We have 54 guests and no members online

شەهاب کەریم

منداڵ بووم باوکم لەسەرشۆڕشی ئەیلوول زیندانی کرابوو، پێنچ ساڵ حوکمدار و منیش لەگەڵ براکەم لەدوای قوتابخانە، بۆبژێوی ژیانی خووشک و براکانی ترم کاری دەستگێرێم دەکرد و بێمنەت پارەی کرێی خانووەقوڕەکەی کەتیایدا کرێچی بووین، پەیدام دەکرد . باوکم بەرلێبووردن کەوت و ئازادبوو، برا گەورەکەم بەهەمان شێوە لەسەرشۆڕشی ئەیلوول لەلایەن هەمان ڕژێمەوە تووشی کێشەی گرتن و ڕاونان و دڵەڕاوکێی و، بۆماوەیەک زیندان بوو .

دوای نسکۆی شۆڕشی ئەیلوول و هاتنەکایەی کۆمەڵەی ڕەنجدەران و دەرکەوتنی یەکێتی نیشتیمانی، کە لەلای من شۆڕشێکی پیرۆزە و مێژوویەکی پڕ سەروەری زیندووی هەتاهەتایە، خۆم بووم بەپێشمەرگەو جگەلەوەی بیست ساڵ بەزیندانی مەحکوم کرام، ماوەی سێ ساڵ بەئازار و ئەشکەنجەوە، وەک باوکە خوالێخۆشبووەکەم و برا بەدبەختەکەم لەزینداندا بەسەربرد و، دواتر وەک ئەوان بەرلێبوردنی گشتی کەوتم و ئازادبووم و دوای یەک مانگ جارێکی تریش بەهەمان شێوە چوومەوە شاخ و بوومەوە بەپێشمەرگە، شەڕی دەستە و یەخەی ناچارکراوی بەزۆرسەپێندراو بەسەرهێزی پێشمەرگەدا، لەهەموو سنوورەکاندا دەستی پێکرد و داستانی چیاسەختەکانی هەلاج و پیرەمەگرون و کەتوو و قوتەی حەسەن بەگ و قەیوان ماوەت، شایەتی مێژووی سەروەریەکانمان، کە بۆپاراستنی دەوەنێکی ئەوشاخە، چەندەقوربانیمان دەدا و چەندبەئازار و تینوو و برسی و ماندوو دەبووین، تا وەکوولەلایەن دوژمنەوە گەڵایەکی دەوەنێک هەڵنەوەرێت، لەشەڕی قەیوان ماوەتدا لەئیزاعە شڕەکەی یەکێتیدا ناوم بەشەهیدخوێندرایەوە، ناڵە و قوڕپێوانی دایکم، کافری بەئیسلام دەکرد و ناخی فیرعەون و هۆلاکۆی دەهەژاند، دوای چوارجار برینداربوونم و بەهۆی یەکێک لەچالاکیەکانی ناوشاردا و بەسزادانی ئەندامێکی ئەنجوومەنی ئاسایشی کەرکووک و سێ پاسەوانی لەگەڵیدابوون، لەناو سەنتەری شاردا و لەبەربازاڕی حەوزەوشکەکەدا و برینداربوونم، قاچی ڕاستم لەدەستداوە و کەمئەندام بووم، ئیتریەک لەدوای یەک ئەو بەدبەختیە، یەکە بەیەکەی ئەندامی خێزانەکەمانی دەگرتەوە و برایەکی ترم پێنچ ساڵ لەخۆم بچووکتر دوای بوونی بەپێشمەرگە و لەداستانی قەیوان ماوەتدا بریندارکرا، بەهەمان شێوە، وەک بڵێێ زیندانی ئەبووغرێب، زێدی باو باپیرانم بێت و لەوێ لەدایک بووبین، ئەو برایەشم بیست ساڵ مەحکووم کرا و دوای چوارساڵ ئازار و ئەشکەنجەی زیندانی ئەبووغرێب، بەرلێبوردنی گشتی کەوت و ئازادبوو، نکۆڵی لەحەقیقەتی سەروەریەکانی هێزی پێشمەرگە ناکرێت و لەو ئاستەشدا نیم بتوانم تەنانەت باس لەبچووکترین یاداشت و داستانی شەهیدەکان بکەم کەلەو پێناوەدا یەک دڵۆپ خوێنی ئەوانی تیا ڕژابێت .

گەرلەسایەی بنەماڵەی شەهیدان و زیندانی سیاسیان و پێشمەرگە نەبەردەکان و ڕێکخستنەکانی ناوشار و خەڵکی دڵسۆزنەبوایە، حوکمەت و پەرلەمانی ئێستەبوونی نەدەبوو، بۆیەدەبێت ڕێز لەدەستەکەوتەکانی پێشمەرگەو شۆڕشەکەبگیرێت، کەدەریایەک خوێن و قوربانی لەوپێناوەدابۆدراوە، بەداخەوە ئەوەی، کەئەمڕۆ دەکرێت و دەبینرێت و بەبەڵگەوە دەخرێتەڕوو، زۆری ناعەدالەتیەکانن، کەلەناو حیزبەکاندا دەکرێت، کەچەندین جارە گوێبیستی ئەبووین چیترئەوناعەدالەتیانە بنەبڕبکرێن و هەڵەکان چارەسەربکرێن بەڵام بەپێچەوانەوە ناعەدالەتیانە لەدوای پەیماندان بەخەڵکی وبڕیار و بەڵێنەکاندا دەکرێن، ئەگەرچی ناوی سەدان ئافرەت بەپلەی بەرزی خەیاڵی خانەنشین کراون، کەلەسەردەمی شۆڕشدا تەمەنیان منداڵ بووە و ئێستە بەهۆی حیزبەکان و خزم خزمێنەوە، بچووکترین پلەیان نەقیبە، لەهەمان کاتیشدا سەدان پێشمەرگەی کۆڵنەدەرو ماندو و نەناس و کەمئەندام، بەپلەی نائب عەریف خانەنشین کراون، کەمووچەکەیان تەنها بەشی یەک ڕۆژیان ناکات، ئەگەرچی هێشتا سەدان پێشمەرگەی دێرین تائێستا خانەنشین نەکراوە، بەبۆنەی ئەوەی دەمێک جێگری سەرۆکایەتی ئیمزای نەکردوە و دەمێک کاری وەزارەتی ماوەو دەمێک هەڵبژاردنە و دەمێکیش سەرۆکی پەرلەمانی تازەیەو، بڕیاری لەسەرنەداوە، کەئەمانە هەرهەمووی دەبێتەعوزرێک، کەهیچ مافێکی بەوخانەنشینکردنەوە نیە . بەڵام بەپێچەوانەوە، لەماوەیەکی زۆرکەمدابە تایبەت لەهەڵمەتی هەڵبژاردنەکاندا چەندین ئافرەت بەپلەی جۆراوجۆر خانەنشین کراون، گەر بەپێێ قوربانیدان و ڕەنج و ماندووبوونی خەباتگێڕانی شاخ بێت، ئەو هەمووئافرەتانەی کەخانەنشین کراون کەهەندێکیان فەرمانبەرن و بەپلەی سەربازی خانەنشین کراون، کەواتە دەبێت دایکی من و دایکی هەزاران پێشمەرگەی تر، بەپەلەی عەمید خانەنشین بکرێت .

چەند ناووێک لە لیستە چوار سەد خانمەکەی بەپلەی بەرز خانە نشین کراون .

 

 

 

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

مرۆڤ ئازاده‌‌له‌هه‌ربیر و بۆچوونێكی خۆی و به‌چێ شێوازێك بیرده‌كاته‌وه‌، بۆیه‌منیش ئه‌ومافه‌م به‌خۆم داوه‌كه‌له‌دنیای به‌ناوئازادی و دیموكراتی له‌مڕۆدابیر و بۆچوونی خۆم بخه‌مه‌ڕوو یان به‌چێ شێوازێك له‌هه‌رحیزب و ڕێكخراوێكدا كاری سیاسی خۆم بكه‌م، به‌تایبه‌تی له‌ته‌مه‌نی هه‌رزه‌كاریمه‌وه‌هێشتاحه‌ڤده‌ساڵان نه‌دبووم، له‌ناویه‌كێتی نیشتیمانیداچاوم به‌دنیای سیاسه‌تدا هه‌ڵهێناوه‌، له‌یه‌كه‌م ڕۆژی یه‌كێتی بوونمدافێری ئازادی و دیموكراتی و ڕه‌خنه‌ و ڕه‌خنه‌له‌خۆگرتن بووم، ‌هیچ كاتێكیش له‌هه‌وڵی تێكشكاندنی باری كه‌ساێتی به‌رامبه‌ره‌كه‌م نه‌بووم، له‌ئێستاشدا له‌ دنیای غوربه‌تداوه‌ك تاكێكی ڕه‌وه‌ندی كوردیش، هه‌میشه‌به‌شانازیه‌وه‌گه‌رخزمه‌تێكی بچووكیش بێت ئه‌ركی خۆم به‌جێهێناوه‌ و به‌شداری ده‌یان خۆپیشاندان و ڕێپێوان و كۆڕ و كۆبوونه‌وه‌كان و زۆربه‌ی زۆری یاده‌نێونه‌ته‌وه‌ییه‌كانی وه‌ك ساڵیادی كاره‌ساتی ئه‌نفال وكیمیابارانی هه‌ڵه‌بجه‌ی شه‌هید و ساڵیادی هه‌ڵكردنی ئاڵای كوردستان و پشتیوانی كردن و كۆمه‌ككردن بۆكوردانی ڕۆژئاواو هتد. . . بێمنه‌ت خۆم به‌قه‌رزای گه‌ل و نه‌ته‌وه‌كه‌م ده‌زانم و وه‌ك تاكێكی كوردئه‌رك و مافی خۆمه‌ ‌ده‌بێت له‌ئێستاش و له‌داهاتووشدابه‌شانازیه‌وه‌جێ به‌جێ بكه‌م.

ساڵیادی جه‌ژنی نه‌ورۆزیش، یادێكی نێونه‌ته‌وایه‌تیه‌ و بۆیه‌به‌‌پێویستم زانی ‌كۆڕێك بۆپێشمه‌رگه‌ی دێرین و نووسه‌ر، كاك خدرزوحاك له‌به‌ڕواری٢٢/٣/٢٠١٤له‌شاری(فرایبۆرگ)له‌ووڵاتی ئه‌ڵمانیاله‌ژێر ناونیشانی نه‌ورۆز و میثۆلۆگیای نه‌ته‌وه‌ی كوردئاماده‌بكه‌م، زیاترله‌چه‌ندین كادر و نووسه‌ر و كه‌ساێتی ناسراوبانگهێشت كرابوون، ئاماده‌كردنی ئه‌وكۆڕه‌به‌دورله‌حیزبایه‌تی و ته‌نهاخزمه‌تكردنه‌ به‌مێژویی دێرینی گه‌لی كورد. به‌پێچه‌وانه‌وه، ‌له‌بری ئه‌وه‌ی ئه‌ندامانی كۆمیته‌ی ئه‌ڵمانیاشانازی به‌مێژووی گه‌له‌كه‌مانه‌وه‌بكه‌ن، به‌بێ هیچ به‌ڵگه‌یه‌ك و نووسراوێك ڕێگربوون له‌به‌رده‌م سازدانی كۆڕه‌كه‌مان، پاش ئه‌وه‌ی كۆمیته‌ی ئه‌ڵمانیاتوند و تیژیان به‌رامبه‌رنواندین، ‌ئیمه‌بێده‌نگیمان هه‌ڵبژارد. ئه‌گه‌رچی به‌ڵگه‌ی تۆماركراوی هه‌ڕه‌شه‌ و گووڕه‌شه‌ی ئه‌وكه‌سانه‌مان له‌به‌رده‌ستدایه‌ به‌ڵام وه‌ك ڕه‌وشت و ڕێزداری خۆمان به‌ڵگه‌كان بڵاوناكه‌ینه‌وه‌لای خۆمان پارێزراوه‌. لێره‌داپرسیار ڕووبه‌ڕوی سه‌روی كۆمیته‌ی ئه‌ڵمانیاده‌كرێت، ئایائه‌مه‌ئه‌وئازادیه‌كه‌من له‌ناویه‌كێتی نیشتیمانیدا فێری بووم و چاوم به‌دنیای سیاسه‌ت و ڕۆژگاری سه‌ختی پێشمه‌رگایه‌تیم هه‌ڵهێناوه‌؟ یان ئێوه‌ ‌بێمنه‌تن له‌یادی مێژوی گه‌له‌كه‌مانه‌وه‌؟ئایاسازدانی كۆڕێكی ڕۆشنبیری كاری ئاژاوه‌گێڕی و سه‌ر پێچیكردنه‌له‌یاسای مافی ئازادی ڕاده‌ربڕین؟ئایاهیچ به‌ڵگه‌یه‌كی ئه‌وتۆتان له‌به‌رده‌ستدایه‌بۆ تێكدان و شێواندنی مێژوی نه‌ته‌وه‌یه‌ك له‌كۆڕێكداپێناسه‌ی سه‌روه‌ریه‌كانی بكرێت؟یان كاری له‌وجۆره‌پێشێلكردنی مافی ئازادی مرۆڤه‌، ئه‌وانه‌ی به‌ناوی كۆمیته‌وه‌ڕیگرن له‌به‌رده‌م ئازادی خه‌ڵكی، كێن و به‌ناوی كێوه‌ ته‌سك بیرانه‌ده‌رگای مافی ئازادی به‌قفڵی حه‌وجۆش له‌سه‌رخه‌ڵكی داده‌خه‌ن؟له‌ڕاستیدائه‌مانه‌هێزیك بچوك ده‌كه‌نه‌وه‌، حیزبێك لاوازده‌كه‌ن، ئه‌مانه‌ونموونه‌ی ئه‌وانه‌ بێ ڕێزی به‌مێژووی گه‌لێكی سته‌مدیده‌ده‌كه‌ن، نه‌گبه‌تی له‌وه‌دایه‌تائێسته‌ش له‌مافی ئازادی خه‌ڵك تێ نه‌گه‌یشتوون، له‌هه‌مان كاتیشدابه‌بێ هیچ بڕوانامه‌یه‌ك باس له‌دیموكراتی و ئازادی و وتار پێشكه‌ش به‌خه‌ڵك ده‌كه‌ن. پرسیاری من ئه‌وه‌یه‌، ئایایه‌كێتی نیشتیمانی ڕێ له‌مافی‌ئازادی خەڵكی دەگرێت؟؟یان ئه‌مانه‌سه‌ربه‌خۆكاری له‌وجۆره‌ده‌كه‌ن؟؟

Go to top