We have 87 guests and no members online

خالد گڕاوی

 

 

 

میلله‌ته‌ پێشكه‌وتوه‌كان ڕێڕه‌وێكی گه‌شه‌كردنی میژوویان هه‌یه‌، كه‌خاوه‌نی چه‌ندان ویستگه‌ی جیاجیانله‌چۆنیه‌تی گه‌شه‌كردن به‌ره‌و پێش چون به‌خۆیه‌وه‌ بینیوه‌، ئه‌و وێستگه‌ جیاوازانه‌ كاریگه‌ر و هۆكار بونه‌ بۆ به‌ره‌و پێش چون و گه‌یشتن به‌خواسته‌ تازه‌كانیان.

پرۆسه‌ی دیموكراتیزه‌ كردن په‌یوه‌سته‌ به‌ گه‌شه‌ندنی كۆمه‌ڵگا له‌ ڕووی سیاسی و كۆمه‌ڵایه‌تی و مه‌ده‌نی، كه‌ ده‌شێت ئه‌م پرۆسه‌یه‌ ئه‌وه‌نده‌ ئاسان و خێرا نه‌بێت، له‌به‌ر سستی و خاوی له‌گۆڕانكاریه‌كان وه‌ك داخوازی خیرا به‌رجه‌سته‌ نه‌بی.

دیموكراتیزه‌ كردن پێویستی به‌ هه‌بونی دامه‌زراوه‌یی یاساییه‌ كه‌په‌یوه‌ندی نێوان تاكه‌كان ڕێك بخات و هه‌مویان له‌ ناو چوارچیوه‌ی یاسای گشتی ده‌رنه‌چن وه‌ بتوانی سه‌روه‌ری یاسا بپارێزێت و، كه‌س گه‌وره‌ترو له‌ ده‌ره‌وه‌ی ده‌سته‌ڵاتی یاسا نه‌بێت...

دیموكراسیه‌ت ڕێكخه‌ری سه‌ره‌كی كێشه‌كانه‌ و، كۆكه‌ره‌وه‌ی بیرو بۆچونه‌كانه‌ وه‌ ڕه‌خسێنه‌ری پانتایی ده‌ربڕینه‌ هۆكارێكی هه‌ڵسه‌نگاندن و به‌راوردكاری و لێكدانه‌وه‌ وشیكاری سیاسیانه‌یه‌ بۆ پارت و گروپه‌كان ئه‌وانه‌ی له‌ ده‌سته‌ڵاتن یا ئۆپۆزسیۆنن وه‌ پێوه‌ری ئازادی وبه‌ڕێوه‌چونی ڕه‌وشی مافی مرۆڤه‌ وه‌ كیرڤی هه‌ڵسه‌نگاندنی ئاستی پێشكه‌وتن و به‌رجه‌سته‌بونی مافه‌ گشتی و تایبه‌تیه‌كانه‌.

دیموكراسیه‌ت به‌ واتای فه‌رمانڕه‌وایی خه‌ڵك، به‌شداری هاوڵاتیان له‌ دورست كردنی ئاینده‌ی سیاسی

هه‌رچه‌نده‌ پراكتیزه‌ كردنی دیموكراسی كارێكی ئه‌وه‌نده‌ ئاسان نیه‌ له‌ دوای هه‌موو گۆڕانكاریه‌ك،

چونكه‌ ده‌ركه‌وتوه‌ كه‌ به‌ئاسانی هه‌ژاری و نه‌خوینده‌واری بنبڕ ناكرێن و، له‌به‌رامبه‌ریش ده‌وڵه‌مه‌ندبونێكی نائاسایی له‌ كه‌سانێك ده‌بینری كه‌ خۆیان به‌ هۆكاری ده‌ركه‌وتنی ئازادییه‌كان نمایش ده‌كه‌ن وه‌ ده‌سكه‌وته‌كان به‌ مافی خۆیان ده‌زانن، زۆر جار ئه‌م ناعه‌داله‌تیه‌ گرفتی گه‌وره‌ بۆ دۆخی سیاسی دورست ده‌كات و سیسته‌می سیاسی بۆ خاڵی ده‌سپێك ده‌گێرێته‌وه‌.

مه‌ترسی و هه‌ره‌شه‌ی كۆنه‌ پاریزان و ده‌سته‌لاته‌ دیكتاتۆره‌كان زۆر جارده‌بنه‌ به‌ربه‌ست و له‌مپه‌ر له‌به‌رده‌م ئه‌م چه‌مكه‌ سیاسیه‌و هه‌ندی جاریش به‌ مه‌به‌ست ده‌یكه‌نه‌ دروشمی بێ ناوه‌رۆك بی به‌هایانه‌ هه‌ڵسوكه‌وتی له‌گه‌ڵ ده‌كه‌ن...

كاركردنیهێزی حوكمران له‌سه‌ر خێڵ و ڕه‌گه‌ز، وا ده‌كات حزبایه‌تی و دیموكراسی ببێته‌ دورشمی بریقه‌دار، ڕاسته‌وخۆ چه‌مكی دیموكراسی پاشه‌كشی بكات و ببێته‌ خه‌ونێكی چاوه‌ڕوانكراو...

This email address is being protected from spambots. You need JavaScript enabled to view it.

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

 

 

 

ئه‌گه‌ر مێژووی گه‌لان به‌چه‌ند قۆناغێك تێپه‌ر ِبوبێت، ئه‌وا مێژووی كورد یه‌ك ڕه‌وت و قۆناغ بووه‌، به‌ واتایه‌یه‌كی تر مێژووی كورد له‌دوای ڕوخانی ده‌وڵه‌تی ماده‌وه‌ هه‌ر ژێر ده‌سته‌یی و نه‌هامه‌تی بووه‌.سه‌ره‌ڕای ئه‌وه‌ی كه‌ دابڕاو بوه‌ له‌جیهانی ده‌ره‌وه‌ وه‌ بێبه‌یش بووه‌ له‌مافه‌ سه‌ره‌تایه‌كانی له‌گه‌ڵ هه‌موو ئه‌و زولم و زۆره‌ی لێیكراوه‌، له‌ چه‌وسانه‌وه‌ و وێرانكاری و راگوێزان، تادوواجار له‌ ئه‌نفال وكیمیابارانیش به‌شی شێری به‌ركه‌وتوه‌، به‌لام توانیویه‌تی زمان و كه‌ڵتورو مێژووی خۆی بپارێزی…

گه‌لی كورد گه‌لێكی ماندو هیلاكی رۆژگاره‌كانی ململانێی گه‌وره‌ هێزه‌كان و داگیركه‌رانی كوردستانه‌، سه‌رباری برینه‌كانی شه‌ری ناوخۆ كه‌ برینێكه‌ تا ئێستاش به‌ته‌واوی سارێژ نه‌بوه‌، بۆیه‌ فیداكاری به‌ به‌رژه‌وه‌ندیه‌ تایبه‌تیه‌كان، دلنیایی وئارامیه‌كی جێگر بۆ هه‌تاهه‌تایه‌ ده‌به‌خشیته‌ نه‌ته‌وه‌كه‌مان و مێژویكیش تۆمار ده‌كری بۆ نه‌وه‌كانی داهاتوو…

پاراستنی به‌رژه‌وه‌ندیه‌ باڵاكانی گه‌له‌كه‌مان وا ده‌خوازی، ئاشتی وه‌ك زه‌روره‌تێك به‌رز رابگیری، ئه‌مرۆ ئاشتی له‌ِرووی ستراتیجیه‌تی نه‌ته‌وه‌یی و شێوازی خه‌باتی رزگاری خوازیه‌وه‌ چاره‌نوسی ئه‌زمونی گه‌له‌كه‌مانی پێوه‌ به‌نده‌ به‌رژه‌وه‌ندیه‌كانمان له‌ئاشتی و حكومه‌تی هاوبه‌شی و هێزی به‌رگری هاوبه‌شی و گوتاری هاوبه‌شه‌ بۆ ئێستاو ئاینده‌و ئه‌گه‌ره‌كان ئه‌ركێكه‌ فه‌رامۆش كردنی ماڵوێرانیه‌، تا بكری یه‌ك هه‌لوێستی و یه‌ك گوتاری سیاسی له‌داواكان بو دیاری كردنی مافه‌ نه‌ته‌وه‌یی ونشتیمانیه‌كان زه‌روره‌تێكی ئه‌زمونه‌كه‌یه‌.

گۆرانكاریه‌كانی داهاتوو، چاره‌نوس ساز و كاریگه‌رن، پێم وایه‌ ده‌بنه‌ گۆرانی ِره‌وتی رووداوه‌كان بۆهێنانه‌وه‌ی واقیعێكی تازه‌ بۆ هه‌رێمه‌كه‌و عێراق… قوڵكردنه‌وه‌ی ئه‌وكێشانه‌ی كه‌ تائێستا به‌بی چاره‌سه‌رماونه‌ته‌وه‌، له‌ مه‌سه‌له‌ی ماده‌ی (140) ی له‌ ده‌ستور و گه‌رانه‌وه‌ی ناوچه‌ ته‌عریب كراوه‌كان ویه‌كلا كردنه‌وه‌ و چه‌سپاندنی شێوازی فدرالیه‌ت له‌ده‌ستوری عێراق و كێشه‌ی بودجه‌ و پێشمه‌رگه‌ و چه‌ندان كێشه‌ی تر كه‌پێویستی به‌تواناو لێزانی پێداگری و یه‌كڕیزی كوتله‌ی كورد هه‌یه‌ هه‌موویان به‌ئاشتی وخستنه‌ سه‌ره‌وه‌ی به‌رژه‌وه‌ندیه‌ گشتیه‌كانه‌وه‌ به‌نده‌ و با لاپه‌ره‌ گه‌شه‌كانی مێژوومان له‌سه‌ر ده‌ستی بریار به‌ده‌سته‌كانی ئێستای كورد تۆمار بكرێن، مێژووش ڕاستی هه‌ڵگره‌و هیچ فیداكاریه‌كیش ون ناكات.

 خالدگڕاوی

This email address is being protected from spambots. You need JavaScript enabled to view it.

 

Go to top