی باش بکەن .

٦ - یاری کردن بە ململانی ناو یەکێتی و ڕۆشتن و هاتنەوە و وەرگرتنی پارەی و پلەی باش ، ئەگەر لە شوێنی خۆی بوایە ئەمەی نەبوو .خوشك و براو ئامۆزا و هەر یەکەیان لە حزبێکی تر کار ئەکەن لەوانەیە لە دەزگا نهێنیەکانیشدا.

ئەم جۆرە کەسانە ناتوانن پێگەی خۆیان بپارێزن و خاوەنی قسەی خۆیان بن .

بەڵێ یەکێتی هەمیشە دڵی گەورە بوە جێگەی هەموو کەس ئەبێتەوە بۆ خەبات و تێکۆشان بەلام پێوستە مێژوی یەکێتی لەبەر چاو بگریت رابوردوی خۆتیش لەبیر نەکەیت .

ئەندام و پێشمەرگەی یەکێتی سوتەمەنی ئەم ڕێبازەبون رووبارێك خوێنی بەخشیوە.

چەندین ئەندام و پێشمەرگەی دێرین بە بروانامەی بەرزتر کە یەکێتیان گەیاندۆتە ئەم رۆژە هەموو تەمەنی خۆیان کردە مۆم بونە سوتەمەنی ململانیەکانی ناو یەکێتی ، کە خاوەنی راستەقینەی یەکێتین .

بەداخەوە سەرکردایەتی هێندە بروای بە خۆی نەماوە دوا بریار بدات چارەنوس ئەداتە دەست لایە سیاسیەکانی ناو کوردستان هەتا نوسینی ئەم نوسراوەش لە راگەیاندنەکانەوە دژی یەکێتی ئەدوێن.

یەکێتیتان بە ئاقارێکدا بردوە بەرپرسیاریتان جێگەی گومانە، یەکێتی لە کۆلانێکی بنبەستدایە ، هەتا سەرکردایەتی گۆرانگاری لە خۆیدا نەکات ئەم گرێ کوێرەیە بۆ یەکێتی ناکرێتەوە لە بازنەیەکدا خولی خواردوە.

چەندین خێزان زیاتر لە کورێکی کردە پێشمەرگە و لە پێناوی ئەم ڕێبازەدا شەهید بون .

بۆ مشە خۆرەکانی ناو یەکێتی زیادە رۆیی سنوری هەیە .

ئایا پرسیارتان لە خۆتان کردوە لە رابوردی خۆت و موچەی مانگانەت ؟

١ - ئایا چەند بە هێندەی مانگانەی شەهیدێك وەرئەگریت ؟

٢ - ئایا ئەوتوانی یەك رۆژ پێشمەرگایەتی و لە ریزەکانی یەکێتیدا بکردایە ، ئایا چەند بە هێندەی مانگانەی پێشمەرگەیەکی دێرین وەر ئەگریت ؟

٣ - ئایا بە هێندەی خەباتی ژێر زەمین و زیندانی سیاسی بۆ یەکێتی ماندوو بویت، مانگانەکەت چەند بە هێندەی مانگانەی ئەم تێکۆشەرانەیە.

ئەمانەن خاوەنی یەکێتی ، بۆیە ئەلێـم بوکێ لەگەڵ تۆمە خەسو گوێت لێبێت .

٠١/٠٨/٢٠١٤

 

 

 

 

یەکێتی وئەندامە دلسۆزەکانی - لایەنە بێویژدانەکان - سەرکردایەتی یەکێتی ... ئەکرەم محمدئەمین ئەحمەد

پێش راپەرین یەکەمین هێزی ناوخاکی کوردستان لە خانەقینەوە تا سنوری ئاکری لە ژێر دەسەڵاتی هێزی پێشمەرگەی یەکێتیدا بوو، بە هەزاران پێشمەرگە شەهید بون لە پێناوی پاراستنی ئەم ناوچانەدا.

ئەم هیزە ئیسلامیانەی ئیمرۆ بونیان نەبوو !

پارتی دیموکراتی کوردستان لە کەرج و ئێران سەرقالی کاری تایبەتی خۆیان بون وازیان لە سیاسەت و پێشمەرگایەتی هێنابوو، تەنها لقی یەکیان مابوو بۆ چاوەزار( دکتۆر رۆژ) سەرپەرشتی ئەکرد نزیکەی (٣٠٠) چەکداریان هەبوو بۆ پاراستنی ئەو ناوچەیە لە ( پەکەکە ) پەیوەندیەکی بە هێزیان هەبوو بە ئێستاشەوە لەگەڵ حوکمەتی تورکیا.

خاوەنی یەك چالاکی نەبون دژی ڕژێمی بەعس، لە پاش دروست بونی بەرەی کوردستانی یەکەم هێزی یەکێتی چوە بادینان، وورەیان کەمێك بەرز بوەوە لە خەڵوەت ‌هێناماننە دەرەوە، بەزۆر چالاکیمان پێکردن و فێری بەرنگاربونەوەمان کردن، ئەرکی پێشمەرگایەتیمان بۆ روون کردنەوە.

کورد ئەڵێت ( ئەو نانە نانە ئیمرۆ لە خوانە ) زۆر راستە،

بەلام ئەم نانە مرۆڤەکان دروستی ئەکەن.

ناوچەی بادینان خەڵکی دلسۆز و کورد پەروەرن بەلام لە ژێر دەسەلاتی پارتیدا لە ڕوی ڕۆشنبیریەوە وەکو پێوست نەبون، بۆچی ؟

١ - حزبی شیوعی بۆی نەبوو کۆبونەوەبەکەس بکات هەروەها بۆشی نەبوو چالاکی بکات و تەنانەت سنوری جەولەکردنی دیاری کراو بوو.

٢ - پارت گەلی بە سەرکردایەتی (سامی عبدالرحمان ) لە بادینان قەدەغە بوون، ئەندامەکانیان بە وەرەقەی یەکێتی سەردانی ناوچەکەیان ئەکرد بۆ سەردانی کەس و کاریان.

تەنها هێزی یەکێتی بوو کۆبونەوە و جەولە و چالاکیمان ئەکرد و بوینە تێکدانی ئارامی پشوە درێژەکەی پێشمەرگەکانی پاری لەو سنورەدا.

ئەگەر کێشەی ناوخۆی یەکێتی نەبێت کێن ئەوانەی سنوری یەکێتی ئەبەزێنن بۆ ئاژاوە نانەوە، لە ناو یەکێتیدا ئازادی بیرورا نوسین ئارەزوە وەرزیشیەکان هەمووی هەبوو.

ئەوەی دژایەتی نوسینێك بکات یان بیرو بۆچونێك بە ئێستاشەوە نەیتوانیوە لە بەرنامەو پەیرەوی یەکێتی تێبگات لە هەر بەرپرسیاریکدا بێت، بیرو بۆچون و پێنوسی ئازاد هەمیشە خزمەتی مرۆڤایەتی ئەکەن چونکە کۆمەڵ لە چەند چین توێژێك پێك هاتوە کە هەر یەکەیان کارئەکتەری چینەکە یان توێژەکەیەتی بۆیە لای ئەندامانی یەکێتی بە ڕێزەوە لەم بیرۆکەیە ئەروانێت، خۆشی خاوەنی هەزاران ئەندامی قەلەم ئازادن.

پرسیار دێتە ئاراوە ؟

ئەم دۆستە بێوژدانانە، دۆستانی رۆژانی دەولەمەندی سەر حازری، هەر ڕۆژەی بە بیانوی شتێکەوە بە هاوکاری وولاتانی ناوچەکە دژایەتی پارێزگای کەرکوک و ناوچە جێناکۆکەکان ئەکەن، ناتوانن رۆژێك بە دوژمن بڵێن نەخێر.

کار ئەکەن بۆ تێکدانی ئارامی ناوچەکە هەرجارەی بە بیانویەك، بۆ ماوەیەك پشێوی ناو بازار دروست ئەکەن.

تەنها ئازادی و ئارامی هەموو لایەنەکان لە سنوری ناوچەی سەرزدا گەشەیان کردوە و بونەتە خاوەنی کورسی پەرلەمان.

 زۆر راستە ئەگەر لە ناوچەی زەرد بونایە خاوەنی چی ئەبون بێجگە لە بارەگا سوتاندن.

یەکێتی خاوەنی جەماوەرێکی فراوانە، خاوەنی دامەزراندنی ئەنجومەنی گوندەکان و پارتزان و راپەرینە.

بە درێژایی خەباتی یەکێتی دژایەتی ناوخۆی کوردستان و ناوچەکەمان لەسەر بوە، شەریان کردوین درێخیان نەکردوە بە خۆشیانەوە نەوەستاون داگیرکەرانی کوردستاناین بۆ هێناوین چی لە ئێران و عێراق.

ئیێستاش یەکێتی لە پاش ئەم هەموو دژایەتی کردن و قۆناخە ئاڵۆزانەوە و کێشە ناوخۆیەکانیەوە توشی ئەنجامێكی خراپ هاتوە.

یەکەمین هەلەش برادەرانی سەرکردایەتین لە خراپ بردن بە ڕێوە، دوور لە پەیرەو بەرنامەی یەکێتی کارەکان ئەروات.

قۆناخی ئێستای یەکێتی پێوستی بەسەرکردایەتیەکی ئازاو نەترسە، کە تەنها کاری سیاسەت و ئیدارەی یەکێتی بەرێت بەرێوە دوور بێت لە کاری بازرگانی و ناوچە گەری دەستەو تاقم دروست کردن.

 بەداخەوە لە پاش پلینۆمیش هەنگاوی پۆزەتیفمان نەبینی بۆ خزمەتی بەرچاو تەنانەت ناشتوانن داکۆکی لە ئەندامێکی خۆتان بکەن کە دلسۆزی بۆ یەکێتی سنور ئەبەزێنێ.

ئای ئەو سەرکردە ئازا و لە خۆ بوردووە کێ بێت ؟

بڵێت من پێوستم بە پشوو هەیە با ڕێگە بدەم ئەندامێك کادرێکی دڵسۆز ئەم ئەرکەم لێوەرگرێت، ئای ئەم ووتەیە چەند بەڕێزەوە باس ئەکرێت و ئەچێتە سەر خەرمانی خەبات و تێکۆشانی بەڕیزی.

 ئەکرەم محمدئەمین ئەحمەد

٦ / ١ / ٢٠١٤

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

 

 

 

جوگرافیای کوردستان واهەڵکەوتوە کە کورد نەیتوانیوە بە ئارەزوی خۆی ژیانی ئایندە و مافی چارەی خۆ نوسینی دیاری بکات،سنورەکەشمان لە جیاتی یەك وولاتی داگیرکەری کوردستان چوار وولاتی داگیرکەر دراوسێمانە،

سەرەرای ئەمانەش ململانێی ناوخۆمان هێندەی ترکارئاسانی کردوە بۆ جێبەجێ کردنی بەرنامەو پلانەکانی داگیرکەرانی کوردستان .

سالی (٢٠٠٩ ) جیابونەوەی بزوتنەوەی گۆران لە یەکێتی ،

بەڵێ کەم و کوری وململانێی و ناوچەگەری هەناسەی لە یەکێتی بریبوو ، ئایا ئەمە بەمانای ئەوەبوو جیابینەوە ؟

خۆ ئەشتوانرا بەرەیەك دروست بکرێت ڕێگە لەم پاشا گەردانیە بگیرایە ، بەشێکی سەرکەوتن لە مانەوەو بەرەنگاریەکاندایە کە چۆن چارەسەر بکرێت ، بە هەرحاڵ ئەمە گوزەشت .

هەردوولاش درێخیان نەکرد لە راگەیاندنەکانەوە ئەوەی ژێر بەرەشیان هێنایە سەر بەڕە ، زۆر زیانی بە هەردوو لا گەیاند .

پارتی لەسەرداوای تورکیا ساڵی (٢٠١٠) بۆ خۆهەڵبژاردنەوەی (مالیکی) پشتگیری بۆ (عەلاوی) هەبوو دژ بە مالیکی ، ئەمەش پەیوەندی بە ئابوری و قازانجی تایبەتی سنورێکەوە هەبوو کە زۆنی زەردە .

تەنها بەڕێز( مام جەلال ) توانیبوی ئەم هاوکێشە وململانیە سیاسیانە بە قازانجی کورد ڕابگرێت وەکو ئەرکێکی مێژوویی .

دژایەتی کردنی کوردەکانی سوریا بۆ دوو مەبەستی تایبەت لە لایەن تورکیاوە !

١ - دژایەتی کوردەکانی ڕۆژئاوا ئەکات تا پێگەی کوردەکان بە هێز نەبێت .

٢ - سوریا دۆستی نزیکی ئێرانە و بۆ تورکیا قبول نیە ئەم دۆستەی بمێنێتەوە و بە هێز بێت .

بۆ برادەرانی بزوتنەوەی گۆران ؟

# کشانەوەتان لە لیستی برایەتی کەرکوك بە هاندانی تورکیا و بۆ سەلماندنتان بۆ دۆستایەتی پارتی بوو.

# ئایا سیاسەتی پارتیتان قبولە بۆ دژایەتی کردنی کوردەکانی پارچەکانی تر؟ بروا ناکەم .

# لە ئەنجامی خراپ پیادە کردنی پەیمانی ستراتیجی لە لایەن پارتیەوە کۆمەلانی خەڵکی کوردستان سزای یەکێتیان دا لە هەڵبژاردنی مانگی ( ٩- ٢٠١٣ ) .

# ئەنجامی پەیمان بەستنی نێوان بزوتنەوەی گۆران و پارتی و قسەکانی ناو کۆبونەوەکان ، کۆمەلانی خەڵکی کوردستان دژی پیلانن کە زیان بە یەکێتی بگەیەنێت .بەداخەوە خێرا بریارتان دا دژ بە یەکێتی بەرەکتان هەبێت لەگەڵ پارتیدا .

# بزوتنەوەی گۆران لە سنوری سەوز گەشەی کردوە ، ئەگەر پەیوەندیەکان ئاسایی نەکەنەوە دوور لە قازانجی تایبەتی بە بڕوایەکی راستیانەوە هەرگیز ناتوانن سەرکەوتوبن لە کارەکانتندا ، ئەگەر جارێک سەردانی پارتی بە ئاسایی بزانن ، سەردانی یەکێتی دەیان جار ئاسانترە بۆ خزمەتی ئەندامانی هەردوولا بۆ یەکێتیش هەروەها .

پێش هەڵبژاردنەکان ژیرانە بیر لە هاوپەیمانی بکرایەتەوە لەگەڵ یەکتری بێگومان پێکهێنانی حوکمەت لە ئەستۆی هەردوولا ئەبوو، هەموو ئەندامان و دۆستانی هەردوولاش خۆشحال ئەبوون .

وادیارە سیاسەت کاتی ئەوێت و ئەبێت ئەم دۆستایەتیە بگاتە مەنزل هیوادارم برادەرانی گۆران بۆ بەرژەوەندی سنوری بزوتنەوەکەیان و کۆمەلانی خەڵکی کوردستان باشترین هاوپەیمانی خۆیان هەڵبژێرن کە تەنها یەکێتیە ، هەتا دوێنێ هاوسەنگەر جێگەی شانازی بوین بۆ یەکتری هیوادارم هەلەکان دووبارە نەبنەوە .

٢٦/٠٥/٢٠١٤

 

 

 

 

Go to top