We have 65 guests and no members online

بابەعەلی بەرزنجی

هاتنه‌ كایه‌ و په‌یدابونی مرۆڤ و ده‌ستپێكردنی ژیان كه‌ به‌ ئه‌م كائینه‌ ڕێزلێنراوه‌وه‌ به‌نده‌ بابه‌تێكی ئاڵۆز و ته‌مو مژاویه‌و هه‌ر له‌ مێژه‌ جێگه‌ی سه‌رنج و لێڕامانی زۆرێك له‌ بیرمه‌ند و زاناو فه‌یله‌سوفه‌كان بووه‌.

به‌ تێپه‌رٍبوونی كات و هاو ئاهه‌نگ له‌گه‌ڵ هه‌ڵكشانی ڕه‌وڕه‌وه‌ی مێژوو ئه‌م جه‌ده‌له‌ درێژه‌ی هه‌بووه‌و ئه‌شبێت، ئه‌م دێت و ئه‌وی دیكه‌ ڕه‌ت ده‌كاته‌وه‌.

ئه‌گه‌ر چی مرۆڤ ته‌وانایه‌ به‌سه‌ر بونه‌وه‌ره‌كان و سروشتداو با بڵێین سه‌روه‌ری جیهانیانه‌ و چۆكی به‌ كۆسپ و ته‌گه‌ره‌ و به‌ربه‌سته‌كانی سروشت داداوه‌ و توانیویه‌تی خۆش گوزه‌رانی بۆ ڕه‌گه‌زه‌كه‌ی خۆی فه‌راهه‌م بكات كه‌چی هه‌روه‌ك چۆن مه‌ودای بینینی سنورداره‌ به‌ هه‌مان شێوه‌ توانای هزری و تێفكرین و ڕاڤه‌كردنیشی له‌ ئاستی خودی خۆی و نهێنیه‌كانی بوون ئه‌توانم بڵێم ده‌سته‌وه‌ستانه‌ و په‌ی به‌ نهێنیه‌كانی نابات، وه‌كو داوێكی پڕ گرێو گۆتاڵ و ئاڵۆزكاوه‌ و پێی ناكرێته‌وه‌ یاخود با بڵێین كلیلی كردنه‌وه‌ی ئه‌م ده‌رگایه‌ی پێنه‌به‌خشراوه‌، هه‌روه‌ك چۆن كه‌سێك له‌ ڕۆژێكی ساماڵی به‌هاردا به‌سه‌ر لوتكه‌ی چیایه‌كه‌وه‌ ڕاوه‌ستابێت و له‌ ده‌وروبه‌ره‌كه‌ی بنواڕێت و لێیان ڕامێنێت كه‌چی ئه‌و كه‌سه‌ خۆی نه‌بینێت.

به‌هه‌رحاڵ لێره‌دا پێم باشه‌ ئه‌م قۆناغه‌ تێپه‌ڕێنین و گوڕێك به‌ خۆمان بده‌ین و بازێك هه‌ڵبه‌ین بۆ سه‌رده‌مێكی پاشتر كه‌ ئه‌ویش قۆناغی ده‌سپێكردنی زینده‌گیه‌. پاش زیادبوونی ژماره‌و گه‌شه‌كردنی له‌ڕوی چه‌ندێتیه‌وه‌ پێده‌چێت مرۆڤه‌كان به‌شێوه‌ی گروپ و تاقم كۆچیان كردبێت به‌ دوای ژینگه‌ی له‌بار و په‌یداكردنی بژێوی. سه‌ختی به‌ربه‌سته‌ سروشتیه‌كان و دووری ئه‌م گروپانه‌ له‌یه‌كتره‌وه‌و ساده‌یی و بگره‌ ده‌گمه‌نی هۆكاره‌كانی گواستنه‌وه‌و په‌یوه‌ندی كردن له‌ نێوانیاندا بوبێته‌ هۆكاری زیاتر دابڕانیان و له‌ ئه‌نجامدا هه‌ریه‌ك له‌م تاقمانه‌ به‌ ئاڕاسته‌ی تایبه‌تمه‌ند بوون هه‌نگاوی هه‌ڵگرتوه‌و هه‌ندێك دابونه‌ریت و خوڕه‌وشتی تایبه‌ت و سه‌ره‌تاییان پیاده‌ كردوه‌.

به‌ مه‌به‌ستی لێكتێگه‌یشتن و گه‌یاندنی په‌یامه‌كان مرۆڤی ئه‌و سه‌رده‌مانه‌ ڕه‌نگه‌ كۆمه‌ڵێك بزاوت و جموجوڵ و ده‌ربڕین به‌ ئاوازه‌كانی ده‌نگی پیاده‌ كردبێت وه‌كو به‌كارهێنانی ده‌ست و سه‌روشان و بزواندنی چاو

 (POSTURES AND GESTURES) و ده‌ربڕینه‌كانی ده‌موچاو

 (FACIAL EXPRESSIONS) یان لاسایی كردنه‌وه‌ی ده‌نگه‌ سروشتیه‌كان یان گیانله‌به‌ران كه‌ هه‌ریه‌ك له‌مانه‌ ئاماژه‌ بێت بۆ فه‌رمانێك كه‌ له‌سه‌ری پێكهاتبن. به‌ مروری زه‌مه‌ن ئه‌م ده‌نگ و بزاوتانه‌ بۆی هه‌یه‌ پێشڤه‌ چونیان به‌ خۆوه‌ بینیبێت و له‌ ئه‌نجامدا زمانی ئاخافتن وه‌ك ئه‌وه‌ی ئێستا هه‌یه‌ هاتبێته‌ بوون. جوگرافیا و ئاووهه‌وای ئه‌و ژینگه‌ و هه‌رێمانه‌ كاریگه‌ری له‌سه‌ر خه‌سڵه‌ته‌كانیان داناوه‌ هه‌ر له‌ ڕه‌نگی پێست و له‌ش و لاره‌وه‌ بگره‌ تا ده‌گاته‌ فۆنه‌تیكی قسه‌كردن ته‌نانه‌ت نه‌غمه‌ی ده‌نگه‌كانیش.

ئه‌م جیاوازیانه‌ به‌ ڕوونی وه‌دیاركه‌وتوه‌ له‌ نێوان هاوڵاتیه‌كی عه‌ره‌بی ئه‌فریقی له‌گه‌ڵ یه‌كێكی تری دانیشتوی كه‌نداو كه‌ هه‌ردووكیان له‌ هه‌مان نه‌ژادیشن یان له‌م هه‌رێمه‌ی خۆماندا بۆ نموونه‌ سلێمانی له‌گه‌ڵ گه‌رمیان و هه‌ولێر له‌گه‌ڵ كه‌ركووك كه‌ سه‌رجه‌میان به‌ شێوازی كرمانجی خواروو ئه‌دوێن به‌ڵام به‌هۆی دووری و كه‌م تێكه‌ڵ بوون به‌ یه‌كتر به‌ تایبه‌ت له‌ ڕابردوودا ئه‌بینین جیاوازی هه‌یه‌ له‌ شێوه‌ی قسه‌كردن و فۆنه‌تیك هه‌رچه‌نده‌ ئه‌م جیاوازیه‌ش ته‌سك و سنورداره‌.

پێویسته‌ بووترێت كه‌ زمانی هێماكان، (BODY LANUAGE) و ئه‌گه‌ری به‌كارهێنانی له‌لایه‌ن مرۆڤی كۆن له‌ لای گروپێك له‌ زانا و لێكوَڵه‌ران كه‌ به‌ په‌سه‌ندی ئه‌زانن یه‌كێكه‌ له‌ گریمانه‌كان و بابه‌تێكه‌ كه‌ پێویستی به‌ لێكۆڵینه‌وه‌یه‌، له‌ هه‌مان كاتیشدا هه‌تاوه‌كو ئێستاش له‌ هه‌ندێك بابه‌تی هونه‌ری یان بۆ گوزارشت كردن له‌ چه‌ند رٍێو شوێنێك ئه‌وه‌ی كه‌ به‌مه‌یان ده‌رده‌بڕێت له‌ وانه‌یه‌ نه‌توانرێت به‌ وشه‌ گوزارشتیان لێ بكرێت.

ئه‌گه‌ر تیشكێك بخه‌ینه‌ سه‌ر زمانه‌كان به‌ گشتی ده‌بینین له‌ ژماره‌یه‌كی كه‌م ده‌نگ و یه‌كه‌ی ده‌نگی پێكهاتوون كه‌ خۆی له‌ (30) بۆ (40) ده‌نگێك ده‌دات كه‌ هه‌زاران و بگره‌ ده‌یان هه‌زار وشه‌یان لێ پێكهێنراوه‌ له‌هه‌ر زمانێكدا، كه‌ كولتوری مرۆڤایه‌تیان ده‌وڵه‌مه‌ند كردووه‌ له‌ ڕووی ئه‌ده‌ب و زمان بواره‌كانی تر.

له‌م سه‌رده‌مه‌ی ئێستادا به‌ هه‌مان شێوه‌ی ئه‌و ئامێر و ده‌زگاو داهێنراوه‌ ته‌كنۆلۆژیانه‌ی كه‌له‌ سه‌رجه‌م بواره‌كانی ژیاندا هێنراونه‌ته‌ بوون ده‌بینین له‌ بواری زمانیشدا زۆرێك وشه‌ و زاراوه‌ تێكه‌ڵی سه‌رجه‌م زمانه‌كان بوون و وه‌ هه‌ڵگری هه‌مان چه‌مكن له‌لای هه‌مووان ئه‌مه‌ش ڕاپێچمان ده‌كات كه‌له‌ خۆمان بپرسین:-

1-       ئاخۆ ئه‌و هۆكار و به‌ربه‌سته‌ سروشتی و ژینگه‌ییانه‌ی كه‌له‌ كۆندا بووبون به‌ هۆی په‌رت بوون و دابڕانی مرۆڤه‌كان، له‌ حاڵی حازردا بوونیان ماوه‌؟

یاخود به‌ پێچه‌وانه‌وه‌ له‌ ئاكامی پرۆسه‌ی جیهانگیری له‌ لایه‌ك و هه‌روه‌ها پێشكه‌وتنی هۆیه‌كانی گه‌یاندن و په‌یوه‌ندی كردن كه‌ گه‌یشتونه‌ته‌ لوتكه‌و وه‌ك ده‌وترێ ئه‌م گه‌ردوونه‌ گه‌وره‌یه‌ وه‌ك گوندێكی بچووكی لێ هاتووه‌و، ئه‌م پرۆسه‌یه‌ سه‌رجه‌م ئه‌و به‌ربه‌ست و ئاسته‌نگانه‌ی تێكشكاندووه‌و له‌گه‌ڵ خۆیدا ڕا یماڵیون.

2-       ئایا له‌ داهاتویه‌كی دووردا زمانه‌كان به‌و ئاڕاسته‌یه‌ هه‌نگاو هه‌ڵئه‌گرن كه‌ زمانێكی جیهانی بێته‌ كایه‌وه‌ كه‌ جێگه‌ی زمانی ئاماژه‌و هێماكانی مرۆڤه‌ به‌راییه‌كان بگرێته‌وه‌؟

با وه‌ڵامی ئه‌م پرسیارانه‌ لێگه‌ڕێین بۆ سه‌رده‌مێكی دوورو قۆناغێكی مێژووی تر و كه‌سانێكی دیكه‌ له‌و ڕۆژگاره‌دا به‌رسڤیان بده‌نه‌وه‌ و بابه‌ته‌كه‌ به‌دوماهی بگه‌یه‌نین و به‌ دانانی خاڵی كۆتایی ڕه‌وڕه‌وه‌ی خه‌یاڵ و ئه‌ندێشه‌كانمان ڕاگرین.

 نه‌ ته‌ وه‌ی كورد یه‌كێكه‌ له‌ نه‌ته‌وه‌ دێرینه‌كانی ڕۆژهه‌ ڵات له‌ ڕووی نه‌ ژادیه‌ وه‌ به‌ قه‌ ومێكی ئاری هه‌ ژمار ده‌ كرێت، ئه‌ م زاراوه‌یه‌ به‌ چه‌ ند شێوازێك ئاماژه‌ی بۆ كراوه‌ له‌ قۆناغه‌ مێژوویه‌ كاندا وه‌ ك (ئاریایی، ئێریان، ئایران، ئێریانی) كه‌ زیاتر ئێمه‌ به‌ خۆمان خۆمان هه‌ ژمار ده‌كه‌ ین له‌ سه‌ ر ئه‌ و نه‌ ژاده‌، چونكه‌ وه‌ به‌ داخه‌وه‌ له‌ ناوه‌نده‌ نێو ده‌ وڵه‌تیه‌ كاندا و له‌ و یاده‌وه‌ریانه‌ ی كه‌ له‌ م دوواییانه‌ دا رێكخراوی نه‌ ته‌ وه‌ یه‌ كگرتووه‌ كان بۆ ئه‌ م نه‌ ته‌وه‌و گه‌ لانه‌ ته‌رخانی كرد ئه‌م گه‌ له‌ چل ملیۆنیه‌ ئاماژه‌ ی بۆ نه‌ كرا، ئه‌ گه‌ ر چی ئاشكرایه‌ كه‌ گه‌وره‌ترین پێكهاته‌ی نه‌ ژادیه‌ له‌ جیهاندا كه‌ مێژوو غه‌دری لێكردووه‌ وهه‌ تا ئێستا به‌ بی كیانی سه‌ ربه‌ خۆ ماوه‌ته‌وه‌.

 ئه‌ م گرفتارییه‌ی كه‌ كورد دووچاری هاتووه‌ بۆ چه‌ند هۆكارێك ده‌گه‌ڕێنرێته‌وه‌ وه‌ك هه‌ ڵكه‌ وته‌ی جوگرافی، ناكۆكی ناوخۆیی و پێكه‌ وه‌ هه‌ ڵنه‌كردنی پێكهاته‌ كانی، كه‌ ئه‌ مه‌ ش یه‌ كێك بوو له‌ خه‌ سڵه‌ ته‌كانی ئه‌ماره‌ته‌ كوردییه‌ كان كه‌ زۆر جار میره‌ كانیان په‌نایان بۆ داگیركه‌ران ئه‌برد بۆ خۆ به‌هێزكردن و زاڵبوون به‌سه‌ ر ئه‌ وانی تردا. ئه‌ گه‌ رچی وڵاتی كوردان له‌ ڕووی جوگرافییه‌ وه‌ به‌ ده‌ریاكانه‌وه‌ په‌یوه‌ست نی یه‌ كه‌ ئه‌ مه‌ گرنگیه‌كی ستراتیژی هه‌یه‌ بۆ بازرگانی و ته‌ واو كاری ئابوری، به‌ ڵام خاكه‌كه‌ی به‌پیته‌ و به‌ سامانی سروشتی وكانزای جۆراوجۆر ده‌وڵه‌مه‌نده‌.

هه‌ روه‌ها له‌ڕووی گه‌شتیاریه‌وه‌ بایه‌خی خۆی هه‌ یه‌ و چه‌ ندین شوێنه‌واری مێژوویی دێرینی تێدا به‌ دی ده‌ كرَێت هه‌روه‌ك له‌ ئێستادا شاری هه‌ ولێر به‌ پایته‌ختی توه‌ریزم ناوزه‌د ده‌كرَیت.

 دوابه‌ دوای ڕووخانی ڕژێم و هاتنه‌ كایه‌ ی سه‌رده‌مێكی نوی له‌ عیڕاق ئه‌ م ده‌ڤه‌ره‌ بوو به‌ گۆڕه‌پانی ململانێی هێزه‌ هه‌ رێمی و نێو ده‌وڵه‌تیه‌كان و ته‌سفیه‌ ی حیساباته‌ كۆنه‌كان، لایه‌ نی كوردیش ڕاسته‌ وخۆ و به‌ بی هیچ دوودڵیه‌ك خۆی له‌ سه‌ نگه‌ ر و به‌ ره‌ی هاوپه‌یمانه‌كاندا دیته‌وه‌ و هه‌ رچی پێكرابێت زه‌مینه‌ی بۆ ئه‌م پرۆسه‌یه‌ خۆش كردوه‌ و هاوكار و هه‌ مئاهه‌نگ بووه‌ له‌ گه‌ڵیان، له‌ ئه‌ نجامی ئه‌ م هه‌ ڵوێسته‌دا لایه‌نی كوردی بوو به‌ قوربانی و مایه‌ی ڕق لێبوون، تاڕاده‌ی به‌ ئامانج گرتنی له‌ لایه‌ن چه‌ند هێز و لایه‌نێك ته‌نانه‌ت نه‌ته‌وه‌كانی تری ناوچه‌كه‌ش.

 ئه‌وه‌ی سه‌یره‌ و مایه‌ ی سه‌ رسوڕمانه‌ وه‌ك له‌ م دواییه‌دا زیاتر بۆ هه‌موولایه‌ك به‌دیاركه‌وت بابه‌تی بلاك لیست كردنی هه‌ ردولایه‌نه‌كه‌یه‌ (پارتی، یه‌كێتی) ودانانیان له‌ ڕیزی تیرۆر، ئا لێره‌دا به‌باشی ده‌زانم سه‌رنجی به‌ڕێزتان ڕاكێشم بۆ ئه‌وه‌ی كه‌ من هیچ مه‌ به‌ستێكم به‌ لایه‌ ن و ته‌ره‌فداری بۆهیچ كام له‌م لایه‌نانه‌ نیه‌، به‌ڵكو گرفته‌كه‌ له‌ وه‌ گه‌وره‌تره‌ و بابه‌تێكی نه‌ته‌وه‌یی ونیشتمانی یه‌ كه‌له‌ وه‌ زیاتر هه‌ڵده‌گرێت كه‌ له‌ قاوغی حیزبایه‌تیدا ته‌ سك بكرێته‌وه‌.

 هه‌ردوا به‌ دوای یاخوود بابڵین هاوكات له‌گه‌ڵ سه‌ رهه‌ڵدانی ئه‌ م بلاك لیست كردنه‌ گرفتی بڕینی مووچه‌ی فه‌رمانبه‌رانیش هاته‌ كایه‌وه‌، تۆبڵیی ئه‌ م دووبابه‌ته‌ هیچ په‌یوه‌ندیه‌كیان به‌ یه‌كتره‌وه‌ هه‌بێت كه‌ هه‌ ریه‌كه‌یان له‌ سه‌رچاوه‌یه‌كی جیاوازه‌وه‌ پیاده‌ ده‌ كرێت؟ لێره‌دا به‌باشی ده‌زانم كه‌ بگه‌ڕێمه‌وه‌ سه‌ر كرۆكی باسه‌كه‌ كه‌ تیرۆره‌ به‌ڵام كام تیرۆر، ئه‌وه‌ی كه‌ ڕه‌ش و سپی لێك جیا ناكاته‌ وه‌ و ده‌كوژێت و ده‌ ته‌قێنێته‌وه‌ و سه‌ ر ده‌په‌ڕێنێت …هتد، وه‌ یان هه‌ر ڕێكخراوێك یان لایه‌نێك كه‌ ئه‌گه‌رچی له‌ پێناوی دۆزێكی ڕه‌وا خه‌ بات و تێكۆشان بكات، به‌ ڵام له‌ گه‌ڵ به‌ رژه‌وه‌ندیه‌كانی ئه‌م ناوه‌نده‌ باڵا ده‌ستانه‌ و بگره‌ هاوپه‌یمانه‌كانیاندا یه‌ك نه‌گرێته‌وه‌ هه‌روه‌ك چۆن له‌گه‌ڵ لایه‌نه‌ كوردیه‌كاندا پیاده‌ كراوه‌ و ده‌كرێت كه‌واته‌ بابه‌ته‌كه‌ ئه‌وه‌ نه‌بوو كه‌ ئێمه‌ بۆی ده‌چووین وپێمان خۆش بوو داكۆكی كردن بێت له‌ مافی گه‌له‌ بنده‌ست و چه‌وساوه‌كان ئه‌وه‌نده‌ی په‌یوه‌ندی به‌ هاوپه‌یمانێتَی و به‌رژه‌وه‌ندیه‌ ئابوری وسیاسیه‌كانه‌وه‌ هه‌بوو وه‌یان هه‌ یه‌. له‌سه‌ر هه‌مان ڕیتم كۆمه‌ڵێك پێكهاته‌ و ڕێكخراوی درووست كراو هه‌ ن كه‌ له‌ چوارچێوه‌ی سیاسه‌ت و به‌رژه‌وه‌ندیه‌كانی ئه‌م هێزانه‌دا و به‌ڕێنمایی ئه‌مان ڕاپۆرت و ڕاو بۆچوونی گوایه‌ بێلایه‌نانه‌ ئاڕاسته‌ ده‌كه‌ ن و ئه‌م و ئه‌و تاوانبار ده‌كه‌ ن و له‌ به‌ رچاوی كۆمه‌ڵَگای نێوده‌وڵه‌تی ده‌یان شێوێنن هه‌ روه‌ك چۆن له‌ ڕووداوه‌كانی به‌هاری عه‌ ره‌بی وئه‌وانه‌ی كه‌ به‌دوایان داهات گه‌یشته‌ ئاستی مه‌گزیمه‌مپۆینت. هه‌نووكه‌ وه‌ك كوردێك ئه‌و ووته‌یه‌مان به‌ بیر دێته‌ووه‌ كه‌ ته‌نها شاخه‌كان پشتیوانمانن، به‌ڵی چیاسه‌ركه‌شه‌كان ژێرخانێكی سرووشتی و له‌بن نه‌هاتوون و به‌درێژایی مێژوو پشت و په‌ ناو حه‌شارگه‌ی ئه‌م گه‌ له‌ بوون، ئێمه‌ ش لێره‌ین و میله‌تێكین بوونمان هه‌ یه‌ وخاوه‌ن دۆزێكی ڕه‌وایین كه‌ ئه‌مڕۆ بێت یان سبه‌ی هه‌ر به‌ مافی سرووشتی خۆمان ده‌ گه‌ ین. له‌ كۆتاییدا ئه‌ م پارچه‌ هۆنراوه‌ گله‌ یی ئامێزه‌ی بێكه‌سی شاعیر ئاڕاسته‌ی ئه‌ و هێز و ناوه‌نده‌ بڕیار به‌ ده‌ستانه‌ ئه‌كه‌ین ئه‌ گه‌ رگوێیان لێمان بێت:-

 ئه‌وه‌نده‌ ساڵه‌ من ڕه‌نجبه‌ری تۆم

به‌ نان وئاو جل وبه‌رگی خۆم

خزمه‌ تت ئه‌كه‌ م له‌ ئێران وڕۆم …. هتد.

لە ئێستادا مررۆڤ تا ئەندازەیەكی باش پێشكەوتوەو كۆمەڵێك ئامێر و داهێندراوی گرنگی هێناوەتە كایەوە كە خۆشگوزەرانیی بۆی فەراهەم كردوە،جا هەریەكە لەم داهێنراوانە چاكە و خراپەی خۆی هەیە ئەگەر چی لە بنچینەدا بۆ لایەنە چاكەكە دایهێناون .

ئەگەر وەك نمونەیەك تیشك بخەینە سەر چەك و تەقەمەنیەكان ئەبینین هەردوو جۆرە بەكارهێنانەكە لە خۆ دەگرێت بەو مانایەی كە دەكرێت سودمەند بێت و ئەشكرێت وێرانكەر بێت .
بە هەرحاڵ با لە تەوەری باسەكە دەرنەچین و وەك ئەڵێن بە لاڕێیدا نەبەین كە دەربارەی
"فەیسبووك"ە .
لە ئێستادا كە زۆرێك لە ئێمە جا ئەگەر بە ویستی خۆمان بێت یان بەهەر هۆكارێكی ترو بەهۆی بارودۆخی ژیانەوە لەم دەڤەرەوە بۆ دەڤەرێكی تر یاخۆ بۆ وڵاتێكی دور كۆچی كردوەو ژیانی تێدا ئەگوزەرێنێت ، بەڵام هەریەكەمان كۆمەڵێك بیرەوەری و حەزو ئارەزوی خۆش یان ناخۆش ، تاڵ یان شیرینی لەگەڵ خۆیدا هەڵگرتوەو هاوشێوەی ئەندامانی جەستەی ناتوانیت دەسبەرداریان بێت.
لە ئەدەبیاتی ئەوروپیەكاندا زاراوەیەك هەیە كە كەسێك كاتێك تەمەنی هەڵئەچێت یان لە وڵاتەكەی دور ئەكەوێتەوە پێی ئەڵێن كەسێكی نۆستاڵجیك "NOSTALGIC PERSON"بە واتای "الحنين الى الماضى او الى الوطن ).
ئا لەم گەردونە فراوان و جەنجاڵە دا هەریەك لە ئێمە ناوە ناوە پێویستمان بە وچانێك هەیە بۆ زاخاودانی مێشك و دەروونمان و دوركەوتنەوە لە واقعی ژیانی ڕۆژانەو گەڕانەوە بۆ بیرەوەریەكانمان و بۆ ناو جیهانی ئازیزانمان كە زەمەنێكە ڕۆژگار لێكی دابڕیوین و هەریەكە و لە قوژبنێكی ئەم گەردونە فراوانەدا دەیگوزەرێنین كە وابێ هەرچەندە وەك دەڵێن كە زانست و ئەلیكترۆنیات تام و چێژ و گەرم و گوڕی و بەها كۆمەڵایەتیەكانی ژیانیان نەهێشتوە و ڕۆحیان لە جەستەی دەرهێناوە و لاوازیان كردوە و كاڵیان كردۆتەوە بەڵام ئەمەیان كە مەبەستمانە واتە فەیسبووك بە پێچەوانەی ئەوانی ترەوە هەر خۆی تایبەتە بە پتەوكردن و گرێدانەوەی پەیوەندیە كۆمەڵایەتیەكان و بەیەكگەیاندنەوەی گیانە لێك دابڕاوەكان ، هەر لە بارەی دووربون و دابڕان لە هاوەڵ و دۆست و خۆشەویستان مەولانا جەلالەدینی رۆمی میگویەت "دەبێژێ‌":-

بشنو ئەز نای چون حیكایەت می كونەد

ئەز جودائیها شكایەت می كونەد

مەولەوی لەمەڕ خۆشمان ماچۆ :-

خامە شەق وەردەن دەم مەكردەوە

زار زار مەناڵۆ وە دەم دەردەوە


لە كۆتایدا سڵاو بۆ ئازیزانمان لە دەرەوی وڵات، سڵاو بۆ ئەوانەی كە لێرەن و زەمەنێكە لةيةكتر دورین

Go to top