We have 35 guests and no members online

 

 

 

گەر سەرنجێك بۆ چەند ساڵیکی ڕابردوو بدەین ،هەست ئەکەین چەندان کارەساتی  بوومەلەرزەی هەمان شێوە ،هەژاندنی دەریایی  ،لافاوی ترسناك ،لە ووڵاتانی ئەماریکای لاتینی ،خواروی ئاسیا و یابان ، بەفربارین لە چەند ووڵاتێکی وەك سوعودیە ،میسر و ئیسرائیل ،یان ووشکەساڵی لە ئێران ،خۆڵ بارین لە عێراق وکوردستان ،ڕوو لە زۆربون ئەکەن  ، کە هەندێ کەس   وەك ژینگەپارێزەکان ئەیبەستنەوە بە پیس بونی ژینگە و گەرم بونی ناوەڕۆکی زەوی ، یان ئایندارەکان بە تایبەتی ئیسلامیەکان ئەیبەستنەوە بە کۆتایی ژیان و نزیك بونەوەی (قیامەت) ، بە داخەوە ئەمانە بە هەڵەدا چوون ،بەڵام ڕاستیەکەی ئەوەیە ،وەك هەندێ لە سیاسەتمەداران و زانایانی شارەزا لەو بوارەدا باسی لێوە ئەکەن  ، داهێنانی چەکێکی مۆدێرینی  نوێی ئەمەریکایە  بە ناوی (چەکی بوومەلەرزە) ،کە ئەمەریکا چەندان ساڵە کار لەسەر ئەم پرۆژەیە ( پڕۆژەی هارپ) ئەکات ،کە ئێستا گەیشتوون بەو مەبەستەی وویستویانە ،کە لەدوایدا باس لە چەند نمونەیەك ئەکەم.

وەك باسی لێوە ئەکرێت ،ئەمەریکا ئەیەوێت بەهۆی ئەم چەکە نوێ یەوە هەوڵی دەست بەسەرا گرتنی بەرهەمە سروشتی یەکان و ووزەی زەویدا بگرێت ،هەوڵی لە ناوبردن و بێهێز کردنی ووڵاتە نەیارەکانی بدات  لە ڕویی مرۆیی و ئابوریی و سەربازییەوە ،کە دژ بە سیاسەتەکانی ئەمەریکا کار ئەکەن.

لە ڕاپۆرتی کەشتیەکی جەنگی چاودێری سەربازی دەریای باکوری ڕوسیا،کە لە ساڵی ٢٠٠٨ ەوە چاودێری کەشتی یەکانی ئەمەریکا ئەکات ،باس لە تاقی  کردنەوەیەکی چەکی بوومەلەرزەی ئەمەریکی ئەکات لە سەر ووڵاتی (هایتی) ،کە ١٤٠ هەزار مرۆڤی بێتاوان کوژرا.

لە ڕاپۆرتەکەدا باس لە بەرەوپێش چونی هەوڵەکانی ئەمەریکا ئەکات بۆ چەکی بومەلەرزە ،کە لە ناوەڕاستی سەدەی بیستەوە  دەستی پێ کردووە بە ناوی پڕۆژەی ( هارپ) ە ،                      ئێستا  لە ڕێی تەکنیکی نوێی وەك لەرینەوە ، موگناتیسی ئەلەکترۆنی ،پلازما و بۆمبی شەپۆلی تۆقێنەر ، گەیشتونەتە ئەنجامێکی باش ،ئەتوانن لە هەر کوێیەکی سەر ڕووی زەوی بیانەوێت ،لافاو ، بومەلەرزە ،خۆڵ بارین ،بەفر بارین و ووشکە ساڵی  لەو ووڵاتانەدا بەرهەم بهێنن کە مەبەستیانە ، نموونەش زۆرە.

هەندێ لەو  زانایانەی لەو بوارەدا شارەزان ، لێکۆڵینەوەیان کردووە لە هەموو ئەو شوێنانەی لەم چەند ساڵەی داهاتودا ئەم کارەساتانەی تێیاندا  ڕویداوە ، بۆ نمونە هەمان لەرزە ، هەمان  قوڵایی ١٠ کم یان هەبووە لەم شوێنانە:

+ لە ٨ - ١-٢٠٠٨  لە فەنزویلا ڕویدا بە قوڵایی ١٠ کم .

+ لە ١٠-١-٢٠٠٨ لە هۆندوراس  ڕویدا بە قوڵایی ١٠ کم.

+ لە ١٢-١-٢٠٠٨ لە هایتی بەهەمان شێوە بە قوڵایی ١٠ کم .

+لە ساڵی ٢٠١١ لە ناوچەی (وان) ی باکوری کوردستان  بە قوڵایی ١٠کم

لە ڕاپۆرتەکەشدا هاتووە ،کە ئەمەریکا پێش ڕودانی بومەلەرزەکە ، ئامادەباشی تەواوی کردووە لە دەوروبەری ووڵاتی( هایتی ) بۆ پاش ڕودانی بوومەلەرزەکە بۆ بە دەنگەوەچونی لێقەوماوان . وەك ناردنی کەشتی فریاکەوتن ،کەلوپەل ودەرمانی پێویست ،چادر .

ئێستاش چەند نمونەیەکی تر لەو بومەلەرزانە باس ئەکەم ،کە جێی گومان بوون ، کە شارەزایان باس لە بومەلەرزەی دەستکرد ئەکەن :

هەروەك زانای ئەڵمانی گیوفیزیکی (جیوفیزیاوی) { کریستیان کلۆزە} باس لە ڕودانی ٢٠٠ بومەلەرزەی دەستکرد ئەکات لە لایەن مرۆڤەوە روویی دابێت. یەکێك لە ڕوداوانەی (کلۆزە) باسی ئەکات ،بومەلەرزەکەی ( نیوکاستل) ی ئوستراڵی یە،  کە لە  مانگی ١٢ ی ساڵی ١٩٨٩ ڕویدا (١٣) کەس کوژراو (١٦٠ ) بریندار بوو ، زیانی( ٣،٥)  ملیارد دۆلاری هەبوو  .

لە لێکۆڵینەوەکەی کلۆزەدا باس لەم بومەلەرزانەش ئەکات لە لایەن مرۆڤەوە ڕویداوە:

+ بەنداوی ( تسیپنگ پو)ی چینی  ساڵی ٢٠٠٨ ،بە هێزی ٧،٩ . کوژرانی ٨٠٠٠٠ کەس.       +چاڵاوگای گازی (گازیل) ی ئوزبکستان لە ساڵی ١٩٨٤ ،بە هێزی ٧،٩  .زیانی ٨٠ ملیۆنی  سەردەمی سۆڤیەت.                                                                                                  + بەنداوی ( هێبگن)ی ئەمەریکی ساڵی ١٩٥٩ بە هێزی ٧،١ ،چەند کوژراو و زیانی ٧٤ ملیۆن دۆلار.                                                                                                                   + بەنداوی (کۆینا) ی هیندستان ساڵی ١٩٦٢ ،بە هێزی ٦،٣ و کوژرانی ٢٠٠ کەس.                     +  باشوری ئیسپانیا لە ساڵی ٢٠١١  ، کە شوینی کەمایەتی ( باسك)ەکانە

+ لە ساڵی ٢٠١١ لە ناوچەی (وان) ی باکوری کوردستان کە شوینی لایەنگیرانی (پ.پ.ك) ەیە.

لە ساڵی ٢٠٠٤ دا کە کارەساتی تسونامی یەکە ی(هەژاندنی) ئۆقیانوسی هیندی  ڕویدا ،هەندێ لە زانایان وای بۆ ئەچون کە لە ئەنجامی تاقیکردنەوەی چەکی ئەتۆمی ڕویدا بێت ، دواتر زانایان بۆیان دەرکەوت کە ئەمەش ڕوداوی دەستکردی مرۆڤە ولە ڕێی چەکی بومەلەرزەوە ڕویداوە.

لە نیسانی  ساڵی ١٩٩٧ دا لە  کۆنفراسی  دژە تیرۆردا ،  وەزیری بەرگری ئەوکاتەی  ئەمەریکا   ( ولییەم کۆن)  باسی لە تێرۆری تێکدانی سروشت کرد ،ووتی{ لە دەرەوە کەسانی دەرون نەخۆشی بە توانا وزیرەك هەن کە ئەیانەوێت ئەم ژینگەیەی ئێمە تێک بدەن ،هەوڵ ئەدەن بومەلەرزەی دەستکرد بخوڵقێنن و لە دوورەوە شاخە ئاگرینەکان ( بورکان) بتەقێننەوە لە ڕیگای شەپۆلی ئەلەکترۆنی یەوە ، بۆیە پێویستمان بە هەوڵدانی زۆرترە بۆ ڕێگرتن لەم کارانە} ،کە مەبەستی ڕوسیا بوو ،لەگەڵ ئەوەی خۆیان زۆر دەمێکە سەرقاڵی بەرەوپێش بردنی ئەم چەکە بون .

لە کۆتایی سەدەی نۆزدەهەمدا زانای فیزیکی ئەمەریکی  بە ڕەگەز کرواتی ،کە کۆچی کردبوو بۆ ئەمەریکا ، زانا ( نیکۆلا تێسلا) ،هەوڵی دا ئامێرێك دروست بکات ،کە لەرینەوەیەکی بەهێزی دیاریکراو بەرهەم بهێنێت. تا ساڵی ١٨٨٧ ز توانی لە لابوردەکەیدا ئەو ئامێرە دروست بکات ،    ( وێنەکەی لە خوارەوەدا ئەبینیت) ، دواتر دوای مردنی هەموو زانیاری و تیۆرییەکانی لە لایەن پۆلیسی نهێنی ئەمەریکی یەوە دەستی بەسەرا گیرا و بە نهێنی مایەوە و هەوڵدرا پەرەی پێ بدرێت( ئەم بەسەرهاتەش نوسینێکی دورودرێژی پێویستە بۆ ڕونکردنەوەکەی).

 ئەمەریکا دەزگای هارپ لە ناوچەی ئەلەسکای 

ڕوودانی کارەساتی سروشتی ،بە تایبەتی لە ماوەی  ١٠ساڵی ڕابردوودا  ، وەك باسم کرد هۆی یەکەی ئەگەڕێتەوە   بۆ دەزگای  هارپ لە ناوچەی  ئەلەسکای ئەمەریکا ،کە سەربازگەیەکی نهێنی  لێ یە  ،  ئێستا لە ناو دارستانێکی چڕدایە کە بە زەحمەت ئەبینرێت،  چەند کیلۆمەترێك لەسەرووی  گاکۆنایە، کە سەتەلایتێکی زۆر گەورەیان کردۆتە ئاسمانی ئەلەسکا .
توانای ئەم دەزگایە بۆ بەرهەم هێنانی  سیستەمی ئەلکترۆماگنێتی ( ١٠٠ ملیارد وات)ە. کە بە چەکێکی کاریگەری بە توانای سەدەی  بیست و یەك  ئەژمێردرێت بۆ تێکدانی سروشت  و بەرهەم هێنانی بومەلەرزە ، ووشکە ساڵی ،لافاو و تەقینەوەی شاخە گرکانەکان لە هەر شوێنێکی سەر ڕووی زەمین بێت ، ئەمە هۆکاری گۆرینی سروشت و ڕودانی کارەساتەکانە ، نەك تێکچونی ئاوهەوای زەوی و نزیك  بوونەوەی قیامەت ، ئەم بۆچوونانە دوورن لە ڕاستی یەوە ، بەڵکو دەستکردی دەستی مرۆڤ خۆیەتی .

هەروەك لە ٨-٤-١٩٨٤ تەقینەوەیەی زۆر بەهێز لە کەناری دەریای باکوری یابان ڕوویدا ،بە دەیان کیلۆمەتر شەپۆلی دەریاکە بەرزبوەوە ، زانایان لەو بڕوایەدا بوون ،لە لایەن ڕوسیاوە ئەم کارە کرا بێت ، کە خاوەنی دەزگایەکی هاوشێوەی دەزگای هارپی ئەمەریکن ،بەڵام هێشتا نەگەیشتۆتە ئاستی توانای دەزگای هارپ.

لەگەڵ ئەوەی ئەمەریکا لە ساڵی ١٩٩٥ ەوە بودجەی دەزگای هارپی بڕیوە ، بەڵام کارکردن لەو پڕۆژەیەدا هەر بەردەوامە ، لەڕێی ترەوە هەوڵی بەدەستهێنانی سەرچاوەی دارایین ، هەندێ باس لە پارەی ڕەش و بازرگانی بە مادەی بێهۆشکرەوە ئەکەن بۆ بەدەست هێنانی پارەی پێویست بۆ بەردەوام بونی  ئەم دەزگایە.

لە  ڕاستیدا بۆ ڕوون کردنەوەی زۆرتری ئەم بابەتە پێویستی  بە چەندان لێکۆڵینەوە ونوسین هەیە ،تا بتوانین زانیاری تەواومان دەست بکەوێت ،لەوانەیە من نەمتوانی بێت بە درێژی و ووردبینی باسی هەموو لایەنەکانم کردبێت ،هیوادارم کەسانی تر هەوڵ بدەن زانیاری نوێ و سودبەخش بخەنە ڕوو بۆ خوێنەری کورد .

ئەوەی من بە کورتی باسم کرد تەنها بۆ باس کردنی ئەم چەکە نوێیەی سەدەی ٢١  ە ،کە ئەتوانێت کاریگەری خراپی بۆ هەموو جیهان بێت ، وا ئیمڕۆ هەست بە زیان و ئەنجامەکانی ئەکەین ،ئەمانە  ڕاستیەکی نکۆڵی لێنەکراوە ، نەك نزیك بوونەوەی ڕۆژی ( قیامەت) و نەمانی ژیان  یان پیس بوون و گەرم بونی گۆی زەوی.

وەك زانراوە ،ئاووهەوای سەر زەوی سیستەمێکی زۆر هەستیارە ، وەك زانایان باسی لێوە ئەکەن ،بە کەمترین هۆکاری دەستکرد کاریگەری خراپ ئەکاتە سەر زەوی و هاوسەنگی تێك ئەدات وکارەساتی خراپی لێ بەرهەم دێت ، بە کورتی باسی ئەو کاریگەرە خراپ و ئامانجانە  ئەکەم لەڕێی  ئەم دەزگای هارپەوە:

+  گەورەیی ڕوپێوی ئەو سەتەلایتە زەبەلاحانە و شەپۆلەکانی کاریگەری خراپ ئەکاتە سەر ژینگەی سەر زەوی ،تێکدانی ئاووهەوای سەر زەوی  ،گۆڕینی ژینگە.

+    ئەم شەپۆلانە کاریگەری ڕاستەوخۆی هەیە لەسەر مێشك و مۆخی مرۆڤ و بە ئاسانی بڵاوبونەوەی ڤایرۆس و میکرۆبی نەخۆشی یەکان ، توشبونی مرۆڤ بە شێرپەنجە بە هەموو جۆرەکانیەوە . گەر سەرنج بدەین ئەم دیاردەیە لە کوردستانیشدا سەری هەڵداوە.

+ لە ڕێی شەپۆلی ئەم دەزگایەوە ،ئەتوانرێت ڕوناکی یەکی زۆر لە سەر زەوی دروست بکرێت ،کە ماوەیەك لەمەوپێش لە سەر ئاسمانی کوردستان بە شەو ڕوناکی یەکی نائاسایی بینرا.

+لە ڕێی ئەم شەپۆلانەوە ئەتوانرێت نهێنی ژێر زەوی ئاشکرا بکرێت ،بۆ نمونە شوێنی شاردنەوەی سەربازگە و ڕاکێتی دوژمن یان دەزگای چەکی ئەتۆمی و شوێنی تاقی کردنەوەی وەك چۆن لە ئێران دەست نیشانی شوینی ئەتۆمی یەکانیان کرد.

+ لەڕێی ئەم شەپۆلانەوە ئەتوانرێت بە ئاسانی  ناوچە کێڵگەکانی نەوت و گازی ژێر زەوی دەست نیشان بکرێت ،بێ ئەوەی بە شوینیا بگەڕێن.

+ وەك زانای فیزیکی شارەزا( کارستن کراوزە)  لەو بوارەدا ئەڵێت لەڕێی ئەم پڕۆژەوە ئەتوانرێت بە ئاسانی پردێك یان هەر خانوبەرەیەك بیانەوێیت ،بیڕوخێنن.

لەانەیە بۆ زۆر مەبەستی تر بەکار بهێنرێت ،کە تا ئێستا مرۆڤ هەستی پێ نەکردبێت ،تەنها چاوەڕێین تا زانیاری ترمان دەست ئەکەوێت.

 

ئەمەش هەندێك لە سەرچاوەی سایتەکانی ئینتەرنێتە کە باس لەم پرۆژەیە ئەکەن ،هەمووی بە زمانی ئەڵمانی یە:

  http://www.youtube.com/watch?v=8thOm-_TTqg 

 http://www.zeitenschrift.com/news/haarp-die-geheimen-wettermacher

http://www.fosar-bludorf.com/Erdbeben/

http://www.radio-utopie.de/2008/05/14/us-regierung-warnte-1997-vor-kuenstlichen-erdbeben-und-umwelt-terrorismus/

 

http://www.spiegel.de/wissenschaft/natur/menschen-loesen-erdbeben-aus-verheimlichte-ursachen-der-katastrophen-a-862602.html

 

ئەم وێنانەش ،وێنەی لای چەپ  ئەو ئامێرەیە کە نیکۆلا تێسلا بەرهەمی هێنا بۆ دروستکردنی شەپۆل و لەرینەوەی ئەلەکترۆنی ،وێنەی ڕاست لابوری نوێ یە  بۆ بەرهەم هێنانی ئەم شەپۆلانە.

 

 

 

 

 

 

Go to top