We have 146 guests and no members online

ئەحمەد ڕەجەب

 

 

 

له‌ رۆژی دروستبوونی هاوپه‌یمانی نێوده‌وڵه‌تی دژ به‌ داعش له‌ لایه‌ن ئه‌مریكاو وڵاتانی تره‌وه‌ و سه‌ره‌رای هه‌وڵه‌كانی رژێمی توركیای تیرۆریست بۆ خۆ دزینه‌وه‌و خۆده‌ربازكردن له‌و هاوپه‌یمانییه‌ نێوده‌وڵه‌تییه‌ رۆژ له‌ دوای رۆژ چاره‌ی له‌ جیهاندا زیاتر ره‌ش ئه‌بێت و هیچی بۆ نه‌ماوه‌ته‌وه‌ جگه‌ له‌ ریسوایی و شكستخواردن و یارمه‌تیدانی چه‌ته‌كانی داعشی دۆستی كه‌ منداڵانی ساوا سه‌ر ئه‌برن یان گولله‌ بارانیان ئه‌كه‌ن وئه‌یانكوژن. .

توركیا به‌رده‌وامه‌ له‌ درۆكردن و نكوڵیكردن له‌وه‌ی په‌یوه‌ندییان له‌ گه‌ڵ داعشدا هه‌بێت و، جۆ بایدن جێگری سه‌رۆكی ولایه‌ته‌كانی ئه‌مریكاو، جۆن کیری وەزیری دەرەوەی ئەمریکا بە ئاشکرا تورکیای تیرۆریستیان تۆمەتبار کرد بەوەی هاوکاریی داعش و گروپە توندره‌وه‌كانی دیكه‌ ئه‌كات ئه‌مه‌ له‌ لایه‌ك، له‌ لایه‌كی تره‌وه‌ رۆژانه‌ میدیا جیهانییه‌كان به‌ڵگه‌ی زیاتر له‌ سه‌ر په‌یوه‌ندی نێوان هه‌ردوولا بڵاوئه‌كه‌نه‌وه‌و، به‌رپرسانی بریتانیا راپۆرته‌كانی بی بی سی پشتراست ئه‌كه‌نه‌وه‌ كه‌ توركیا "جیهادی" و كه‌سانی داعش و كه‌ره‌سه‌و چه‌ك و ته‌قه‌مه‌نی و بێته‌ل ره‌وانه‌ی سوریاو عێراق ئه‌كات.

دۆژمنانی گه‌لی كوردو كوردستان له‌ مێژه‌وه‌ ته‌راتێن ئه‌كه‌ن و به‌ ئاره‌زوو سه‌ربه‌ستانه‌ به‌ناو شاره‌كانی كوردستان هاتووچۆ ئه‌كه‌ن و، وه‌ك بڵێت ئه‌م خاكه‌ هی ئه‌وانه‌و، زۆر لووتبه‌رزانه‌‌ ئه‌رواننه‌ خه‌ڵكی ئه‌م وڵاته‌و، وا دیاره‌ له‌ بن هه‌نگڵیان چه‌ندین نه‌خشه‌ی گڵاویان شاردووه‌ته‌وه‌و، كه‌مه‌ كه‌مه‌ ناچار ئه‌بن ئاشكرای بكه‌ن و ئه‌و كه‌سانه‌ش پشتگیریان لێئه‌كه‌ن سه‌رشۆرانه‌ نه‌خشه‌كانیان جێبه‌جێ ئه‌كه‌ن و تا ماون به‌ زه‌بوونی و ژێرده‌سته‌یی ئه‌ژین.

له‌ كوردستان و زۆر نزیك له‌ ئاژانسی نه‌ته‌وه‌یی كه‌سانی میتی توركی خۆیان مه‌ڵاس داوه‌و، له‌ ژێر په‌رده‌وه‌ ژیرانه‌ به‌ نه‌رم و نیان پرۆگرامه‌ ژه‌هراوییه‌ دارێژراوه‌كانیان ئه‌نجام ئه‌ده‌ن و، بۆ نموونه‌ هێرش ئه‌كه‌نه‌ سه‌ر رێککەوتننامە ستراتیژییه‌كه‌ی نێوان پارتی دیموكراتی كوردستان و یه‌كێتی نیشتمانی كوردستان كه‌ ماوه‌ی حه‌وت ساڵه‌ هه‌یه‌ و جاروبار ئه‌مرێت و پاشان زیندو ئه‌كرێته‌وه‌و، ئه‌م گه‌مه‌یه‌ بووه‌ته‌ جێی پێكه‌نینی لایه‌نه‌ سیاسییه‌كانی ترو، زۆر جار كه‌وتووه‌ته‌ به‌ر ره‌خنه‌ی كادیران و ئه‌ندامانی سه‌ركردایه‌تی ئه‌و دوو حزبه و،  تەنانەت هەندێک جار داوای هەڵوەشانەوەشی کراوه‌‌.

كۆبانێ ئه‌و شارۆچكه‌ قه‌شه‌نگ و ره‌نگینه‌ی كوردستان كه‌ عه‌ره‌به‌ شۆڤه‌نیسته‌كان وبیری عروبه‌ی بۆگه‌نیان ناوی "عین العرب"یان لێناوه‌ بوه‌ته‌ یه‌كێك له‌ ئامانجه‌كانی رژێمی توركیاو سه‌رۆكه‌ تیرۆییسته‌كه‌ی ره‌جه‌ب ته‌یب ئه‌ردۆگان و، كۆبانێ دونیای هه‌ژاندو، میدیای كوردی و جیهانی وسه‌ركرده‌ و ئه‌فسه‌رانی پایه‌ به‌رزو سیاسه‌تمه‌دارانی سه‌رسام كردو، هه‌موو كوردان ئه‌زانن شه‌رڤانانی ئازاو قاره‌مان و شێره‌ژنانی چاونه‌ترس توانیان سه‌ری بڵندی كورد بڵندتر بكه‌ن و، له‌ به‌رخودانێكی پاڵه‌وانانه‌ی گه‌وره‌و، له‌ داهێنانێكی بێ وێنه‌ به‌رامبه‌ر به‌ درنده‌ترین گروپی خوێنرێژ له‌ مێژوودا و، به‌ پشتگیری و یارمه‌تیدانی ئاشكرای رژێمی توركیای تیرۆریست بجه‌نگێن و سه‌ریان پێ شۆر بكه‌ن و، وا په‌نجا رۆژه‌ له‌ پێناوی ئازادی و رزگاریدا كۆبانێ بوه‌ته‌ چه‌قڵی چاوی نه‌یاران و داگیركه‌ران و میتی توركی و ناحه‌زان.

كۆبانێ ته‌نها نییه‌و، به‌ پێی میدیاكان و دۆستانی كورد بووه‌ته‌ هێماو ناسنامه‌ی گه‌لێك و، زوربه‌ی كوردان به‌ شانازییه‌وه ئه‌ڵێن كۆبانێ بووه‌ته‌ ره‌مزی یه‌كبوون و یه‌كریزی و، هه‌موو كوردی كۆكردووه‌ته‌وه‌و یه‌كیانی خستتووه‌، به‌ڵام لێره‌دا به‌داخه‌وه‌ پێویسته‌ بڵێن هێشتا كوردان زۆریان ماوه‌ ده‌ست له‌ یه‌خه‌ی یه‌كتری هه‌ڵگرن و، باشتر وایه‌ به‌ناوی رێكه‌وتننامه‌ی ستراتیجی نیوان پارتی و یه‌كێتی كۆبانێ مه‌كه‌نه‌ قۆچی قوربانی خواستی حزبه‌كان و ملشكاندنی یه‌كترو، ئه‌بێ خه‌می گه‌وره‌ی هه‌ر تاكێكێ كوردی شه‌ریف و دڵسۆز رزگاركردنی كۆبانێ بێت.

كۆبانێ تاجی سه‌ره‌و سومبولی دراوشاوه‌یه‌و، خه‌ون و خواستی دوژمنانی بێفه‌رو چه‌په‌ڵ و ره‌جه‌ب ته‌یب ئه‌ردۆگانی تیرۆریست له‌ گۆرناو، تا ئێستا شه‌رڤانانی پاڵه‌وان و شێره‌ ژنانی ئازاو،  به‌ هاوكاری پێشمه‌رگه‌ دلێره‌كانی كوردستان ژیانی خۆیان ئه‌به‌خشن و به‌ خوێنی ئاڵیان مێژووی نه‌ته‌وه‌یه‌ك ئه‌نووسنه‌وه‌ و، ناهێڵن كۆبانێ بكه‌وێت و، با میتی توركی به‌ره‌و زبڵدانی مێژوو بروات و، كۆبانێ هه‌موو كات كارتێكی فشاره‌ لە دژی رژێمی خوێنرێژی توركیای فاشست و ده‌ستوپه‌یوه‌نده‌كانی.

ده‌مێكه‌ رژێمی توركیای تێرۆریست له‌ هه‌وڵی بێوچاندایه‌ بۆ داگیركردنی كۆبانێ و، خۆشبه‌ختانه‌ تا ئێستا شارۆچكه‌یه‌كی خنجیلانه‌ی كوردستان له‌ سێ لاوه‌ له‌ لایه‌ن چه‌ته‌كانی داعش به‌ هه‌موو جۆره‌ چه‌كێك گه‌مارۆ دراوه‌ و توانیویه‌تی شكست به‌ دوژمنان بێنێت و، له‌ هه‌مان كاتیشدا سوپا ترسنۆكه‌كه‌ی توركیا و عه‌ربستانی سعودی و قه‌ته‌ر به‌ناو "سوپای ئازاد" له‌ ترسانا كه‌وتنه‌ راكردن و به‌ره‌و باوان بوونه‌وه‌و بۆ مۆڵگاكانیان له‌ توركیا گه‌رانه‌وه‌.

كۆبانی جێی شانازی و سه‌ربه‌رزی و سه‌روه‌رییه‌،  بژی كۆبانێ،  مردن وسه‌رشۆری بۆ دوژمنانی گه‌ل و نیشتمان.

4/11/2014

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

 

 

 

 

 

 

له‌و رۆژه‌ی تاقمی تیرۆریستی داعش ده‌ستی به‌ سه‌ر شاری موسڵ گرت‌ تا ئێستا كاری قیزه‌وه‌ن و تاوانی دژی مرۆڤایه‌تی ئه‌نجامداوه‌و درێژه‌ی هه‌یه‌ و ئه‌وه‌ش هه‌ره‌شه‌یه‌كی گه‌وره‌یه‌ له‌ سه‌ر نه‌ته‌وه‌ی كوردو كوردستان و به‌ به‌رچاوی دونیا له‌ لایه‌ن رژێمی توركیای تیرۆریست به‌ ئاشكرا پشتگیری ئه‌كرێت و یارمه‌تی ئه‌درێت.

رژێمی توركیای ره‌گه‌زپه‌رست گاڵته به‌ گه‌لان و كۆمه‌ڵگای نێوده‌وڵه‌تی و وڵاتانی هاوپه‌یمانییه‌ درۆستكراوه‌كه‌ی ئه‌مریكا ئه‌كات و، رۆژانه‌ به‌زم وبالۆره‌ی نوێ لێئه‌دات و، وه‌ك مناڵ ورك ئه‌گرێ و ناز ئه‌كات و، هه‌موو جارێك به‌ دوای بیانووی نوێ ئه‌گه‌رێت و، به‌ هه‌موو شێوه‌یه‌ك له‌ رێی راگه‌یاندن و كاروباری دیبلۆماسی هه‌وڵ ئه‌دات بۆ چه‌واشه‌كردنی جه‌ماوه‌رو راستییه‌كان و بێده‌نگكردنی نه‌یاره‌كانی.

به‌ گرتنی شاری موسڵ له‌ لایه‌ن چه‌ته‌كانی داعش و به‌عسیه‌كان و تیره‌و تایفه‌ سوننه‌كان نه‌خشه‌ گڵاوه‌كانی رژێمی توركیای تیرۆریست رووه‌و سه‌ركه‌وتن ئه‌روات و، ئه‌وه‌تا به‌ ئاشكرا نه‌وتی سوریاو عێراق وه‌رئه‌گرێت و، مه‌رج بۆ وڵاتان به‌ تایبه‌تی وڵاته‌ زلهێزه‌كان له‌ چۆنییه‌تی هه‌لسوكه‌وتی و ره‌فتاری دیاری ئه‌كات و، به‌له‌سه‌ بووه‌و، گوێ به‌ كه‌س نادات و، یارمه‌تی هه‌مه‌ جۆره‌ی خوێنرێژه‌كانی داعش ئه‌دات.

به‌ڵی، توركیای تیرۆریست پێشوازی گه‌رموگور له چه‌ته‌كانی داعش ئه‌كات كه‌ له‌ رێی فرۆكه‌خانه‌و به‌نده‌ره‌كانی روو ئه‌كه‌نه‌ ئه‌م وڵاته‌و، جێی خه‌وتن و هه‌ڵسوكه‌وتیان بۆ ئاماده‌ ئه‌كه‌ن و، له‌ سه‌ربازگه‌و جێی تایبه‌تی مه‌شق و راهێنانیان پێئه‌كه‌ن و، پاشان ره‌وانه‌ی به‌ره‌كانی جه‌نگ له‌ سوریاو عێراق ئه‌كرین و، ئه‌م كارانه‌ هه‌مووی له‌ پێش چاوی خه‌ڵك و وڵاتان ئه‌كرێن و، تا ئێستا هیچ وڵاتێك وه‌ڵامی نییه‌ و، خۆیان ناكه‌ن به‌ خاوه‌نی كاره‌ تیرۆریستییه‌كانی توركیا.

روون و ئاشكرایه‌و به‌ بێشك توركیا وه‌ك وڵاتێكی تیرۆریست خوێ به‌ دونیا ناساندو، سووره‌ له‌ سه‌ر یارمه‌تیدان و پشتگیریكردنی چه‌ته‌كانی داعش و، وڵاتانی عه‌ره‌بی و ئیسلامی و گشت وڵاتانی جیهان خۆیان كه‌ر كردووه‌و، كر كه‌وتوون و نقه‌یان لێوه‌ نایه‌ت و، تا دوێنێ سوڵتانه‌ گۆر به‌گۆره‌كانی عوسمانی سیاسه‌تێكی فێڵبازانه‌و ناشایسته‌یان به‌كار ئه‌هێنا بۆ فریودانی خه‌ڵك و وڵاتان به‌ناوی ئاین و ئیسلام و، ئه‌مرۆ‌ هه‌تیوه‌كه‌یان سوڵتانه‌ ئیخوانچییه‌ دێزه‌كه‌ی توركیا ره‌جه‌ب ته‌یب ئه‌ردۆگان نیازی وایه‌ خۆڵ بكاته‌ چاوی خه‌ڵك و گه‌لانه‌وه‌ به‌ناوی پاراستنی سه‌روه‌ری خاكی توركیاوه‌.

ئیخوانچی ره‌جه‌ب ته‌یب ئه‌ردۆگانی تیرۆریست سه‌رۆك كۆماری توركیا ئاواته‌خواز بوو شاری قاره‌مان و خۆراگری كۆبانێ بكه‌وێت و، هه‌ر ئه‌و بوو رۆژی 7/10/2014 له‌ وراوه‌یه‌كدا وتی: ئێستا كۆبانێ له‌ سه‌ر كه‌وتنه‌‌و، هه‌ر له‌و وراوه‌یه‌دا وتی ئێمه‌ داوای سێ شتمان كردووه: دروستكردنی ناوچه‌ی دژه‌فرین، پێكهێنانی ناوچه‌یه‌كی ئارام هاو ته‌ریب له‌ گه‌ڵ ئه‌و ناوچه‌ دژه‌فرینه‌و پرجه‌ككردنی لایه‌نه‌ میانره‌وه‌كانی ئۆپۆزسیۆن و، هه‌ر له‌وێشدا ده‌ستیدایه‌ درۆكردن و وتی: ئێمه‌ پێشهاته‌كانی كۆبانێ و ناوچه‌ كوردییه‌كانی دیكه‌ له‌ نزیكه‌وه‌و به‌ نیگه‌رانییه‌وه چاودێری ئه‌كه‌ین، به‌ڵام كه‌س نییه‌ به‌م روو ره‌شه‌ بڵێت: په‌تی درۆ كورته‌ و به‌ری خۆر به‌ بێژنگ ناگیرێت ئه‌ی گه‌لحۆی هه‌زار روو، ئه‌وه‌تا سه‌ربازو تۆپ و تانكه‌كانت له‌ سه‌ر سنووره‌و زۆر نزیكن له‌ كۆبانێ و داعش، ئه‌گه‌ر راست ئه‌كه‌ێت ته‌كانێك بده‌و ده‌ستبووه‌شێنه‌و چیتر نیگه‌ران مه‌به‌!‌.

كاتێك ئه‌مه‌ریكا له‌ ئاسمانه‌وه‌ چه‌كی گه‌یانده‌ شه‌ر‌ڤانانی ئازاو قاره‌مان له‌ كۆبانێ ره‌جه‌ب ته‌یب ئه‌ردۆگانی تیرۆریست زۆر دڵ ته‌نگ و نیگه‌ران بوو وتی: نابێت چه‌ك و هه‌ر جۆره‌ یارمه‌تییه‌ك بدرێت به‌ پارتی یه‌كێتی دیموكراتی PYD چونكه‌ ئه‌و پارته لای ئێمه‌ رێكخراوێكی تیرۆریستییه‌ ‌و هیچ جیاوازییه‌كی له‌ گه‌ڵ په‌كه‌كه‌ PKKنییه‌و، ئێمه‌ دژی ئه‌و كاره‌ێن كه‌ له‌لایه‌ن ئه‌مریكای دۆستمان و هاوكارمان له‌ ھاوپەیمانی باکووری ئەتڵەسی (ناتۆ) كراوه‌و، تا بتوانین به‌ سه‌ختی دژی ئه‌وه‌ستین و قه‌ت رازی نابین.

شه‌ر له‌ كۆبانێ گه‌رمه‌و، هه‌ندێ له‌ به‌رپرسه‌كانی باشووری كوردستان بۆ ئه‌وه‌ی ئاسته‌نگیك له‌ به‌رده‌م به‌رخودان و قارمانیه‌تی و سه‌ركه‌وتنی شێره‌كانی كۆبانێ دابنێن و، ئه‌وان ئه‌‌یانه‌وێت یه‌په‌ده‌ {YPD} خوێ یه‌كلایی بكاته‌وه‌و له‌ گه‌ڵ هێزه‌ كوردییه‌كانی دیكه‌ یه‌كبگرنه‌وه‌و، ببنه‌ به‌شێك له‌وهاوپەیمانه‌تییه‌ نێودەوڵەتییەی كە بۆ شەڕی داعش پێكهاتوو، خۆشبه‌ختانه‌ كوردانی سوریا له‌ كۆبوونه‌وه‌كانی ده‌هوك خۆیان یه‌كلایی كرده‌و گه‌یشتنه‌ رێكه‌وتنامه‌.

تورکیای تیرۆریست و دوژمنی سه‌رسه‌ختی كورد كه‌وتووه‌ته‌ ناو گێژاوو سەرلێشێوانێکی سیاسی و، نازانێ چ بڕیارێک بدات و، ئەوان تانکەکانی خۆیان بۆ رووداوەکانی کۆبانێ ئامادەکردوون، بەڵام ئێستاش نازانن چی بکەن و پشتیوانی رابردوویان لەو گرووپە تیرۆریستیانەو (داعش) بۆ نموونه‌بووەتە کێشەیه‌كی گه‌وره‌و، هێشتا گفتوگۆكانی نێوان توركیا و هێزەكانی هاوپەیمانانی نێودەوڵەتی بەردەوامەو، توركیا باش ئه‌زانێتداعش گرووپێكی تیرۆریستییەو، تاوانی دژی مرۆڤایەتی ئەنجامداوە و هەڕەشەیەكی گەورەیە بۆسەر وڵاتان و توركیا.

جه‌ماوه‌ری سوریا له نێوان مانگه‌كانی{ شوبات - فبرایه‌رو ئازار- مارس} ساڵی 2011 دژ به‌ رژێمه‌كه‌ی به‌شار ئه‌لئه‌سه‌د هه‌ڵسان به‌ هه‌ڵگیرسانی شۆرش، به‌ڵام ئیخوان موسلیمه‌كانی سوریا به‌ هه‌ماهه‌نگی له‌ گه‌ڵ ئه‌ردۆگان و ئیخوانه‌كانی توركیا یه‌كیانگرته‌وه‌و به‌ پاره‌و پولی عه‌ره‌بستانی سعودی و قه‌ته‌رو وڵاتانی كه‌نداو توانیان رووی شۆرشه‌كه‌ بگۆرن و بیخه‌نه‌ ژێر ده‌ستی ئیخوانچی و سه‌له‌فی و وهابی وئیسلامی توندره‌و تیرۆریست و، سه‌رانی ئه‌و گروپانه‌ له‌ ئیسته‌نبول كۆبوونه‌وه‌و ئه‌نجومه‌نێكیان به‌ ناوی (ئه‌نجومه‌نی نیشتمانی سوریا) دروستكردو، به‌ ئه‌نجومه‌نی ئیسته‌نبول ناسراوه‌و له‌ بنچینه‌وه‌ دژی كوردو كوردستانه‌، چونكه‌ پره‌ له‌ كه‌سانی شۆڤه‌نیست و سه‌ر به‌ وڵاتانی كۆنه‌په‌رست و ره‌گه‌زپه‌رست وه‌ك عه‌ربستانی سعودی و قه‌ته‌رو توركیاو، له‌ سه‌ره‌تای دروستبوونی ئه‌نجومه‌نه‌كه‌ كوردیك خوێ خزانده‌ناوی و بۆ ماوه‌یه‌ك كرا به‌ سه‌رۆك و، ئه‌و كورده‌ش له‌ به‌ر پاره‌و پول و ده‌ستكه‌وتی گه‌وره‌ له‌ لایه‌ن پارتێكی كوردستانه‌وه‌ ده‌سته‌مۆ كراو، چه‌ند جارێك سه‌ردانی هه‌ولێری كردو، ئه‌نجومه‌نه‌كه‌ سوپای سوریای دامه‌زران و، به‌ناوی (سوپای ئازادی سوریا) ناسراوه‌.

ئه‌و ئه‌نجومه‌ن و سوپایه‌ وه‌ك له‌ سه‌ره‌وه‌ باس كران پرن له‌ كه‌سانی شۆڤه‌نیست و ره‌گه‌زپه‌رست و هه‌ڵگری بیری كۆنه‌په‌رستی و دواكه‌ووتووی ئیسلامی توندره‌وو تیرۆریست و، بۆ نموونه‌ یه‌‌كه‌م سه‌رۆكی ئه‌و ئه‌نجومه‌نه بورهان غه‌لیون بوو، له‌ دیدارێكدا له‌ گه‌ڵ ته‌له‌ڤزیۆنی ئه‌ڵمانی دوتشه‌ ڤیله‌ (Deutsche Welle) وتی: كورد له‌ سوریا وه‌ك ئه‌و كۆچبه‌رانه‌ن كه‌ له‌ فه‌ره‌نسائه‌ژین و، كورده‌كانی سوریا كۆچبه‌رن و هیچ مافێكی سیاسیان نییه‌و، ئه‌گه‌ر ویستیان با بگه‌رێنه‌وه‌ بۆ ئه‌و شوێنه‌ كه‌ لێیهاتوون و، ئه‌مرۆ توركیا و دۆسته‌كانی هه‌وڵ ئه‌ده‌ن ئه‌و سوپایه‌ بچێته‌ كۆبانێ و، گوایه‌ شان به‌ شانی شه‌رڤانانی قاره‌مان له‌ دژی داعش شه‌ر بكه‌ن! و، كابرایه‌ك به‌ ناوی عه‌قید عه‌بدولجه‌بار ئه‌لعه‌كیدی فه‌رمانده‌ی سوپای ئازاده‌ و ده‌ستنیشان كراوه‌ له‌ گه‌ڵ (1300) ئه‌ندامی سوپاكه‌ برۆنه‌ كۆبانێ و، ئه‌م كابرایه""سه‌ركرده هه‌ڵبژیراوه‌كه‌ی توركیا‌""‌ ئه‌ڵێت: په‌یوه‌ندیم له‌ گه‌ڵ داعشدا زۆر باشه‌و رۆژانه‌ په‌یوه‌ندی به‌ یه‌كتره‌وه‌ ئه‌كه‌ێن و ئه‌وان تێرۆریست نین و، زۆر له‌و گروپانه‌ رازی نین بچنه‌ كۆبانێ بۆ شه‌ری داعش وه‌ك سه‌ركرده‌ی سوپای موجاهیدین (سه‌قه‌ر ئه‌بو قوته‌یبه‌) و، به‌ره‌ی شۆرشگێرانی سوریاو، ئه‌وان ئه‌ڵێن له‌ حه‌له‌ب شه‌ر دژی هێزه‌كانی به‌شار ئه‌لئه‌سه‌د گه‌رمه‌و بۆ بچین بۆ كۆبانێ.

ئه‌گه‌ر رێگا بدرێت ئه‌و سوپایه‌ به‌ ناو ""سوپای ئازاد"" بچێته‌ كوبانێ، ئه‌وه‌ پیلانی توركیاو ده‌ستوپه‌یوه‌نده‌كانیه‌تی، ئه‌و سوپایه‌ ده‌سكه‌لای توركیایه‌ و، تیری كوشنده‌یه‌ ئاراسته‌ی به‌رخودان و قاره‌مانییتی و خوراگری شێره‌كانی كۆبانێ ئه‌كرێن، ده‌با هه‌موو كوردو دۆسته‌كانی و كه‌سانی خاوه‌ن شه‌ره‌ف و هه‌ڵوێست بره‌نگاری ئه‌و پیلانه‌ بن و، ‌مرام و خواستی دوژمنان پوچه‌ڵبكه‌نه‌وه‌و، با هه‌موو وزه‌و تواناكانمان له‌ شه‌ری دژه‌ تیرۆر یه‌كخه‌ین. .

با كار بكه‌ین بۆ ده‌مكوتكردنی ره‌جه‌ب ته‌یب ئه‌ردۆگانی رووره‌ش و، چیتر نه‌ڵێـت: جیاوازی لە نێوان داعش و پەكەكە ناكەم و، ئه‌مەوێتجارێكیدیكەئەوەبڵێمەوە، كە توركیا چۆن دژایەتی رێكخراوی تیرۆرستی داعش ئه‌كات، بە هەمانشێوە لە دژی رێكخراوی تیرۆرستی په‌كه‌كه‌یشین، هه‌زار سڵاو له‌ پێشمه‌رگه‌و شه‌رڤانان، سڵاو له‌ شێره‌ ژنانی قاره‌مان، هه‌زاران سڵاو له‌ شه‌هیدانی كۆبانێ و گشت شه‌هیدانی رێگای ئازادی و سه‌ربه‌خۆیی كوردستان.

ئه‌حمه‌د ره‌جه‌ب   28/10/2014

 

 

 

 

 

 

.

 

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

 

 

 

پێش گرتنی شاری موسل له‌ لایه‌ن چه‌ته‌و جانه‌وه‌ره‌كانی ئیسلام به‌ناو خه‌لافه‌تی خه‌ڵه‌فاوی ئێسلام (داعش) هاتووچۆ له‌ نێوان به‌رپرسانی هه‌رێم و حكومه‌تی كوردستان و ده‌وڵه‌ت و حكومه‌تی توركیا گه‌رم و گور بوو رۆژانه‌ بۆری نه‌وتی گێڵگه‌كانی كوردستان شاده‌ماره‌كانی هه‌تیوه‌كانی ئه‌تاتوركیان له‌ زێر پر ئه‌كردو ئه‌بوون به‌ خاوه‌نی پاره‌و داهاتێكی له (‌بن) نه‌هاتوو بۆ خۆشگوزه‌رانی خۆیان و میوانه‌كانیان كه‌ له‌ رێی به‌ندرو فرۆكه‌خانه‌كان پێشوازی گه‌رمیان لێئه‌كه‌ن و، پاش پشوو حه‌وانه‌وه‌ مه‌شق و راهێنانیان پێ ئه‌كه‌ن له‌ سه‌ر جۆره‌ها چه‌ك و ته‌قه‌مه‌نی و هه‌موو ئه‌رك و كارێكی سه‌ربازی و پاشان به‌رێزه‌و ره‌وانه‌ی ناو داعش ئه‌كرێن بۆ هێرش كردنه‌ سه‌ر كوردستان و كوشتنی دانیشتوانی و، وادیاره‌ له‌ مێژه‌وه‌ نه‌خشه‌یان بۆ ئه‌م كاره‌ گڵاوه‌ دارشتووه‌ به‌ مه‌به‌ستی ئه‌وه‌ێ خه‌ونه‌ چه‌په‌ڵ و بۆگه‌نه‌كه‌یان كه‌ له‌ناو بردنی كوردو كوردستانه‌ بێته‌دی. .

قه‌ت رۆژێك له‌ رۆژان رژێمی خوێنرێژو سه‌ركوتكه‌ری خه‌ڵكی سڤیل و بێ تاوان دۆستی كورد نه‌بووه‌و، هه‌موو كات به‌ ئاگرو ئاسن وه‌ڵامی هاوڵاتیان و پرسه‌كانی كوردی داوه‌ته‌وه‌و، سه‌ره‌رای پێشێلكردنی‌ ته‌واوی‌ پرنسیپه‌كانی‌ مافه‌كانی‌ مرۆڤ‌ و، ته‌واوی‌ یاساكانی‌ ره‌چاوكراوی‌ جیهانیی‌ سه‌باره‌ت به‌ مافه‌ سه‌ره‌تاییه‌كانی مرۆڤ ژێر پێ‌ خستووه‌‌و، كه‌س نه‌یتوانیوه‌ به‌رگری له‌ مافی هاوڵاتیبوونی خوێ بكات، چی تازه‌ به‌ تازه‌ فۆئاد حوسێن سه‌روكی دیوانی سه‌رۆكایه‌تی هه‌رێم ئه‌ڵێت: چوار ساڵە بە گەلی خۆمان دەڵێین توركیا دۆستمانە، بەڵام لە یەكەم ئەزموونی راستەقینەدا بێ ئومێد بووین".

به‌ڵێ، فوئاد ئه‌فه‌نی، باش ئه‌زانێت توركیا دوژمنه‌و، به‌ هوێ پۆست و كاره‌كه‌ت ناته‌وێت باسی كۆمه‌ڵكوژی و خراپه‌كانی ئه‌و رژێمه‌ بۆگه‌نه‌ بكه‌ێت، چونكه‌ پێش چه‌ند ساڵێك كاتێ له‌ گه‌ڵ سه‌رۆكی هه‌رێم به‌رێز مه‌سعود بارزانی له‌ ئه‌ورۆپاوه‌ گه‌رانه‌وه‌و بۆ توركیا، ده‌ستبه‌جێ و به‌بێ پشوودان به‌رێز مه‌سعود بارزانی له‌ گه‌ڵ ره‌جه‌ب ته‌یب" ئه‌ردۆگان كۆ بووه‌وه‌و، هاوكات و بێ شه‌رمانه‌ وه‌ك ره‌وشتی بێ موراڵی باڵاده‌ستانی تورك فرۆكه‌ جه‌نگی و تۆپخانه‌كانی هه‌تیوه‌كانی ئه‌تاتورك خاكی كوردستانیان ئه‌كوتاو خه‌ڵكی سڤیلی بێ تاوان و بێ ده‌سه‌ڵاتی گه‌لی كوردستانیان له‌ناو ئه‌برد.

له‌م رۆژانه‌ی دوواییدا وه‌ڵاتی قه‌ته‌ر به‌ بیانووی جۆراوجۆرو تێوه‌گلان له‌ توندو تیژی و تیرۆرو ده‌ست پیسی و ناپاكی كۆمه‌ڵێك ئیخوان ئه‌لموسلمینی ترۆ كردو قاویانیداو، له‌ هه‌مووی سه‌یرتر ئه‌وه‌یه‌ ئیخوانچی ره‌جه‌ب ته‌یب ئه‌ردۆگان وتی: ئێمه‌ پێشوازییان لێئه‌كه‌ێن، به‌ڵام سنووریان بۆ دائه‌نێن و نابێت كاری توندوتیژی بكه‌ن و، ئه‌وه‌ ته‌نها قسه‌و هه‌وڵدان‌ بوو، بۆ چه‌واشه‌كاری و، سه‌رانی تورك به‌و ره‌فتاره‌ تاكه‌كه‌سییه‌ی سه‌رۆكه‌كه‌یان ئه‌یانه‌وێت خوڵ بكه‌نه‌ چاوی هاوڵاتیانی وڵاته‌كه‌یان و كه‌سانی تر.

قه‌ته‌ر له‌و رۆژه‌وه‌ شیخ حه‌مه‌د كوری خه‌لیفه‌( ئال ثانی) كۆده‌تای دژ به‌ باوكی شیخ خه‌لیفه‌ كوری حه‌مه‌د (ئال ثانی) له‌ حوزه‌یرانی 1995 به‌رپا كردو بوو به‌ (ئه‌میر) و ده‌سه‌ڵاتی گرته‌ ده‌ست، وه‌ك دۆستی دێرینی تیرۆرو تیرۆریستان و، هانده‌ری توندوتیژی بووه‌و، به‌ راگه‌یاندن و پاره‌و پول له‌ ئه‌فغانستان و سوریاو عێراق و شوێنی تر چالاك و كارا و له‌ كاردا بووه‌و، له‌م دوواییدا قه‌ته‌ر به‌رده‌وام به‌ یارمه‌تیده‌ری گروپه‌ توندره‌وكان هه‌ژمار ئه‌كرێت و، ئه‌مرۆ، ئه‌یه‌وێت رووی ره‌شی له‌ به‌رده‌م كۆمه‌ڵگای نێوده‌وڵه‌تی و وڵاتان و دۆسته‌كانی سپی بكات و، ئه‌وه‌ بوو كۆمه‌ڵێك تێرۆستی ئیخوان ئه‌لموسلمینی ده‌ر كردو، له‌ توركیا پێشوازییان لێكراو، ئه‌و كۆمه‌ڵه‌ ریشدارانه‌ به‌ سه‌ر مۆڵگاكانی داعش له‌ شاره‌كانی توركیا دابه‌شكران و، بوونه‌ مامۆستاو، هانده‌ری گه‌نجان بۆ ئه‌وه‌ی بچنه‌ ناو داعش و، ئه‌م گه‌نجه‌ بێمێشكانه‌‌ له‌ ژێر دروشمی: لا اله إلا الله محمد رسول الله و جیهاده‌وه‌ ئه‌چنه‌ ریزه‌كانی رێكخراوی خوێنرێژی داعش و، هه‌ندێكیان له‌ كاتی چوونیان و، بۆ ئه‌وه‌ی برا (موجاهیده‌كان) یان به‌ تایبه‌ت (ره‌به‌نه‌كان) بحه‌سێنه‌و رابێرن، دایك و خۆشك و ژنه‌كانیان ئه‌برد به‌ مه‌به‌ستی كارێكی قیزه‌وه‌ن و ناپاك و دوور له‌ ره‌وشتی مرۆڤ له‌ ژێر ناوی (جیهاد ئه‌لنیكاح) و، وا دیاره‌ ئه‌و كاره‌ نامرۆڤانه‌یه‌ لای ئه‌و جۆره‌ كه‌سانه‌ كارێكی ساناو ئاساییه‌، چونكه‌ ئه‌و جۆره‌ كه‌سانه‌ قه‌ت لایان شه‌رم نییه ئه‌گه‌ر كۆمه‌ڵێك له‌ جانه‌وه‌رانیته‌ویله‌كه‌ی‌داعش و، له‌ رۆژێكداو به‌‌ به‌ر چاوی خوێانه‌وه‌ ره‌به‌نه‌كانی ئیسلام ببینن كه‌تامه‌زرۆی سیكسیان هه‌یه‌ و، له‌ ژیر درۆشمی (لا اله الا الله، محمد رسول الله) چه‌ندین جار سواری دایك و خۆشك و ژنه‌كانیان ببن و، ئه‌‌م كاره‌ (قه‌حبه‌بازی) یه‌ كه‌ به‌ پێی "شه‌رعی" ئیسلامی داعشه‌ له‌ لایه‌ن خه‌لیفه‌ی ئیسلامه‌وه‌ (ئه‌بو به‌كر ئه‌لبه‌غدادی) په‌سه‌ند كراوه‌و، دووره‌ له‌ داب و نه‌ریتی كۆمه‌ڵگه‌ی نێوده‌وڵه‌تی و هه‌موو كۆمه‌ڵگاكانی جیهان و، له‌ هه‌مان كاتدا ئه‌بێته‌ هوێ شكاندنی كه‌سێتی ژنان و، له‌م باره‌یه‌وه‌ كچێكی سوری {رزگار} بوو له‌ چنگی داعش كه‌ كاتی خوێ براكه‌ی بردی بۆ "جیهاد النیكاح"، ئه‌ڵێت: له‌ رۆژێكدا حه‌وت هه‌شت كه‌ره‌ت دراوه‌ به‌ شوو، واته‌ له‌ رۆژێكدا حه‌وت هه‌شت (موجاهیدینی) بینیوه‌و، به‌ وته‌ی ئیسلامییه‌كان كاری ناشه‌رعیان له‌ گه‌ڵدا ئه‌نجامداوه‌و، به‌ كوردی په‌تیش‌ له‌ رۆژیكدا كۆمه‌ڵێك موجاهیدینی بێ مۆراڵ و بێ شه‌ره‌ف سواری بوون و. هه‌مان كچه‌ سورییه‌كه‌ ئه‌ڵێت ماوه‌ی (4) ساڵ به‌ هوێ ده‌ستدرێژی سیكسه‌وه‌ ((شریان)) كردمو سه‌دان نه‌خۆشی له‌ جه‌ستمدایه‌و، پێم شه‌رم نییه‌ بۆ ریسواكردنی ئه‌و تاقمه‌ جانه‌وه‌ره‌ی داعش هه‌موو شتێك وه‌ك خوێ باس بكه‌م و بیڵێم و، هه‌موو كات تف و نه‌فره‌ت له‌و به‌هه‌شته داتاشراوه‌و برا نامه‌رده‌كه‌م ئه‌كه‌م كه‌بوونه‌‌ هوێ چوونم و نه‌خۆشیم و سووك بوونم، ئه‌و به‌هه‌شته‌ی داعش‌ دۆوه‌خه‌و پره‌ له‌ ئاگرو ئازار. ‌‌

هه‌ر له‌ سه‌ره‌تای زیندووكردنه‌وه‌ی داعش رژێمی توركیا رۆڵێكی به‌رچاوی هه‌بوو له‌ پشتگیریكردنی و، به‌ هه‌موو جۆرێك یارمه‌تیداوه‌و چه‌ندین شوێنی بۆ مه‌شق و راهێنان كرده‌وه‌ته‌وه‌‌و، پێشوازی له‌ كه‌سانی توندره‌و تێرۆریست ‌كردووه‌و، پاشان ره‌وانه‌ی سوریا و عێراقی كردون و، چوونه‌ته‌‌ ناو داعش و، كار به‌وه‌ش نه‌وه‌ستاوه‌و، له‌ ئێستادا نێوانی هه‌ردوولا، واته‌ توركیا و داعش زۆر گه‌رمه‌و، په‌یوه‌ندی بازرگانی په‌ره‌ی سه‌ندووه‌و، هه‌ناردنی نه‌وتی مفتی عێراق و سوریا به‌ نرخێكی هه‌رزان به‌رده‌وامه‌و، بۆ داپۆشینی په‌یوه‌ندی نیوانیان رژێمه‌ ترسنۆكه‌كه‌ی‌ توركیا ئه‌ڵێـت ئێمه‌ دژی هه‌موو ئه‌و جۆره‌ گروپانه‌ێنو قه‌ت نه‌رمیش له‌ گه‌ڵیاندا نانوێنین.
 سه‌باره‌ت به‌ دەنگۆی کڕینی نەوت لە داعش ئەردۆگان رەتیکردەوە وڵاتەکەی نەوت لە داعش بکڕێت و، وتی: "ئەمە دەنگۆیەکی زۆر ناشیرینه‌و، بەتەواوی درۆیەو، جگە لەو کەناڵە فەرمییانەی کە نەوت ئه‌گەیێننە تورکیا، ئەگەر کەناڵێکی تر هەبێت لەناوی ئه‌بەین"و، هەروەها وتی: "ئێمە وڵاتێکین دژی هەموو ئەو گرووپە تیرۆریستیانەین کە لە ناوچەکەدا هەن، چونکە ئێمە زۆرمان بە دەستی تیرۆر چەشتووەو، نەرمی نواندن لەگەڵ داعش یان هەر گرووپێکی دیکە کە قاچاخچێتی بە نەوتەوە ئه‌كات مەحاڵەو، له‌م باره‌یه‌وه‌ بەرپرسێكی باڵا لە ئیدارەی ئۆباما به‌ رۆژنامه‌یه‌كی راگەیاندوە كە ئەوان زانیاریان بەدەست گەیشتووە كە داعش لەرێگەی تەنكەرەوە نەوتی سوریا‌وعێراق بە توركیا ئه‌فرۆشێت و. . رۆژنامەكە لەزاری ئەو بەرپرسەی ئەمریكاوە {ئەوەی} بڵاو كردوەتەوە كە لەچەند رۆژی رابردوو ژمارەیەك لە بەرپرسانی كۆشكی سپی پەیوەندیان بە ئەردۆگان سه‌رۆك كۆمار‌و ئه‌حمه‌د داود ئۆغلۆو سه‌رۆك وه‌زیران كردووە كە رێگری لە سنوری وڵاته‌كه‌یان بكه‌ن و، بەقاچاخ نەوت لەرۆژئاوای توركیاوە ئه‌چێتە ناو ئەو وڵاتە.

به‌ پێی لێدوانێكی باڵوێزی پێشووی ئه‌مریكا له‌ توركیا فرانسیس ریتشاردونی رژێمی توركیا به‌ یارمه‌تی وپاره‌ی قه‌ته‌رو سعودییه‌ زۆر سه‌ر گه‌رم بوو له‌ناردنی ئیسلامه‌ توندره‌وه‌كان بۆ عێراق و سوریا، به‌ تایبه‌ت بۆ ناو به‌ره‌ی ئه‌لنوسره‌ كه‌ ده‌سته‌راستی رێكخراوی تێرۆریستی ئه‌لقاعیده‌ بوو، هه‌روا بۆ ناو گروپه‌ سه‌له‌فییه‌كان وه‌ك گروپی "احرار الشام" و، له‌م رۆژانه‌شدا توركیا له‌ ناردنی خه‌ڵك بۆ ناو داعش زۆر چالاكه‌و، ئه‌مریكا داوای له‌ توركیا كردووه‌ سنوور له‌ رووی ئه‌و تاقمانه‌ دابخات، به‌ڵام گوێ رایه‌ڵ نه‌بووه‌و، چونكه‌ رۆژانه‌ پاره‌و سامانێكی زۆر ئه‌رژێته‌ بانقه‌كانی وڵات و، ئه‌م كاره‌ش بووه‌ته‌ هوێ ناكۆكی نێوانی رژێمی توركیا و ئه‌مریكا، به‌ڵام له‌ هه‌موو شتێك سه‌یرتر ئه‌وه‌یه‌ له‌ كوردستان به‌رپرسان وه‌ك به‌رێز نێچیرڤان بارزانی پاساو ئه‌هێننه‌وه‌ بۆ توركیاو، گومانیان هه‌یه‌ توركیا یارمه‌تی داعش بدات و، ئه‌وان باش ئه‌زانن ئێستاكه‌ توركیا له‌و شه‌ره‌ گڵاوو به‌دناوه‌ دژ به‌ قاره‌مانه‌كانی كوبانی یارمه‌تی داعش ئه‌دات و، ئه‌م كاره‌ی به‌رپرسانی باڵای كوردستان جێی پرسیاره‌و، ئێمه‌ی هاوڵاتی ئه‌پرسین و ئه‌ڵێن: تاكه‌ی له‌ خزمه‌ت توركیا ئه‌بن؟ بۆ خۆتان رزگار ناكه‌ن؟، ئه‌وه‌تا رژێمی توركیا خوێ باسی بە قاچاخ هاوردنی نەوت له‌ لایه‌ن داعشه‌وه‌ بۆ ناو توركیا ئه‌كات و، بەڵگە ئه‌هێنێته‌وه‌ كە سنوورێكی درێژی هەزار كیلۆمەتری لەگەڵ سووریادا هەیە و ئەو ناوچانە ئێستا ناوچەی شەڕن و،  كاتێكیش شەڕ ئه‌بێت حكومەتەكان ناتوانن كه‌نترۆڵی سنووره‌كان بكه‌ن و، رۆژانه‌ رژێمی توركیا لە میدیاكانه‌وه‌ بانگەشەی ئەوەئه‌كات كە داعش سوودی لەو "كەلێنە ئەمنییە" وەرگرتووە و نەك هەر نەوت بەڵكو چەكداری نوێی داعشیش لە سنووری توركیاوە دزە ئه‌كه‌نه‌ ناو خاكی سووریا و عێراقەوە

ئه‌مریكاو یه‌كێتی ئه‌وروپاو ژماره‌یه‌ك له‌ وڵاتان به‌ تایبه‌تی وڵاتانی عه‌ره‌بی كۆكن له‌ سه‌ر لێدانی داعش، به‌ڵام رژێمی توركیا ترسنۆكانه‌ خوێ دوورخسته‌وه‌ته‌‌وه‌و، تا دوێنێ به‌ بیانووی ئه‌و (49) كه‌سه‌ی كه‌ له‌ لای داعش گیرابوون، له‌ راستیدا ئه‌و ژماره‌یه‌ به‌ پێی رێكه‌وتن له‌ نێوان رژێمی توركیاو داعش گیراو نه‌بوون به‌ڵكو میوان بوون و، له‌ سه‌ر داوای چه‌ته‌ خه‌ڵه‌فاوه‌ مرۆڤكوژه‌كه‌ی خه‌لافه‌تی ئیسلام ئه‌بو به‌كر ئه‌لبه‌غدادی به‌ره‌ڵاكران و، له‌م رووه‌وه‌ هه‌تیوه‌كانی ئه‌تاتورك كه‌وتوونه‌ته‌ درۆكردن، گوایه‌ به‌ ئه‌نجامدانی ئۆ‌پراسێۆنێك رزگار كراون و، له‌ ئێستادا ئه‌و بیانووه‌ نه‌ماوه‌و هێشتا دووره‌په‌رێزن و، به‌شداری ئه‌مریكاو وڵاتان له‌ دژی داعش ناكه‌ن و، ئه‌مه‌ش هاوكاری نێوانیان له‌ گه‌ڵ داعش پشتراست ئه‌كاته‌وه‌و، وه‌ك ووتراوه‌و ئه‌ڵێن: په‌تی درۆ كورته‌و، ئه‌م توركانه‌ ئه‌ڵێن: نامانه‌وێ ده‌ست بخه‌ێنه‌ ناو كاروباری وڵاتان و له‌ كرداری تیرۆر خۆمان دوور ئه‌خه‌ینه‌وه‌، به‌ڵام به‌ ئاشكرا چه‌ك و ته‌قه‌مه‌نی له‌رێی ئیخوانچییه‌ تێرۆرسته‌كانی وڵاتی تونس و حزبی ئه‌لنه‌هزه‌ بۆ ئیخوانچییه‌ توندره‌وه‌كانی لیبیا ئه‌نێرێت.

هه‌ر له‌ مه‌یانه‌ی درۆكانی رژێمی توركیاو پاش شه‌ره‌كانی پێشمه‌رگه‌ له‌ گه‌ڵ چه‌ته‌كانی داعش ئه‌مریكییه‌كان له‌ هه‌ولێر هه‌ندێ ته‌قه‌مه‌نیان ده‌ستكه‌وتووه‌ له‌ كۆمپانیای پیشه‌سازی كیمیاو میكانیكی توركی MKEدروست كراون و، ئه‌مه‌ش بووه‌ خاڵێكی سه‌رسورێنه‌ری خه‌بیره‌ سه‌ربازییه‌كانی ئه‌مریكا، چه‌ك و ته‌قه‌مه‌نی توركیا به‌ده‌ست جانه‌وه‌ره‌كانی داعش و، هه‌ر ئه‌مه‌ش بووه‌ هوێ ئه‌وه‌ی باراك ئوباما سه‌رۆكی ئه‌مریكا له‌ كۆبوونه‌وه‌ی ناتۆی شاری نیۆبۆرتی ویلز له‌ بریتانیا هوشداری بداته‌ سه‌روك كۆماری توركیا ره‌جه‌ب ئه‌ردۆگان و پێی بڵێت: ئه‌مه‌وێ توركیا له‌ سه‌ر هه‌مان رێچكه‌ی ناتۆو ئه‌مریكا بێت.

بێدەنگبوونی توركیا لەئاست هێرشەكانی داعش بۆ سەر ناوچەكانی عێراق‌و هەرێمی كوردستان گومانی لەسەر ئاستی نێودەوڵەتی دروستكردوه‌و، میدیاكانی جیهانیش چەند زانیاریەك لەوبێدەنگیەی توركیا ئاشكرا دەكەن،

رۆژنامەی نیورك تایمزی ئەمریكی راپۆرتێكی لەبارەی هەڵوێست‌و سیاسەتەكانی توركیا بەرانبەر هێرشەكانی داعش لەعێراق‌و هەرێمی كوردستان نووسیوەو رایگەیاندوە كە خۆپارێزی توركیا لە هەوڵە نێودەوڵەتیەكان گومانێكی گەورە دەخاتە سەر سیاسەتی ئەو وڵاتەو،

هەروەها ئەو بەرپرسە ئەمریكییە ئەوەشی خستووەتەڕوو كە ئەو كەسانەی پەیوەندی بەداعشەوە ئه‌كەن لەرێگەی توركیاوە ئه‌رۆنه‌ خاكی سوریاو عێراق و،  ئاماژەی بەوەشكردووە داعش بریندارەكانی لە توركیا چارەسەر ئه‌كات‌و چەكی توركیش بەكار ئه‌هێنێت.

له‌ به‌ر ئه‌وه‌ی توركیا به‌ گه‌رمی یارمه‌تی چه‌ته‌كانی داعش ئه‌دات و، داعش هێرشێكی به‌ربڵاوی كرده‌ سه‌ر كوردستان و، توركیا وه‌ك فوئاد حسه‌ێن وتی: ئه‌وه‌ چوار ساڵه‌ به‌ گه‌له‌كه‌مان ئه‌ڵێن توركیا دۆستمانه، ‌به‌ڵام كورد كه‌وته‌ رۆژێكی ته‌نگانه‌و، رۆژه‌كه‌ش به‌ راستی رۆژێكی ته‌نگانه‌ بوو، زۆری نه‌مابوو داعش بگه‌نه‌ فرۆكه‌خانه‌ی هه‌ولێرو، توركیا بێده‌نگ بوو، هیچ یارمه‌تییه‌كی نه‌داین و، داواشمان لێكرد، كه‌ چی هه‌ر نه‌هات، بۆیه‌ پێویسته‌ سه‌رۆكایه‌تی هه‌رێم و حكومه‌تی كوردستان داوا له‌ توركیا بكه‌ن به‌ زووترین كات هێزو تانك و توپخانه‌و جه‌به‌خانه‌‌كانی له‌ خاكی كوردستان، له‌ بامه‌رنی و دهۆك بكێشێته‌وه‌و، هه‌روه‌ها پێویسته‌ گه‌ڵی كوردستان زۆر بایه‌خ به‌ وریایی بدات، چونكه‌ دوژمن ئامانی نییه‌و، توركیا وه‌ك هانده‌ری توندوتیژی و توندره‌وی و هاوكاری داعش زۆر مه‌ترسیداره‌و هیچ كاتێك ئامانی نییه‌و، ئه‌گه‌ر به‌ ته‌مای مانه‌وه‌یه‌ باشتر وایه‌ فشاری بخرێته‌ سه‌رو‌. داوا له‌ هێزی وڵاتان به‌ تایبه‌تی ئه‌مریكاو یه‌كێتی ئه‌وروپا بكرێت رۆڵی خۆیان بنوێنن و ئه‌وانیش فشار بخه‌نه‌ سه‌ر هێزه‌كانی توركیا به‌ مه‌به‌ستی كشانه‌وه‌یان.

24/9/2014

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

له‌ مانگی سیپته‌مبیر {ئه‌یلول} ی ئه‌مساڵدا دوو كۆنگره‌ له‌ شاری جه‌دده‌ی وڵاتی عه‌ره‌بستانی سعودی و شاری پاریس له‌ فه‌ره‌نسا به‌سترا به‌ مه‌به‌ستی به‌ربه‌ره‌كانی چه‌ته‌و جانه‌وه‌ره‌كانی رێكخراوی به‌ناو ده‌وڵه‌تی ئیسلامی (داعش) و له‌ هه‌ردوو كۆنگره‌كه‌دا نوێنه‌ری توركیا ئاماده‌بوو هه‌ر له‌وێ و له‌ سه‌ر پێشنیاری ئه‌مریكا هاوپه‌یمانییه‌ك له‌ (40) وڵات به‌بێ توركیا دروستبوو.

زۆربه‌ی وڵاتان و ویلایەتە یەكگرتووەكانی ئەمریكا داوایان لە توركیا كرد لە پرۆسەی رووبەڕووبوونەوەی رێكخراوی توندڕەوی داعشدا هاوكاری بكات، به‌ڵام توركیا ترسێكی گه‌وره‌ی له‌ چوونه‌ ناو شه‌ری داعش هه‌بوو‌، به‌رپرسانی تورك مه‌ترسی خۆیان له‌ رێكخراوی داعش نه‌شاردووه‌ته‌وه‌و، وتوویانه‌ به‌ هوێ ئه‌وه‌ی گیانی (49) دیبلۆماتكاری وڵاته‌كه‌مان له‌ ژێر ده‌ستی داعشدایه‌ كه‌ له‌ رووداوه‌كانی گرتنی موسڵدا وه‌ك بارمته‌ ماونه‌ته‌وه‌، بۆیه‌ له‌وه‌ ترساوین.

پاش به‌ره‌ڵاكردنی دیبلۆماته‌كانی توركیا جارێكی تر ئه‌مریكا داوای كرد توركیا به‌شداری بكات و بێته‌ ناو ئه‌و هاوپه‌یمانییه‌ كه‌ دروستیكردووه‌و ئێستاكه‌ زیاتر له‌ (44) وڵاته‌، به‌ڵام توركیا به‌ بیانووی ئه‌وه‌ی سنووری زیاتر له‌ (900) كێلۆمه‌تر له‌ گه‌ڵ سوریادا هه‌یه‌ ئه‌مجاره‌شیان دووره‌په‌رێزی هه‌ڵبژارد.

وڵاتان و ئه‌مریكا كۆڵیانه‌داو دیسانه‌وه‌ داوایان كرد توركیا هه‌وڵبدات به‌شداری له‌ گه‌ڵ وڵاته‌ هاوپه‌یمانییه‌كان بكات و، ئه‌مجاره‌شیان نه‌هات و هه‌ندێ مه‌رجی داناو، ئه‌گه‌ر جێبه‌جێیان كرد ئه‌و كات بیرئه‌كاته‌وه‌ چۆن چۆنی هاوكاری بكات.

توركیا یه‌كێكه‌ له‌و‌ وڵاته‌‌ ئه‌كتیڤانه‌ شان به‌ شان ئه‌مریكاو وڵاتانی تر كاری كردووه‌ له‌ دامه‌زراندنی داعش و زیندوكردنه‌وه‌ی و، ئه‌مرۆ ئه‌م رێكخراوه چه‌په‌ڵ و به‌دناوه‌‌ له‌ ژێر دروشمی: لا اله الا الله محمد ره‌سول االلهده‌ستیداوه‌ته‌ كوشتنی خه‌ڵكی بێتاوان و دزیكردن و نه‌وت ناردن بۆ توركیا به‌ دزی و به‌ ئاشكرا.

له‌ مێژه‌وه‌ خه‌ڵك و وڵاتان ئه‌زانن توركیا ده‌وڵه‌تێكی تیرۆرستییه‌و فاشست ئاسا ره‌فتار ئه‌كات و به‌ ئاشكراو به‌ نهێنی پشتگیری له‌ چه‌ته‌ رووره‌شه‌كانی تاقمی خوێنرێژی داعش ئه‌كات و، چه‌ك و ته‌قه‌مه‌نی و تانكیان ئه‌داتێ و، چه‌ندان شوێنی ته‌رخان كردووه‌ بۆ مه‌شق و راهێنانی ئه‌ندامه‌كانی داعش و ئاسانكاری ئه‌كات له‌ ناردنیان بۆ به‌ره‌كانی جه‌نگ له‌ سوریاو عێراق و، له‌ كاتی بریندا كردنیان سنووری توركیا به‌روویاندا واڵایه‌و، له‌ نه‌خۆشخانه‌كانی ده‌وڵه‌تی مرۆڤكوژی توركیا به‌ گه‌رمی پێشوازییان لێئه‌كه‌ن.

له‌ سه‌ره‌تای راپه‌رینی گه‌لانی سوریا دژ به‌ رژێمه‌كه‌ی به‌شار ئه‌لئه‌سه‌د توركیا كه‌وته‌ هه‌ره‌شه‌و گوره‌شه‌ دژ به‌و رژێمه‌و، كه‌ زانی عه‌ره‌بستانی سعودی ‌و قه‌تر خه‌رجی راپه‌رینه‌كه‌ ئه‌ده‌ن به‌رپرسانی توركیا بۆ ئه‌وه‌ی گیرفانیان پر بێت سنگیان ده‌رپه‌راندو چوونه‌ پێشه‌وه‌و له‌ گه‌ڵ ئه‌مریكا و بریتانیاو فه‌ره‌نسا پلان و نه‌خه‌شیان دانا بۆ لێدانی داموده‌زگاكانی رژێمه‌ خوێنرێژه‌كه‌ی به‌شارو حزبی به‌عس و، پاشان ده‌ستپێشخه‌ر بوو بۆ دامه‌زراندنی ئه‌نجومه‌نی ئۆپۆزسیۆن كه‌ به‌ (ئه‌نجومه‌نه‌كه‌ی ئیسته‌نبول) ناوی ئه‌برێت.

ئه‌نجومه‌نه‌كه‌ی ئیسته‌نبول له‌ عه‌ره‌ب و سریان و كلدان و كوردو نه‌ته‌وه‌ی تر پێكهاتووه‌و، له‌ سه‌ره‌تادا كوردێكی خه‌ڵكی رۆژئاوای كوردستان گوایه‌ چه‌پ گه‌رایه‌، به‌ڵام له‌ راستیدا سه‌ر به‌ پارتێكی كوردستانه‌و، به‌بێ ره‌زامه‌ندی كوردان خوێ خزانده‌ ناو ئه‌نجومه‌نه‌كه‌و بۆ ماوه‌یه‌ك كردیان به‌ سه‌رۆك چونكه‌ ئه‌جینده‌ی توركیاو ئه‌مریكاو وڵاتانی رۆژئاوای جێبه‌جێ ئه‌كردو، پرۆژه‌ی ئه‌نجومه‌نه‌كه‌ له‌ سه‌ر هه‌مان سیاسه‌تی عه‌روبه‌ و ئه‌سه‌دو به‌عس دانرا بوو، له‌ نه‌خشه‌و پرۆگرامه‌كه‌یدا بجوكترین پێگه‌ بۆ كورد ده‌ستنیشان نه‌كرابوو، هه‌رچه‌نده‌ ناوی خۆیان نابوو (هاوپه‌یمانی نیشتمانی ئۆپۆزسیۆنی سوریا).

توركیای شۆڤه‌نیست و سه‌ركوتكه‌ری كوردان تا ئێستا نه‌چووه‌ته‌ ناو هاوپەیمانێتی نێودەوڵەتییه‌كه‌ی وڵاتانی ئه‌مریكاو رۆژئاواو عه‌ره‌به‌كان و، خوێ گێل كردووه‌و له‌ دووره‌وه‌ وه‌ستاوه‌و، هێزێكی گه‌وره‌ی له‌ سه‌ر سنووری كوبانی و رۆژئاوای كوردستان داناوه‌و، ئه‌و هێزه‌‌ پێكهاتووه له‌ تۆپ و تانك و كه‌ره‌سه‌ی مودێرنی‌ سه‌ربازی.

توركیای ره‌گه‌زپه‌رست هه‌رچی فرت و فێڵ هه‌یه‌ بۆ ئه‌وه‌ی دوور بێت له‌ وڵاتانی هاوپه‌یمانێتی نێوده‌وڵه‌تی كردی و، ئێستا جگه‌ له‌ سه‌ر شۆری و شه‌رمه‌زاری هیچی بۆ نه‌ماوه‌ته‌وه‌و بیكات و، زۆر به‌ ئاشكراو به‌ روونی ده‌ركه‌وت سه‌رگه‌رمانه‌ لایه‌نگیری تاقمی درنده‌و سه‌رلێشێواوی خه‌لافه‌تی خه‌ڵه‌فاوی ئیسلامه‌كه‌ی داعشه‌.

رژێمی توركیای فاشست به‌ به‌ر چاوی دونیاوه‌ پاڵپشتی راسته‌وخۆی ده‌وڵه‌تی ئیسلامی دوواكه‌وتوو(داعش) ئه‌كات‌و چه‌كی سووك و قورس له‌ تۆپ و تانكی ئه‌داتی بۆ ئه‌وه‌ی له‌ چه‌ندین لاوه‌ هێرش و په‌لاماری به‌رفراوان بۆ سه‌ر شاری خۆراگری {كۆبانی} ی رۆژئاوای كوردستان كه‌ له‌ هه‌موو لایه‌كه‌و ئابڵوقه‌ دراوه‌ بكات و، ئه‌م كاره‌ قیزه‌وه‌نه‌ی چه‌ته‌كانی داعش بووه‌ته‌ مایه‌ی ئاواره‌بوونی هه‌زاران كه‌سی سڤیلی بێتاوان و، باری شاره‌كه‌ زۆر ئاڵۆزه‌و ئه‌گه‌ر ئه‌و تاقمه‌ خوێنرێژه‌ سه‌ربكه‌وێت ئه‌وا شه‌نگاڵی نوێ دروست ئه‌بێته‌وه‌و سیاسه‌تی قه‌لاچۆكردن و پاكتاوكردنی ره‌گه‌زی له‌ دژی رۆڵه‌كانی گه‌ل په‌یره‌و ئه‌كه‌ن.

رژێمی توركیای كۆنه‌په‌رست بۆ خۆپاراستن و به‌رگریكردن په‌نا ئه‌باته‌ به‌ر درۆو، ئەوە رەتدەكاتەوە كە هاوكاری داعشی كردبێت و ئێستاش هاوكاری بكات و، له‌ به‌رامبه‌ر ئه‌و تومه‌تانه‌و بۆ چه‌واشه‌كردنی خه‌ڵك و وڵاتان ئه‌گه‌رێته‌وه‌ بۆ دوواوه‌و، ئه‌ڵێ كاتی خۆی ئەمریكا و وڵاتانی تر لە رێگەی توركیاوە هاوكاری هێزەكانی ئۆپۆزیسیۆنی سووریایان كردووه‌،  لەوانەش چەك دراوەتە جەبهەتولنوسرە، كە دواتر ئەمریكا خستییە لیستی تیرۆرەوەو، داعش وەك بەشێكی جیابووەوە لە جەبهەتولنوسرەو، هەروەها رژێمی توركیا ئه‌ڵێ ئێمه‌ رووبەڕووی داعش ئه‌بینه‌وه‌و هاوكاری ناكەین.

له‌ به‌رامبه‌ر درۆو پاكانه‌ی رژێمی توركیا جۆن بایدن جێگری سه‌روكی ئه‌مریكا ئاشکرای کرد تیرۆریستانی ناو سوریا بە ئەندامانی داعش و جەبهەی ئه‌لنوسرەشەوە، لەلایەن ئەو دەوڵەتانەوە هاوکاریی کراون کە بە هاوپەیمانی ئەمریکا لە ناوچەکەدا ئەژمار ئه‌کرێن و، هه‌روه‌ها وتی: کێشەی گه‌وره‌ی ئێمە هاوپەیمانەکانمانن لە ناوچەکەدا، تورکەکان کە هاوڕێی باشن و هەروەها سعودییەکان و ئیماراتییەکان و دەوڵەتانی دیکەش بەڵام چییان کرد؟، ئه‌وانسەدان ملیۆن دۆلار و سەدان تەن چەک و تەقەمەنییان بەو دوو گروپه تیرۆریستییه‌‌دا.

هه‌ر له‌ میانه‌ی یارمه‌تیدانی چه‌ته‌كانی داعش جۆن کیری وەزیری دەرەوەی ئەمریکا بە ئاشکرا تورکیای تۆمەتبار کرد بەوەی هاوکاریی داعش و گروپە توندره‌وو تەکفیرییەکانی کردوەو، وه‌زاره‌تی ده‌ره‌وه‌ی به‌ریتانیا ئه‌ڵێ توركیا به‌رامبه‌ر ئازادكردنی دیپلۆماته‌كانی گوایه‌ به‌ بارمته‌ گیرابوون له‌ لایه‌ن داعشه‌وه ‌چه‌ندین توندره‌و جیهادی ئه‌و گروپه‌ی به‌ره‌ڵا كردووه‌و رێگه‌ی پێداون بگه‌رێنه‌وه‌ ناو داعش و، ئه‌وه‌ش به‌ بێ شك گومانێكی تر ئه‌خاته‌ پاڵ توركیاوه‌.

كلاودیا رۆس، جێگری سەرۆكی پەرلەمانی ئەڵمانیا كە بۆ بینینی پەنابەرانی كوردی شنگال و كۆبانێ چووبووە توركیا و باكووری كوردستان، بە تووندی رەخنەی لە حكومەتی توركیا گرت و، بە پشتیوانیكردن لە داعش تۆمەتباری كردو، وتی ئه‌م وڵاته‌ سیاسەتێكی ناشیرین بەڕێوە ئه‌بات و، به‌ ئاشكه‌را پشتیوانی داعش ئه‌كات و رۆژی ئەوە هاتووە ناتۆ بە توركیا بڵێت : ئیدی بەسەو، پێشتر كاتیا كیپینك سه‌رۆكی پارتی چه‌پی ئه‌ڵمانیا توركیای تومه‌تبار كرد به‌وه‌ی كه‌ له‌ مێژه‌وه‌ یارمه‌تی داعش ئه‌دات له‌ پێناو كپ كردنی ده‌نگی كوردان.

ئه‌مریكاو و بریتانیاو وڵاتانی ترو، پارت و رێكخراوه‌كانی مافی مرۆڤ و كۆمه‌ڵگه‌ی نیوده‌وڵه‌تی رژێمی توركیای فاشستی به‌ یارمه‌تیدانی رێكخراوی چه‌ته‌كانی داعش تاوانبار ئه‌كه‌ن له‌ رووی چه‌ك و ته‌قه‌مه‌نی و تفاقی شه‌رو تۆپ و تانك و هه‌موو كه‌ره‌سته‌یه‌كی لۆجیستی و ئه‌وانه‌ی دێنه‌ توركیا له‌ پاش مه‌شق و راهێنان و ئاماده‌كردنیان ره‌وانه‌ی عێراق و سوریا ئه‌كرێن و، هه‌ر به‌و جۆره‌ برینداره‌كانی داعش له‌ خه‌سه‌خانه‌كانی توركیا تیمار ئه‌كرین و، بۆ نموونه‌
نزیكەی 180 چەكداری داعش كە لە هێرشە ئاسمانییەكانی داعشدا برینداربوون، لە نەخۆشخانەكانی توركیا      چارە سە ركراون.

 

سەرۆك كۆماری تیرۆریستی توركیا ره‌جه‌ب ته‌یب ئه‌ردۆگانی رووره‌ش له‌م دووایه‌دا چه‌ندین كه‌ره‌ت وتوویه‌تی جیاوازی له‌ نێوان په‌ كه‌ كه‌و داعش نییه‌و، له‌م رۆژانه‌شدا جارێكی دیكە وراوه‌كانی دووبارەكردەوە كە جیاوازی لە نێوان داعش و پەكەكە ناكات و، نێوبراو وتی ئەمەوێت جارێكی دیكە ئەوە بڵێمەوە، كە توركیا چۆن دژایەتی رێكخراوی تیرۆرستی داعش دەكات، بە هەمانشێوە لە دژی رێكخراوی تیرۆرستی په‌ كه‌ كه‌یه‌.

سه‌باره‌ت به‌ به‌رخودانی {كۆبانی} وه‌ك هه‌موو ناحه‌زان و كه‌سانی نامه‌ردو دوژمنانی كوردو كوردستان ره‌جه‌ب ته‌یب ئه‌ردۆگانی تیرۆریست وتی كۆبانی نزیكه‌ له‌ كه‌وتن و، ئه‌وكاته‌ی بكه‌وێت بیر ئه‌كه‌ینه‌وه‌ چۆن بچینه‌ پێشه‌وه‌.

ئه‌مرۆ {25} رۆژه‌ خه‌ڵكی به‌ شه‌ره‌فی كۆبانی وتێكۆشه‌ران و شه‌رڤانانی په‌ په‌ ده‌و هێزه‌كانی پاراستنی گه‌ل له‌ به‌رخودان و داستانێكی بێ وێنه‌دا رووبه‌رووی درنده‌ترین شاڵاوی تیرۆریستانی ده‌وڵه‌تی خه‌ڵه‌فاوی خه‌لافه‌تی ئیسلامی (داعش) ئه‌بنه‌وه‌و، نیازی ئه‌و هێزو ده‌وڵه‌تانه‌ش كه‌ چه‌ته‌كانی داعشیان بۆ خواست و مه‌رامی خۆیان به‌كار ئه‌هێناو ئه‌هێنن پوچه‌ڵ ئه‌كه‌نه‌وه‌.

دیاره‌ خه‌ونی ره‌جه‌ب ته‌یب ئه‌ردۆگان و دوسته‌ زه‌لیله‌كانی و هه‌موو تیرۆریستان له‌ به‌رامبه‌ر قاره‌مانێتی شه‌رڤانان و خۆراگری {كۆبانی} نایته‌دی و، سه‌ركه‌وتنی {كۆبانی} ته‌رازووی سه‌نگه‌كان ئه‌گۆرێت و سه‌ری دوژمنان نه‌وێ ئه‌كات و، ئه‌بێته‌ مایه‌ی خۆشی وكامه‌رانی سه‌رجه‌م بزوتنه‌وه‌ی رزگاریخوازی گه‌له‌كه‌مان له‌ كوردستانی گه‌وره‌داو، پێویسته‌ هه‌موومان به‌یه‌ك ده‌نگ له‌ سه‌نگه‌ری پشتیوانی له‌ خۆراگری {كۆبانی} بین و، ئه‌‌بێ كوردان له‌ هه‌ر شوێنێكی‌ جیهان بن بۆ پاراستنی‌ كوبانێ‌ هه‌ر شتێكیان پێئه‌كرێت با هه‌ر ئێستا هه‌نگاوبنێن.

روون و ئاشكرایه‌ توركیای فاشیست یارمه‌تیده‌رو پشتیوانی چه‌ته‌كانی داعشه‌و هه‌موو دونیا ئه‌زانێت، بۆیه‌ ئه‌بێ هه‌ر هه‌موو ئێمه‌ی كوردو دۆسته‌كانمان و ئه‌وانه‌ی پشتگیری له‌ مافی مرۆڤ ئه‌كه‌ن داوا بكه‌ین توركیا وه‌ك وڵاتێكی تیرۆریست بناسن و له‌ رووی سیاسیشه‌وه‌ ترۆی بكه‌ن.

10/10/2014              ئه‌حمه‌د ره‌جه‌ب

 

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

ده‌مێكه‌ به‌رپرسانی كوردستان به‌ هه‌موو ره‌نگه‌كانیانه‌وه‌ تووشی سه‌ركێشی و خۆ بایی و خۆ به‌زل زانین بوونه‌و گوێ له‌ خواست و داواكانی گه‌ل ناگرن و به‌ ئاره‌ززی خۆیان سه‌ره‌رای هه‌ڵبژاردن و بوونی په‌رله‌مان نه‌خشه‌و پلان دائه‌نێن و سیاسه‌تی وڵات دائه‌رێژن و زۆر كه‌ره‌ت دووچاری دڵه‌راوكی و په‌له‌په‌ل ئه‌بنه‌وه‌و لێدوانی سه‌یر سه‌یر رائه‌گه‌یێنن و ‌پاشان له‌ بری سه‌ربه‌رزی و راستگۆیی تووشی ریسوایی ئه‌بنه‌وه‌.

سیاسه‌ت له‌ جیهانی ئه‌مرۆدا گۆراوه‌و زۆر له‌ وڵاته‌ بچكۆله‌كان خۆیان له‌ گه‌ڵ وڵاته‌ گه‌وره‌كان گرێداوه‌و، كوردستانیش وه‌ك وڵاتێكی دابه‌شكراو به‌ سه‌ر وڵاتانی ترداو له‌ رێی خه‌بات و تێكۆشانی بێوچان هه‌وڵی گۆرانكاری داوه‌‌و، هه‌زاران رۆڵه‌ی به‌ ئه‌مه‌كی بوونه‌ته‌ قوربانی و خوێنی ئاڵیان به‌خشیوه‌ له‌ پێناو ئازادی و سه‌رفه‌رازیدا.

هه‌رێمی كوردستان به‌ زۆر لكێنراو به‌ عێراق وه‌ك به‌شێك له‌ كوردستانی گه‌وره‌ بێبه‌ش نه‌بووه‌ له‌ خه‌بات و تێكۆشان و. رۆڵێكی سه‌ره‌كی بینیوه‌و‌، به‌ خوێنی لاوه‌كانی ئه‌و خه‌بات و تێكۆشانه‌ی هه‌میشه‌ جۆشداوه‌و په‌ره‌ی سه‌ندووه‌و، به‌ره‌نگاری دوژمنان و تۆپ و تانك و فروكه‌و چه‌كی كیمیاوی بووه‌ته‌وه‌و، قه‌ت سه‌ری نه‌وی نه‌كردووه، بۆیه ئه‌م هه‌رێمه‌‌ گه‌راوه‌و ئه‌گه‌رێت به‌ دووای هه‌موو هه‌ل و مه‌رجێك و بارودۆخێك بیقۆزێته‌وه‌و بتوانێت له‌و سونگه‌یه‌وه‌ په‌یوه‌ندییه‌كی توكمه‌و به‌هێز له‌ رووی سیاسی و ئابووری و كۆمه‌ڵایه‌تی له‌ گه‌ڵ وڵاتاتی مرۆڤدۆست و دیموكراسی و خاوه‌ن ئه‌زمون وه‌ك وڵاتانی ئه‌وروپا دروست بكات.

به‌رپرسه‌كانی كوردستان به‌ پێچه‌وانه‌ی خواستی گه‌ل خۆیان خستوه‌ته‌ بنده‌ستی ئه‌و وڵاتانه‌ كه‌ كوردستان له‌ بنده‌ستیانه‌و، رۆژێك له‌ رۆژان به‌رنگاری كاره‌ پۆخڵاواته‌كانیان نه‌بوونه‌ته‌وه‌و به‌رامبه‌ریان نه‌وه‌ستاون، وه‌ك تۆپبارانی ناوچه‌كان و ئاو برین و، ده‌ستتێوه‌ردان له‌ كاروباری رۆژانه‌ی ناوخۆو، زۆر گوێ رایه‌ڵن بۆ ئامۆژگارییه‌كانیان و، جێبه‌جێ كردنی نه‌خشه‌ گڵاوه‌كانیان و، تا ئێستا سوپای هه‌تیوه‌كانی ئه‌تاتورك له‌ چه‌ندین ناوچه‌ی پارێزگای دهۆك‌ بوونیان هه‌یه‌و، له‌ به‌رژه‌وه‌ندی كورد كوردستانه خاكه‌كه‌مان به‌جێبێڵن و، به‌پێچه‌وانه‌شه‌وه‌ ئه‌بێ سه‌ركردایه‌تی هه‌رێم و حكومه‌ت هه‌ڵوێست وه‌ربگرن.

‌پێشوازی كردن له‌ دوژمنانی كه‌لی كوردستان جێی شه‌رمه‌زارییه‌و كارێكی قیزه‌وه‌نه‌و، به‌رپرسانی كوردستان له‌ مێژه‌وه‌ داڵده‌ی به‌عسییه‌ بیفه‌رو گومراكان و عه‌ره‌به‌ ترسنۆكه‌كان به‌ ناو ""شورشگێرانی عه‌شایه‌ر"" ئه‌ده‌ن و، به‌ جوانی خزمه‌تیان ئه‌كه‌ن و به‌باشی ئه‌یانپارێزن و، پرۆسه‌ی ئه‌نفالی چه‌په‌ڵ و سه‌رنگون كردنی هه‌زاران هه‌زار له‌ مناڵ و ژن و پیروپه‌ككه‌وته‌و خه‌ڵكی سڤیلی كوردستان و خاپور كردنی هه‌ڵه‌بجه‌و زیاتر له‌ چوار هه‌زارو چوار سه‌د گوندو ئاوایی و شاروچكه‌و درنده‌یی رژێمه‌ خوێنمژه‌كه‌ی سه‌دام حسه‌ینیان له‌ بیر نه‌ماوه. ‌

حكومه‌ته‌كانی پاش نه‌مانی رژێمه‌كه‌ی حزبی به‌عسی عه‌ره‌بی له‌ سه‌ر بنه‌مای تایفه‌گه‌ری و رێكه‌وتنی (ته‌وافق) ی سیاسی پێكهێنراون و، ئه‌م جۆره‌ حكومه‌تانه‌ به‌ هیچ شێوه‌یه‌ك سه‌ركه‌وتوو نابن و، له‌م رۆژانه‌شداو پاش ئه‌وه‌ی پۆسته‌كه‌ی نوری المالكی بۆ جاری سێیه‌م نوێ نه‌كرایه‌وه‌، به‌رێز سه‌روكی كۆمار فۆئاد مه‌عسوم حه‌یده‌ر ئه‌لعه‌بادی راسپارد بۆ دامه‌زراندنی حكومه‌تێكی نوێ و، وا دیاره‌ دابه‌شكردنی پۆسته‌كان له‌م حكومه‌ته‌ نوێیه‌شدا هه‌ر له‌سه‌ر هه‌مان قه‌وان به‌رێوه‌ ئه‌چێت و، له‌ سه‌ر بنه‌مای حزبی و سیاسی و تایفه‌گه‌ری ئه‌بێت و، دوور له‌ ده‌ستپاكی و تواناو لێهاتوویی و، دووریش نییه‌ له‌ حكومه‌ته‌كانی پێشوو خراپتر بێت به‌ هوێ ده‌ستێوه‌ردانی سعودییه‌و ئێران و توركیاو ئه‌مریكا.

ئه‌وه‌ی سه‌یره‌و له‌ هه‌مان كاتیشدا زۆر تاڵه‌ زۆر لایه‌ن به‌ ناوی حكومه‌تی بنكه‌ فراوان و (شه‌راكه‌ت) پشتگیری حزبی به‌عسی عه‌ره‌بی و به‌عسییه‌كانی رژێمه‌ دكتاتۆرییه‌كه‌ی سه‌دام حسه‌ین ئه‌كه‌ن و، كوردیش له‌ رێی به‌رپرسانه‌وه‌ له‌و كاره‌ گڵاوه‌ شان به‌ شان هه‌تیوه‌كانی ئه‌تاتورك و ئه‌مریكا پشكیان هه‌یه‌و بێبه‌ش نین.

ئه‌مریكا سه‌ر له‌ نوێ و ئه‌مجاره‌یان به‌ناوی سوننه‌وه‌ هه‌وڵ ئه‌دات به‌عسییه‌كان ‌بگه‌رێنه‌وه‌ بۆ ده‌سه‌ڵاتی عێراق و، هه‌روا هه‌وڵیش ئه‌دات ئه‌وانه‌ی له‌ لایه‌ن دادگاكانه‌وه‌ به‌ تومه‌تی كوشتن و ته‌قینه‌وه‌ داوا كراون بگه‌رێنه‌وه‌و، داشیان سواره‌و ده‌رگای گه‌رانه‌وه‌یان واڵایه‌و، دوور نییه‌ پیاوانی به‌عس طارق عه‌زیزو سلطان هاشم به‌ره‌ڵا بكرێن. .

به‌ گه‌رانه‌وه‌ی حزبی به‌عسی خوێنرێژو یارمه‌تیدانی ئه‌مریكا و سه‌روك په‌رله‌مانی عێراق سه‌لیم ئه‌لجبوری كه‌ خۆشی به‌ (10) ده‌ تومه‌ت تاوانباره‌ باری گه‌لی كوردستان قورستر ئه‌بێت و، هه‌رچی له‌م دوواییه‌دا له‌ عێراق روویداوه‌ به‌ هوێ به‌عسییه‌كان و ئیخوان ئه‌لموسلمین بووه‌ ته‌نانه‌ت گرتنی شاری موسل له‌ لایه‌ن داعشه‌وه‌ هۆكاره‌كه‌ی ئه‌گه‌رێته‌وه‌ بۆ سه‌ردانه‌كه‌ی ئوسامه‌ ئه‌لنوجه‌یفی "سه‌رۆك په‌رله‌مانی عێراق" و ئه‌یاد ئه‌لسامه‌رائی سه‌رۆكی حزبی ئیسلامی عێراق بۆ توركیاو چاوپێكه‌وتن و گفتگۆ كردن له‌ گه‌ڵ ترسنۆكی هه‌ڵاتوو طارق ئه‌لهاشمی و نه‌خشه‌دانان بۆ ئه‌و كاره‌ تێرۆریستییه‌و جێبه‌جێ كردنی له‌ لایه‌ن هێزه‌ گومراكه‌ی داعشه‌وه‌‌ به‌ پشتیوانی توركیاوه‌.

به‌رپرسانی كورد خۆیان به‌ بچوك ئه‌زانن به‌رامبه‌ر به‌ دوژمنان و كه‌سانی ترو، و هه‌ر خۆشیان بت بۆ خۆیان دروست ئه‌كه‌ن و، پاشان ئه‌و بتانه‌ ئه‌بنه‌ مۆته‌كه‌ له‌‌ سه‌ر دڵی خه‌ڵكی بێتاوانی گه‌له‌كه‌مان، بۆ نموونه‌ كابرایه‌كی كاڵفامی ده‌به‌نگ و گه‌لحۆ وه‌ك هادی ئه‌لعامری به‌ناو فه‌رمانده‌ی به‌در كێیه‌ بایه‌خی پێبدرێت؟.

هێزی به‌در له‌لایه‌ن رژێمی ئێرانه‌وه‌ له‌ كاتی جه‌نگی عێراق – ئێران دروستكراو هادی ئه‌لعامری كرا به‌ سه‌رۆكی ئه‌و هێزه‌و، بوو به‌‌ دانیشتووی ئێران و قه‌ت نه‌ خۆی و نه‌ هێزه‌كه‌ی خاكی عێراقیان به‌ چاو نه‌دیوه‌ ته‌نها دوو جار نه‌بێت هاتووه‌ته‌ كوردستان، یه‌كه‌میان له‌ كاتی پروسه‌ چه‌په‌ڵه‌كانی ئه‌نفالی به‌دناو بۆ دوو رۆژ هاتنه‌ ده‌وروبه‌ری چرچه‌قه‌لا له‌ نزیك ده‌ربه‌ندیخان و، دووه‌میان له‌ كاتێ رژێمه‌كه‌ی سه‌دام حسه‌ین رووخا هاتنه‌ دێ حه‌سار له‌ هورین وشیخانی خانه‌قین كه‌ دوو سێ كیلومه‌تر له‌ سنووری ئێرانه‌وه‌ دووره‌و، كه‌س نه‌چوو به‌ پیریانه‌وه‌و، ناوچه‌كه‌یان به‌جێهێشت و، گه‌رانه‌وه‌ بۆ ئێران و، له‌ پاش نه‌مانی رژێمی دیكتاتۆری عێراق به‌ده‌ر له‌ به‌غدا گردبوونه‌وه‌یه‌كی ئه‌نجامداو، یه‌كێك له‌ به‌رپرسانی كوردستان ووتاری خوێنده‌وه‌و باسی ئازایه‌تی و خه‌باتی به‌دریان كردو، هه‌موو قسه‌كانی دوور بوون له‌ راستی (نه‌ خه‌بات و نه‌ ته‌ره‌ماش) و، ته‌نها بۆ ئارایش كردن و رازی بوونیان بوو، نه‌وه‌ك دڵگران بن!.

له‌ رۆژی ئازاد كردنی شارۆچكه‌ی ئامرلی سه‌ر به‌ قه‌زای خورماتوو له‌لایه‌ن هیزی پێشمه‌رگه‌ی كوردستان و هێزێكی شیعه‌ به‌ناو (الحشد الشعبی) به‌ سه‌رۆكایه‌تی هادی ئه‌لعامری، هه‌ر خودی ئه‌م كابرایه‌ سوپاسی رۆڵی پێشمه‌رگه‌ی كردو، به‌ڵام له‌ هه‌مووی سه‌یرتر رۆژێك له‌ پاش ئه‌و پیاهه‌ڵدان و باس كردنی رۆڵی پێشمه‌رگه‌و له‌ كونفرانسێكی رۆژنامه‌وانی له‌ كه‌ركوك و، به‌ ئاماده‌ بوونی پارێزگار نه‌جمه‌دین كه‌ریم، هادی العامری كه‌وته‌ هه‌ره‌شه‌و گوره‌شه‌ دژ به‌ پێشمه‌رگه‌ و وتی: نابێت له‌م شاره‌و له‌و شوێنانه‌ی "سوپا" ی عێراق چۆڵی كردوه‌و به‌ جێیهێشتووه‌ پێشمه‌رگه‌ی لێبێت و، هه‌روا هه‌ندێ وراوه‌ی تری كرد. .

‌به‌ هۆێ بارودۆخی عێراق و گرتنی شه‌نگاڵ و زوممار له‌ لایه‌ن هێزه‌ ره‌شه‌كانی ده‌وڵه‌تی ئێسلامییه‌وه‌ (داعش) خه‌ڵك به‌ لێشاو هه‌ڵهاتوون و، پێویسته‌ ده‌زگای ئاسایش له‌ كوردستان زۆر وریا بن، چونكه‌ بمانه‌وێ یان نه‌مانه‌وێ ده‌یان و سه‌دان و زیاتر كه‌سانی خراپ و تێرۆریست و به‌عسی و كه‌سانی رژێمی پێشووی عێراق هاتوونه‌ته‌ كوردستان و، وه‌ك له‌ میدیاو ته‌له‌فزیۆنه‌كان بڵاو كرایه‌وه‌ برایه‌كی عه‌لی حه‌سه‌ن ئه‌لمه‌جید (عه‌لی كیمیاوی) و خۆشكه‌زاێێكی به‌ دزه‌ گه‌یشتبوونه‌ سلێمانی و خۆشبه‌ختانه‌ كاتێ ویستیان له‌ فرۆگه‌خانه‌ی سلێمانییه‌وه‌ هه‌ڵبێن له‌ لایه‌ن ئاسایشه‌وه‌ گیران.

ئێمه‌ی كورد خۆمان ئاماد كردووه‌ گوێمان له‌ هه‌واڵی خۆش بێت و جاری سه‌ربه‌خۆیی ببستین و، به‌رپرسان و خودی به‌رێز مه‌سعود بارزانی ووتیان ئیتر ماده‌ی 140 نه‌ماوه‌، چی دوێنی به‌رێز دكتۆر محه‌مه‌د ئیحسان سه‌رۆكی‌ ده‌سته‌ی‌ گشتی‌ ""ناوچه‌ كوردستانیه‌كانی‌ ده‌ره‌وه‌ی‌ هه‌رێم"" ئه‌ڵێـت: بۆ ئه‌وه‌ی بتوانین ماده‌ی 140 جێبه‌جێ بكه‌ین، ئه‌بێ ده‌ست له‌ هه‌ندی خاكی كوردستان هه‌ڵبگرین، ئه‌م بۆچوونه‌ی به‌رێزیان له‌ كه‌ناڵی ""رووداو"" بڵاو كرایه‌وه‌و، ئه‌گه‌ر ئه‌م هه‌واڵه‌ راست بێت، ئه‌بێته‌ پاساو بۆ قسه‌ی به‌رپرسانی كوردستان كه‌ زۆر به‌ په‌له‌ كه‌وتنه‌ لێدوان له‌ پاش ئه‌وه‌ی سوپای عێراق ناوچه‌ دابراوه‌كانی كوردستانیان به‌جێهێشت.

8/9/2014

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

Go to top