We have 152 guests and no members online

محەمەد ئەحمەد - خورماتو

وەزیر, جێبەجێكاری یەكەمی پلانەكانی حكومەتە لە هەر وڵاتێكدا, هەریەكە بەرپرسە لە سەر ئەرك و پیشەی لە بوارەكەی خۆیدا لە سەرتاسەری وڵات, بۆیە وەزیر دەبێت باشترین پسپۆڕەكانی وڵات بێت لە بوارەكەی خۆیدا, تا ئەو پلەیی پێ ببەخشێنرێت لە پێناو خزمەتكردنی خەڵكدا.

بەڵام, لە حكومەتی هەرێمی كوردستان و عێراقدا, ماف و بەرژەوەندی حزبایەتی, بەربەستی زۆری بۆ كاروبارەكانی ولات دروست كردوە یەكێك لەو بەربەستانە, دانانی وەزیرەكانی حكومەتە.
ئەوەی جێی سەرسوڕمانە, ئەم وەزیرانەی كوردستان و عێراق, لە زۆربەی كابینەكانی تری حكومەتدا وەزیر بوون و لە كابینەكانی داهاتوشدا هەر وەزیرن بەڵام لەسەر وەزارەتی تر كە كار و پیشەی جیاوازە لەگەڵ وەزارەتەكەی پێشویدا.
بۆیە ئەم بێ سەر و بەرییە لە حكومەتدا دەكرێت و ێشەكان بە سەقەتی و پڕ لە كێشە بەڕێوە دەبرێن.
ئەمجارەیشیان وەزیرەكانی كابینەكەی عەبادیشدا وەزیری كابینەكانی پێشوتر بوون و ئێستا تەنها ئاڵ و گۆڕ كراوە لە نێوان وەزارەتەكان.

چەند نمونەیەكی بچوك.
حسین شهرستانی وەزیری نەوتی پێشو, ئێستا وەزیری خوێندنی باڵا.
هۆشیار زێباری وەزیری دەرەوەی پێشو, ئێستا جێگری سەرۆك وەزیران.
رۆژ نوری شاوەیس جێگری سەرۆك وەزیرانی پێشو, ئێستا وەزیری دارایی.
ابراهیم جعفری سەرۆك وەزیرانی پێشوتر, ئێستا وەزیری دەرەوەی پێدرا.
نوری مالیكی سەرۆك وەزیرانی پێشو, ئێستا جێگری سەرۆك كۆمار.

لە هەموشی سەیرتر لە كابینەكەی نوری مالیكیدا, ئاڵ و گۆڕكردنی وەزیرەكان گەیشتە ئەو رادەیەی كە وەزیری بەرگری كرا بە وەزیری رۆشەنبیری, هەر وەك ئەوە وابێت, هەموو ئەم وەزیرانە جۆكەرن و سەریان لە هەمو كاروبارێكی ولات دەربچێت.

هیوادارم لە داهاتودا كەسى شایستە لە شوێنی شایستە دابنرێت و سەرجەم وەزیر و كاربەدەستانی وڵات كەسانی پسپۆڕ و لێهاتوتربن لە بوارەكەی خۆیاندا.

This email address is being protected from spambots. You need JavaScript enabled to view it.

 

 

 

 

 

 

 

 

 

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

 

 

 

پێشمه‌رگه‌، قه‌ڵای قایمی كوردستانه‌ بۆ روبه‌روبونه‌وه‌ی هه‌ر هێڕشێك و ئاشكرایه‌ ئه‌گه‌ر پێشمه‌رگه‌ نه‌بێت و سنوره‌كان نه‌پارێزن، هه‌رگیز ده‌سه‌ڵاتی سیاسی له‌ كوردستان بونی نابێت و خه‌ڵك ده‌ربه‌ده‌ری ده‌ستی دوژمنانی گه‌لی كوردستان ده‌بیت.

له‌م رۆژانه‌دا به‌ بڕیاری كابینه‌ی هه‌شته‌می ئه‌نجومه‌نی وه‌زیرانی كوردستان، بۆ هه‌ر وه‌زیریك بڕی 30000 دۆلار بدریت بۆ باشتر كردنی ره‌وشی ئابوری وه‌زیره‌كان، ژماره‌ی وه‌زیره‌كانیحكومه‌تی هه‌رێمی كوردستان 21 وه‌زیره‌ و به‌ سه‌رۆكی ئه‌نجومه‌نی وه‌زیران و جێگره‌كه‌ی ده‌بنه‌ 23 كه‌س، پێكه‌وه‌ با بیژمێرین چه‌ند ده‌كات:

30000 دۆلار ده‌كاته‌ 34963473دینار عێراقی.

34963473دینار * 23 وه‌زیر = 804159879دیناری عێارقی، هه‌شت سه‌د و چوارملیۆن و سه‌د و په‌نجاو نۆهه‌زار و هه‌شتسه‌د و خه‌فتا و سێ دینار.

هه‌روه‌ها هه‌مومان ئه‌وه‌ش ده‌زانن به‌ خانه‌نیشینكردنی وه‌زیره‌كانی كابینه‌ی حه‌وتی حكومه‌تی هه‌رێم، هه‌ر وه‌زیریك 45000000چل و پێنج ملیۆن دیناری پێدرا جگه‌له‌ موچه‌ی خانه‌نشینی مانگانه‌ی.

45000000 * 23 = 1035000000دینار عێراقی، ملیارێك و سی و پێنج ملیۆن

كۆی گشتی ئه‌مانه‌ ده‌كاته‌:

804159879+1035000000= 1839159878 ملیارێك و هه‌شت سه‌د و سی و نۆ ملیۆن و سه‌د و په‌نجا و نۆ هه‌زار و هه‌شت سه‌د و حه‌فتا و هه‌شت دینار.

ئێستا ئه‌م پاره‌یه‌ بۆ خزمه‌تكردنی پێشمه‌رگه‌ سه‌رف بكرێت یاخود بۆ ئاواره‌ كورده‌كانی جه‌له‌ولا و ناوچه‌كانی ده‌وروبه‌ری موێڵ سه‌رف بكرێت باشه‌ یان بۆ وه‌زیره‌كان تا ره‌وشی ئابوری خۆیانیان پێ چاك بكه‌م، ئایه‌ ره‌وشی ئابوری وه‌زیره‌كان له‌ ره‌وشی ئابوری پێشمه‌گه‌ و ئاوه‌ره‌ كورده‌كان خراپتره‌؟؟، ئایا پێشمه‌رگه‌ شایسته‌ی ئه‌وه‌ نییه‌ موچه‌ 500000 پێنج سه‌د هه‌زارێكه‌ی بۆ زیادبكریت و چیتر پاره‌ی حكومه‌تی هه‌رێم بۆ شتی بێ مانا سه‌رف نه‌كرێت، خۆ هه‌ر وه‌زیرێك موچه‌كه‌ی به‌شی ئه‌وه‌ ده‌كات تا ره‌وشی ئابوری خۆی پێ چاك بكات، به‌ڵام پێشمه‌رگه‌ به‌ 500000 دیناره‌وه‌ ئه‌گه‌ر كرێچیشبێت ئه‌وا ناتوانێت هیچی پێ بكات و دڵنیام زۆربه‌ی زۆریان قه‌زداری دوكانه‌كانی ته‌نشیت ماڵی خۆیانن.

به‌ڕای من حكومه‌ت قسورێكی زۆری كردوه‌ له‌ خزمه‌تكردنی كۆمه‌ڵانی خه‌ڵكی كوردستان به‌ گشتی و پێشمه‌رگه‌ به‌تایبه‌تی.

بۆیه‌ لێره‌وه‌ ئه‌و پێشنیاره‌ ده‌كه‌م، له‌به‌ری ئه‌وه‌ی 30000 دۆلاره‌ بدرێته‌ وه‌زیره‌كان، 10000 یه‌ك ده‌فته‌ر دۆلار بدریته‌ خانه‌واده‌ی هه‌ر شه‌هیدێكی پێشمه‌رگه‌ كه‌ له‌م دواییه‌دا له‌به‌ر ئازادكردنی خاكی پیرۆزی كوردستان به‌ده‌ست دوژمنانه‌وه‌ شه‌هیدكران.

تێبینی: ئه‌مه‌ی كه‌ حسابكرا په‌یوه‌ندی به‌ موچه‌ی مانگانه‌ی وه‌زیره‌كانی ئێستا و موچه‌ی خانه‌نشینكردنی وه‌زیره‌كانی پێشتر نییه‌، ئه‌مه‌ ته‌نها بڕیاری تایبه‌ته‌ و ئێمه‌ پێی ده‌زانین.

This email address is being protected from spambots. You need JavaScript enabled to view it.

 

 

 

 

خورماتوو...پرخوێناویترین جێی نیشتەجێبوون لە سەرانسەری دونیادا..رۆژانە 2-3 تەقینەوە لەو شارە روودەدات، خەڵکەکەی کەمە کەمە کۆچدەکەن بۆ شارەکانی تر و بەتایبەتی نەتەوە کورد، بە دڵناییەوە دەیڵیم، هیچ حزب و لایەنێک نییە لە هەوڵی خورماتوو و خەڵکەکەیدا بێت ، جگە لە تێکچونێکی و پڕ خوێناوی باری ئەمنی بەخۆیەوە دەبینی خورماتوو بەدەست بێ پرۆژەییەوە رۆژ تا رۆژ بەرەو دواوە دەکەوێت، بەرپرسی یەکەمی ئەم کارانەش ناکۆکی نێوان حکومەتی بەغدا و هەرێمە و خەڵکی خورماتوو پێیا چوونە.


ئەگەر بۆ ماوەی یەک ساڵ بگەرێنە دواوە وە و هەواڵی سەردانی وەفدی تورکمانی شاری خورماتوو بخوێننیەوە بۆ لای سەرۆک کۆماری عێراق "جەلال تاڵەبانی" بەڵینی بە پاریزگا بوونی خورماتوو ی داوە بەو وەفدە.
ئێستا، ئەنجومەنی وەزیرانی عێراق، تەواو کەری بڕیارەکەی سەرک تاڵەبانی بووە، راستە ئەم داخوازییە لەلایەن نەتەوەی تورکمانەوە کراوە و حزبە کوردیکان ئێستا رەتی دەکەنەوە، بەڵام لە کۆتاییدا، حکومەتی ناوخۆی خورماتوو هەر دانیشتوانەکەی پێکی دێنین و بەپێی رێژەی دەنگەکان پۆست و دەسەڵات وەردەگرن.

سەبارەت بە گەرانەوەی خورماتوو و کەرکوک و ناوچە دابڕاوەکانی تر بۆ سەر هەرێمی کوردستان، خورماتوو خۆی هەر دەمێنێتەوە وەک ناوچەیەکی کێشە لەسەر و هەمان بڕیارە مردوەکەی ماددەی 140 ی دەستوری عێراق دەیگرێتەوە.

بۆیە لێرەوە داواکارم هەموو لایەنەکانی خورماتوو هەرلە ئێستاوە کار بکەن بۆ هەڵبژاردنی دەستەی بەڕیوەبەراتی پارێزگاکەییان و بەژداربن لە چۆنێتی پلاندانان بۆ باشترکردنی بارودۆخی هاوڵاتیا، خۆ ئەگەر خورماتوو بکریتە پاریزگا یان نا خەڵکی تر لە شوێنی ترەوە ناهێنن، بێگومان هەر خەڵکەکەی وەک خۆی دەمێنیتەوە بەڵام لە جێی ئەو ئیهمال کردنەی هەرێم و بەغدا ئیتر هەردوو حکومەتەکە لەبەر بەرژەوەندی خۆیان گرنگییەکی زیاتر دەدەن بە خورماتوو.

 


This email address is being protected from spambots. You need JavaScript enabled to view it.

هه‌ر شوێنێك كه‌سێكی تێدا نه‌بێت دادپه‌روه‌ری له‌ نێو خه‌ڵكدا په‌یڕه‌وبكات، پێی ده‌وترێت شاری بێ حاكم.

نمونه‌ی شاری بێ حاكمیش ئه‌وه‌یه‌ خاوه‌ن هێزه‌كان غه‌در له‌ بێ هێزه‌كان بكه‌ن و هیچ ده‌سه‌ڵاتێكیش نه‌بێت به‌رگری له‌ چه‌وساندنه‌وه‌ی بێ هێزه‌كان بكات.

خورماتوو، ئێستا نازناوی "شاره‌ بێ حاكمه‌كه‌" پڕ پێستێتی، چونكه‌ خورماتوو بۆ زیاتر له‌ مانگێكه‌ دادگا له‌ كاركه‌وتوه‌ دادوه‌ره‌كانیش ئاماده‌ نین بێنه‌وه‌ دادگا، هه‌روه‌ها بنكه‌ی پۆلیسی لێنییه‌ تا له‌ كێشه‌ی هاوڵاتییان بكۆڵێته‌وه‌.

نه‌بوونی ئه‌م دوو فه‌رمانگه‌ گرنگه‌ له‌ خورماتوو بوه‌ته‌ هۆی نیمچه‌ وه‌ستانی ژیانی هاوڵاتییانی ئه‌و شاره‌ و دروستبونی فه‌راغی ئه‌منی، به‌تایبه‌تی كه‌س نازانێت ئێستا خورماتوو سه‌ر به‌ كوێیه‌، پێشتر سه‌ر به‌ پارێزگای صلاح الدین بوو، به‌ڵام صلاح الدین ئێستا له‌ ژێرده‌ستی داعش دایه‌ و خورماتوو به‌ ده‌ر له‌ قه‌زاكانی ئه‌و پارێزگایه‌ له‌ژێر ده‌سه‌ڵاتی هێزه‌كانی پێشمه‌رگه‌دان وه‌كو پاراستنی سنوره‌كان، به‌ڵام وه‌كو ئیداری كه‌س نازانێت ئێستا به‌كێوه‌ به‌سراوه‌ته‌.

ئه‌توانین بڵێن 3 ساڵی رابردو له‌ مێژوی خورماتوودا خوێناویترین رۆژانی بووه‌ و گه‌یشته‌ ئه‌و ڕاده‌یه‌ له‌ ماوه‌ی ته‌نها 2 كاتژمێردا له‌ خورماتوو زیاتر له‌ 25 ته‌قینه‌وه‌ له‌ گه‌ڕه‌كه‌ جیاجیاكانی ئه‌نجامبدرێت، ئه‌مه‌ جگه‌له‌ ته‌قاندنه‌وه‌ی ماڵان و تیرۆركردنی هاوڵاتیان و تۆقاندنیان، هه‌مو ئه‌مانه‌ وایكردوه‌ هاوڵاتییان نه‌مانی ملیاره‌ها دیناری پرۆژه‌كانی خورماتوویانبیربردبێته‌وه‌ و كه‌س نه‌زانێت چییان به‌سه‌ر هاتووه‌ و هه‌روه‌ها به‌ سه‌دان ماڵ كۆچبكه‌ن بۆ شاره‌كانی دیكه‌.

له‌ پاش هێرشكردنی داعش بۆ موێل و صلاح الدین، زیاتر له‌ 100.000 سه‌دهه‌زار له‌ هێزه‌ ئه‌منیه‌كانی حكومه‌تی عێراق بێ هیچ شه‌ڕێك له‌ موصڵ و صلاح الدین و كه‌ركوك كشانه‌وه‌ زۆربه‌یان له‌ سنوره‌كانی هه‌رێمی كوردستانه‌وه‌ گرانه‌وه‌ شاره‌كانی خۆیان، له‌پاش ئه‌مه‌ش حكومه‌تی عێراقی حكومه‌تی هه‌رێمی تۆمه‌تباركرد به‌ ده‌ست تێكه‌ڵكردن له‌گه‌ل داعشدا دژ به‌ حكومه‌تی عێراق.

خورماتوش یه‌كێكه‌ له‌و شارانه‌ به‌بێ هیچ شه‌رێك هێزه‌ ئه‌منیه‌كانی عێراق لێی كشایه‌وه‌ و هێزه‌كانی پێشمه‌رگه‌ ئه‌ركی پاراستنی سنوره‌كانی خورماتوو كه‌وته‌ ئه‌ستۆیان، ئه‌م روداوه‌ بۆماوه‌ی زیاتر له‌ مانگێكه‌ رویداوه‌ و له‌وكاته‌ به‌رقه‌رار بونی ئه‌منی ته‌واوی ناوچه‌كانی ژێرده‌سه‌ڵاتی هێزه‌كانی پێشمه‌رگه‌ له‌ خورماتووی گرته‌وه‌ وایلێهات له‌ ده‌نگی ته‌قه‌ی خۆشی زیاتر هیچی تر نه‌بیسترێت، ژیان وه‌ك خۆی گه‌ڕایه‌وه‌ له‌ نێو كاولبونێكی دیاری ماڵ و كۆڵانی گه‌ڕه‌كه‌كانی شار.

به‌ڵام له‌ چه‌ند رۆژێك پێش كۆتایی مانگی پیرۆزی "ره‌مه‌زان"، له‌پاش بڵاوبونه‌وه‌ی هه‌واڵی گه‌یشتنی چه‌ندین میلیشیای شیعی له‌ باشوری عێراقه‌وه‌ بۆ شاری خورماتوو و گه‌یشتنی 2 ئۆتۆمبێڵی بارهه‌ڵگر چه‌ك بۆ میلیشیا شیعه‌كانی خورماتوو، دووباره‌ دیارده‌ی كوشتنی هاوڵاتیان و ته‌قاندنه‌وه‌ی ماڵه‌كانیان ده‌ستی پێكردۆته‌وه‌ و به‌ پێی زیانیاریه‌كان زیاتر له‌ 15 هاوڵاتی تیرۆركراوه‌ و 5 ته‌قینه‌وه‌ ئه‌نجامدراوه‌، ئه‌وه‌ی جیاوازبێت ئه‌وه‌یه‌ پێشتر مه‌له‌فی ئه‌منی خورماتوو له‌ژێر ده‌ستی حكومه‌تی عێراقیدا بو، به‌ڵام ئه‌مجاره‌ مه‌له‌فی ئه‌منی له‌ ژێر ده‌ستی هێزه‌ئه‌منیه‌كانی حكومه‌تی هه‌رێمی كوردستانه‌ و به‌ڕاستی ئه‌مه‌ بوته‌ هۆی نیگه‌رانی هاوڵاتیان و داواده‌كه‌ن حكومه‌تی هه‌رێم ئه‌م كێشه‌یه‌ چاره‌سه‌ر بكات.

This email address is being protected from spambots. You need JavaScript enabled to view it.

 

Go to top