We have 65 guests and no members online

ئومێد پشدەری

به‌ڕێوه‌به‌ری‌ پۆلیسی‌ پارێزگای هه‌ولێر ده‌ڵێت، باندێكی دزی‌‌ و كوشتنیان ده‌ستگیر كردووه‌ كه‌ له‌ چوار كه‌س پێك هاتوون، ئێستایش دووان له‌و گرووپه‌ ده‌ستگیر كراون و دووانه‌كه‌ی‌ دیكه‌یش په‌یوه‌ندییان به‌ تیرۆریستانی داعشه‌وه‌ كردووه‌.

به‌ڕێوه‌به‌ری‌ پۆلیسی‌ پارێزگای هه‌ولێر لیوای مافپه‌روه‌ر (عه‌بدولخالق ته‌ڵعه‌ت) له‌ كۆنگره‌یه‌كی رۆژنامه‌نووسیدا كه‌ سه‌رله‌به‌یانیی ئه‌مڕۆ له‌ هۆبه‌ی ڕاگه‌یاندنی پۆلیس به‌ڕێوه‌ چوو ڕایگه‌یاند، كه‌سێك كه‌ پله‌ی‌ ملازمی‌ یه‌كی‌ له‌ سوپای‌ عێراقدا هه‌بووه‌، به‌ یارمه‌تیی‌ سێ‌ كه‌سی دیكه‌، پێنج تاوانی ئه‌نجام داون كه‌ چواریان دزیكردن بوون له‌ هه‌ولێر و تاوانێكی‌ كوشتنیشیان له‌ دهۆكدا ئه‌نجام داوه‌.

له‌ به‌شێكی دیكه‌ی كۆنگره‌ رۆژنامه‌نووسییه‌كه‌دا، لیوا (عه‌بدولخالق) ئاماژه‌ی دا، "ڕووداوه‌كان به‌م شێوه‌یه‌ بوون، له‌ ڕۆژی‌ (9-9-2013) -دا، تۆمه‌تباری‌ سه‌ره‌كی‌ له‌گه‌ڵ سێ‌ تۆمه‌تباره‌كه‌ی‌ دیكه‌دا هاتوونه‌ته‌ هه‌ولێر و چه‌ند لاپتۆپ‌ و مۆبایلێكیان له‌ پێشانگه‌ی‌ ئۆتۆمبێلدا بردووه‌، له‌ مانگی‌ شوباتی‌ ئه‌مساڵیشدا دزییان له‌ كۆمپانیایه‌ك كردووه‌ كه‌ بڕێك پاره‌ له‌ناو قاسه‌ی‌ كۆمپانیاكه‌دا بووه‌".

ده‌شڵێت، تاوانی‌ سێیه‌م له‌ (5-10-2014) ـدا بووه‌ كه‌ ده‌كاته‌ دووه‌م ڕۆژی‌ جه‌ژن و (20) ملیۆن دینار و (100) مسقاڵ زێریان له‌ ماڵێكدا دزیوه‌، دزیی چواره‌میشیان له‌ ئه‌وانی دیكه‌ جیاواز بووه‌، چونكه‌ له‌گه‌ڵ دزیكردندا به‌ چه‌كوش له‌ ژنی‌ ماڵه‌كه‌یشیان داوه‌.

به‌ڕێوه‌به‌ری‌ پۆلیسی‌ پارێزگای هه‌ولێر، پێوه‌ست به‌و تاوانه‌ی‌ له‌ ئه‌و تۆمه‌تبارانه‌ له‌ دهۆكدا ئه‌نجامیان داوه‌، ڕوونی كرده‌وه‌، تاوانباری‌ سه‌ره‌كی‌ به‌ هاوكاریی‌ سێ‌ تۆمه‌تباره‌كه‌ی‌ دیكه‌، له‌ بازاڕی گۆڕینه‌وه‌ی‌ دراودا چاودێریی‌ كه‌سێكیان كردووه‌ كه‌ (4000) دۆلاریان لێ سه‌ندووه‌ و پاشان كوشتوویانه‌.

 (عه‌بدولخالق ته‌ڵعه‌ت) گوتیشی، ئه‌فسه‌ره‌كه‌ و تۆمه‌تبارێكیان له‌و گرووپه‌ چواركه‌سییه‌ ده‌ستگیر كردوون، دوو تۆمه‌تباره‌كه‌ی‌ دیكه‌یش چوونه‌ته‌وه‌ مووسڵ‌ و په‌یوه‌ندییان به‌ ڕیزه‌كانی‌ داعشه‌وه‌ كردووه‌.

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

 

 

 

 

بەڕێوەبەرایەتیی پۆلیسی پارێزگای هەولێر ڕایدەگەیەنێت، دڵنیایی دەدەنە هاووڵاتیان كە سەر و ماڵیان پارێزراوە و بە توندی ڕووبەڕووی هەر هەوڵێك دەبنەوە كە ئارامیی شار تێك بدات.ئاسایشیش دەڵێت، هەولێر ئارامە و هەوڵە نەزۆكەكان بۆ تێكدانی باری ئەمی، لە پەلۆپۆ دەخرێن.

لیوا (عەبدولخالق تەڵعەت عوسمان) بەڕێوەبەری پۆلیسی پارێزگای هەولێر گوتی: دڵنیایی تەواو دەدەینە هاوشاریان كە ڕەوشی پایتەخت ئارامە و گومان هەڵناگرێت ئەوەی تاوان ئەنجام بدات، بەرەوڕووی لێپێچینەوەی یاسایی دەبێتەوە.

بەڕێوەبەری پۆلیسی پارێزگای هەولێر دەشڵێت، تیرۆریستان لە هەموو بەرەكانەوە شكستیان خواردووە و بەو تەقینەوە بچووكەی هەولێریش كە تەنیا 4 كەس بە سووكی بریندار بوون، سەلماندیان كە لە پاشەكشەی بەردەوامدان و خەڵكی هەولێریش لەوە گەورەترە بە شتێكی ئاوها بچووك چاوترسێن بكرێت.

گوتیشی: ئێستا لە هەموو كات زیاتر دانیشتووانی هەولێر هاوكارمانن و لە بچووكترین حاڵەتی جێی گومانیش، ئاگادار دەكرێینەوە، چونكە هەماهەنگییەكی باش لە نێوان پۆلیسی هەولێر و هانیشتمانیاندا هەیە.

هاوكات بەڕێوەبەری ئاسایشی هەولێر لیوا (تاریق نووری) ڕایگەیاند، هەولێری پایتەخت ئارامە و هەموو هەوڵە نەزۆكەكان بۆ تێكدانی باری ئەمی، لە پەلۆپۆ خراون.

گوتیشی: رێگە نادرێت سەقامگیریی كوردستان تێك بچێت و پۆلیس و ئاسایشی هەولێریش، بە هاوكاریی هاووڵاتیان لەوپەڕی ئامادەباشیدان و خەونی نەزۆكی ناحەزان و تیرۆریستان لە گۆڕ دەنێن.

 

 

 

 

 

 

 

لە چەند رۆژی ڕابردوودا، چەند میدیایەكی كوردی و غەیری كوردیش، بە مەبەست و بێ مەبەست، بڵاویان كردەوە كە كەشتییەكی باركراو بە نەوتی هەرێمی كوردستان، ڕێڕەوی خۆی لە ئەمەریكا دوور خستووەتەوە و ئاڕاستەكەی بەرەو شوێنێكی نادیار گۆڕیوە، بڵاوبوونەوەی ئەم هەواڵە هەم دڵەڕاوكێی بۆ خەڵكی كوردستان لێ كەوتەوە و هەم ناحەزان و دوژمنانیشی دڵخۆش كرد.

ئەوەی جێی هەڵوەستەیە، هەندێك دەزگای میدیایی كوردی ناڕاستەوخۆ كەوتنە ژێر كاریگەریی ئەو لایەنە عێراقی و ناوچەییانەی كار لەسەر لاوازكردنی هەیمەنەی هەرێم و بەهێزكردنی حكوومەتی مەركەزی دەكەن و دژایەتیی خۆیان بۆ فرۆشتنی نەوتی هەرێم بە دەوڵەتانی ناوچەكە و كۆمەڵگای ئەورووپی و ئەمەریكی، ڕاگەیاند.

تەرجەمەكردنی ناشارەزایانەی پرسێكی وا هەستیار بۆ خەڵكی كوردستان كە لە ئاست بەرپرسیارێتیی نیشتمانی و نەتەوەییدا نییە، پتر لە مەغزایەكی هەیە، یان ئەوەتا ئەو میدیا كوردییانە بە ئاماژەی عەرەبە چاوڕەشەكانی عێراق و ئاغا بێ بۆینباغەكانی ئێران هاتوونەتە سەر خەت و ورد و درشتی بەرژەوەندییە نیشتمانی و نەتەوەییەكان دەخەنە ژێر پرسیارەوە، یانیش مەبەست و ئارمانجێكی دیكەی شاراوە لە پشت ماسكەكانەوە هەیە.

ئەوەی كە حاشا هەڵناگرێت، میدیا غەیرە كوردییەكان نەك هەر هیچ بەرژەوەندییەكیان لەم هەرێمەدا نییە، بگرە ئەگەر پیێان بكرێت ڕاست و چەپ، هەرچی دەستكەوتەكانی خەڵكی كوردستان هەیە دەیكەنە قوربانیی مەرامێكی گڵاوی خۆیان و بە ڕاپۆرت و هەواڵە چەواشەكارییەكانیان پاداشتی زۆر لە ئەم و ئەو وەردەگرن، بەڵام ئەوەی پرسیار هەڵدەگرێت ئەوەیە، میدیای كوردی بۆ دەبێ بخزێتە ناو شەڕی دەستەویەخە لەگەڵ چارەنووس و دواڕۆژی گەلێكی خاوەنماف و بەشخوراو! بە راستی ئەو دەزگا میدیاییانە هەست ناكەن بە دژایەتیكردنی فرۆشتنی نەوت و سەربەخۆیی دارایی هەرێمی كوردستان، بەرژەوەندیی تەسكی ئەوانیش دەكەوێتە مەترسییەوە؟

ماوەتەوە بڵێین، دواجار ئەو نەوتەی هەناردە كراوە، هەمووی فرۆشراوە، ئەگەر قسەیەكی دیكەتان بۆ گوتن نییە، تكایە بێدەنگ بن.

هاوپێچ: لینكی هەواڵێك

http://kdp.info/a/d.aspx?l=13&a=65239

 

 

 

 

 

 

گومان هەڵناگرێت یەكێتیی نیشتمانیی كوردستان، بە درێژایی مێژووی بزاڤی رزگاریخوازیی گەلی كورد، وەك حزبێكی خاوەن پێگە و جەماوەر، رۆڵی كارا و بەرچاوی لە شۆڕشە یەك لە دوای یەكەكانی گەلی كوردستان و سەرخستنیاندا هەبووە و لەو پێناوەیشدا هەزاران قوربانیی بەخشیوە و دەیان سەروەریی تۆمار كردووە، نەك هەر ئەوە، بگرە یەكێتیی نیشتمانی لە گەڕاندنەوەی هەیبەت و متمانە و كەرامەت بۆ تاكی كورد لە باشوور، هاوشانی حزبە كوردییەكانی دیكە رووبەڕووی نەیار و دوژمنانی خەڵكی كوردستان بووەتەوە و دەوری زۆر ئەكتیڤیشی لەم ڕووەوە هەبووە كە هەرگیز حاشایی لێ ناكرێت، بەڵام جێی داخە كە چەند رۆژێكە لە گوتار و لێدوانەكانی چەند كەسێكی كاربەدەست و باڵادەستی ئەو حزبەدا، كە دڵنیام دەمڕاستی هەموو یەكێتییەكان نین و لە پەنجەی دەستێك تێپەڕ ناكەن، بە ئاشكرا دژایەتیی ریفراندۆم و سەربەخۆیی كوردستان دەبینرێت و بە پاساوی بێبنەما، ڕاگەیاندنی دەوڵەتی كوردی و لێكەوتەكانی بە هەڵە لێك دەدرێتەوە.

ئەوەی قسە هەڵدەگرێت، ڕەنگە (هەموو) ئامادەسازییەك بۆ ڕاگەیاندنی دەوڵەتی سەربەخۆی كوردی نەكرابێت و هێشتا پێویستمان بە تێپەڕاندنی چەند هەنگاوێكی دیكەی كورت مابێت، لێ ئاماژەكان دڵخۆشكەرن بەو پێیەی پشتگیریی نێودەوڵەتیمان هەیە و تەنانەت ئەوانەیش كە پشتیوانمان نین، دژمان ناوەستنەوە، بۆیە دەشێ هەرچی زووتر زەمینە بۆ ئەو مەبەستە خۆش بكرێت، چونكە وەك ئاشكرایە بە درێژایی 100 ساڵی ڕابردوو كورد هەلێكی ئاوا زێڕینی بۆ سەربەخۆیی و ڕزگاربوون لە دەسەڵاتە سەركوتكەرەكانی بەغدا بۆ نەهاتووەتە پێش.

دواجار ماوەتەوە بگوترێت، یەكێتییە كوردپەروەر و شۆڕشگێڕ، نیشتماندۆست و هەڵگرانی ئاڵای ئازادی و سەربەخۆیی، كە پەیامی دوێنێ و ئەمڕۆشیانە، بڕیار لای خۆیانە و دڵنیام هەرگیز بۆ بڕیاری هەندێك كەس ناگەڕێنەوە كە پلەوپایە و پۆست و بەرژەوەندیی تایبەتیان، خستووەتە پێش هەموو بەرژەوەندییەكەوە.

بەرەو سەربەخۆیی یەكجارەكی...

 

 

 

 

 ئایا لە هەرێمی كوردستاندا میدیا بە گشتی تا چەند توانیویەتی لە كاتی خۆپیشاندانەكاندا هاوسەنگی و پیشەییبوون بپارێزێت و خۆپیشاندانەكان بۆ مەبەستی تایبەت نەقۆزێتەوە؟ ئایا پۆلیسی چالاكییە مەدەنییەكان لە هەرێم ئەركی سەر شانی وەك خۆی ڕاپەڕاندووە، یانیش كەوتووەتە ژێر كاریگەریی دەزگاكانی حزب و بەرپرسانی هێزە ئەمنییەكانەوە؟ نووسەر و رۆژنامەنووسان و چالاكوانانی كۆمەڵگای مەدەنی، بە ڕاشكاوی وەڵامی ئەو پرسیارانە دەدەنەوە.

هێمن ساڵح رۆژنامەوان و بەڕێوەبەری نووسینی هەفتەنامەی (باس) لەسەر ئەو باوەڕەیە كە ئەوەی تاوەكو ئێستا تێبینی كرابێت هەم رۆژنامەنووسان و هەم پۆلیسی چالاكییە مەدەنییەكان لە ئاستێكی باشی راهێنراوی كۆمەڵگەی مەدەنیدا نەبوون و رەفتاریان نەكردووە.رۆژنامەنووسان زۆر جار خۆیان بوون بە بەشێك لە خۆپیشاندەران و پۆلیسی چالاكییە مەدەنییەكانیش بوون بە بەشێك لەو دەسەڵاتەی كە خۆپیشاندان بە قازانجی نەبووە، واتە رۆژنامەنووسان نەیانتوانیوە لە ئاستی بێلایەنانە و پیشەییانە خۆپیشاندانەكان بۆ رای گشتی بگوازنەوە، بەڵكو خۆیان بوون بە بەشێك لەو ئاپۆرا جەماوەری و دەستە جەمعییەی كە بە هەر هۆكارێك رژاوەتە سەر شەقام، لەلایەكی دیكەشەوە پۆلیسی چالاكییە مەدەنییەكان خۆپیشاندەرانیان بە بەشێك لە ئاراستە و جەمسەری جیاواز لە خۆیان بینیوە و پێیان وابووە ئەوان بۆ دژی ئەوان هاتوونەتە سەرشەقام و لەلایەكی دیكەش ئەركیان بۆ زیاد كردوون، لەبەر ئەوە زۆر گرنگە كە بتوانرێت هەم رۆژنامەنووسان ئەركە راستەقینەكەی خۆیان لە كاتی خۆپیشاندانەكان ئەنجام بدەن و هەست بە بەرپرسراوێتی بكەن لە بەرامبەر گەیاندنی زانیارییەكانی خۆپیشاندانەكان بۆ رای گشتی، هەم پۆلیسی چالاكییە مەدەنییەكان پاراستنی گیانی خۆپیشاندەران و رۆژنامەنووسان و دامەزراوە كۆمەڵایەتی و حكوومییەكان بپارێزن و جیاوازی لە نێوان هیچ كام لەو سێ جەمسەرەی خۆپیشاندان كە هاووڵاتی و رۆژنامەنووس و دام و دەزگەكانە نەكەن.هێمن ساڵح پێی وایە: هەڵبەتە ئەوەش وا ئاسان نییە و پێویستی بە توێژینەوەی زانستیانە هەیە كە بتوانرێت هەم رۆژنەمەنووسان وا ئاڕاستە بكات و هەم پۆلیسی چالاكییە مەدەنییەكانیش.

هەڵوێست میرانی رۆژنامەنووس و قوتابیی زانكۆ دەڵێت: بە گشتی مێدیای كوردی هەنگاوی باشی بەرەو پێشەوە ناوە، بەڵام لە زۆر ڕووەوە كەموكوڕی هەیە, ئەو كەموكوڕیانەش لە مێدیای حزبیدا بە زەقی بە دیار دەكەوێ, بۆ نموونە مێدیای حزبی لە كاتی تەنگژەكاندا رۆڵێكی پۆزەتیڤانەی نەگێڕاوە، بەداخەوە لە ئاست ناو و كارەكەیدا نەبووە.تەواوی مێدیای حزبەكان بە ئاراستەی بەرژەوەندیی حزبەكانیان كار دەكە, دەبینین هەر گردبوونەوە و خۆپیشانداێك گەر لە بەرژوەندیی حزبێك نەبێت یاخود دژی حزبەكە بێت راگەیاندنی ئەو حزبە لە شوێنەكە ئامادە نابێت، یان هەوڵ دەدات خۆپیشاندانەكە لەبەر چاوی بینەران و خوێنەران ناشیرین دەكات.

میرانی گوتیشی: ئەوەی ئومێدمان پێی هەبوو مێدیای ئەهلی بوو كە پیشەییانە كار بكات و رووداوەكان وەكو خۆی بگەیەنێتە خەڵك، بەڵام بەشێك لە مێدیای ئەهلیش ئاڕاستە كراون یاخود بڵێین مێدیای سێبەرن.بەشێكیان عاقدن لە كاركردن و ئامانجیان تەنها ناشیرینكردنی  گرووپ و حزبێك یاخود چەند كەسایەتییەكە, ئەمەش  دوورە لە ئیتیكی رۆژنامەوانی...

هەڵوێست ئەوەش دەخاتە ڕوو: ئەوەی پەیوەندی بە پۆلیسی چالاكییە مەدەنییەكانەوە هەیە لە هەموو وڵاتان كاری ئەو پۆلیسانە پاراستی دامودەزگاكان و موڵك و ماڵی خەڵكە لە خۆپیشاندەران, ئەوان هێزێكی تایبەتن بە خۆپیشاندان و چالاكییە مەدەنییەكان.بە گشتی لە هەرێمی كوردستان رۆڵی پۆلیسی چالاكییە مەدەنییەكان رۆڵێكی ئیجابی بووە، بەڵام ئەوەی تێبینی لە سەرە بەكارهێنانی هێزەكانی ترە لە كاتی خۆپیشانداندا، ئەمەش كارێكی نایاساییە.بینیمان لە رابردوودا زۆربەی خۆپیشاندانەكان لە لایەن هێزەكانی ترەوە كپ كراون و كۆتاییان پێ هێنراوە.بۆ ئەوەی  لە رووی شارستانییەوە هەرێمەكەمان شارستانیانەتر دەركەوێ دەبێ ئەو هێزەی مامەڵە لەگەڵ خۆپیشاندەران دەكات تەنها هێزی چالاكییە مەدەنییەكان بێت و هێزەكانی تر لەو كاتانەدا بە كار نەهێنرێن.

كەمال چۆمانی رۆژنامەنووس بڕوای وایە: میدیا بە گشتی نەیتوانیوە خۆپیشاندان و چالاكییە مەدەنییەكان وەك خۆی بگوازێتەوە بە هۆی دابەشبوونی میدیا بەسەر هێز و لایەنە سیاسییەكان و كەسایەتییە سیاسییەكاندا.هەر خۆپیشاندانێك لە كوردستان، هێزێك بە دژی خۆی و هێزێكیش لە بەرژەوەندیی خۆی بینیوە، میدیاش بە هەمان جۆر مامەڵەی لەگەڵ كردووە.ئەگەر خۆپیشاندانێك دژ بە یەكێتیی بووبێ لە سلێمانی، ئەوا میدیای پارتی و میدیای سێبەری پارتی زۆر خراپ ئەو خۆپیشاندانەیان گواستۆتەوە، لە بەرانبەردا، میدیای یەكێتی و میدیای سێبەری یەكێتی، هەمان شتی كردووە.میدیای ئۆپۆزسیۆن و میدیای ئەهلی، تا رادەیەك باشتر بوون و توانیویانە پیشەییانە خۆپیشاندانەكان بگوازنەوە.

چۆمانی هەروەها بۆچوونیشی وایە: پۆلیسی چالاكییە مەدەنییەكان تا رادەیەكی باش توانیویەتی ئەركی خۆی رابپەڕێنێ، بەڵام بە هۆی كاریگەریی حزب و بەرپرسانی پۆلیسی نزیك لە حیزب لەوانەیە هەندێك جار هەڵەی گەورە رووی دابێ.

گوتیشی: پۆلیسی چالاكییە مەدەنییەكان بە بەراورد بە ئاساییش لە كاتی خۆپیشاندانەكاندا، جیاوازییەكی هێند گەورەی هەیە كە لە باسكردن نایەت.بۆیە پۆلیسی چالاكییە مەدەنییەكان تا رادەیەكی باش بە رەچاوكردنی دۆخی سیاسیی هەرێمی كوردستان، سەركەوتوو بووە.

چالاكوانی مەدەنی، پارێزەر و رۆژنامەنووس هەڤاڵ نەژاد بۆچوونی وایە: سەبارەت بە میدیا، بە هۆی ئەوەی میدیای كوردی بە شێوەیەكی تەواو سەربەخۆ و پرۆفیشناڵ نییە، لە ڕوانگەی حیزب یا بەرژەوەندی حیزب و گرووپێكی ناو حیزب مامەڵە لەگەڵ هەموو ڕووداوێكدا دەكەن، لە نێویشیاندا ڕووماڵی خۆپیشاندان، ئەگەر خۆپیشاندانێك لە بەرژەوەندیی حیزب و ئەو بیروباوەڕە بێ كە حیزب هەیەتی، بە شێوەیەكی ورد ڕووماڵی دەكات و بە هەموو توانایەوە بە میدیایی دەكات و دەیكاتە ڕۆژەڤ، بە پێچەوانەوەش ئەگەر لە بەرژوەندیدا نەبێ، هەوڵی شاردنەوە و كپكردنی دەدات و لە باشترین حاڵەتدا ڕەنگبێ زۆر بە سادەیی ئاماژەی پێ بكات و لێشی كەم بكاتەوە.

نەژاد لەبارەی پۆلیسی چالاكییە مەدەنییەكانیشەوە دەڵێت: نەك تەنیا پۆلیسی چالاكییە مەدەنییەكان، بەڵكوو بە گشتی پۆلیس لە وڵاتی ئێمەدا ئەكادیمی نین و بە گوێرەی رەفتاری تاكەكەسی خۆیان یان بە ئاڕاستەی حیزب دەجووڵێنەوە و ڕەفتار دەكەن.بۆ نموونە كاتێك پۆلیس تۆمەتبارێك دەگرن، بێ ئەوەی ئەو مافەیان هەبێ، هەر لە ڕێگادا تا دەیگەیەننە بنكەی پۆلیس لێی دەدەن! پۆلیسی چالاكییە مەدەنییەكانیش بە هەمان ئەقڵییەت بەڕێوە دەچێت و بە هەمان شێوە رەفتار دەكەن.

هۆژین مستەفا نووسەر و خوێندكاری قۆناغی سێیەمی ئەندازیاریی تەلارسازی لە زانكۆی سلێمانی دەڵێت: سەبارەت بە ڕۆڵی میدیا, ئەوەی كە پێی دەگوترێت میدیای حیزبی و ئۆرگانی لایەنێكی سیاسییە, دەتوانین بڵێین تا ڕادەیەكی زۆر ناپرۆفیشناڵانە و ناپیشەییانە ڕووداوەكانی پەیوەست بە خۆپیشاندان و ڕۆڵی چالاكییە مەدەنییەكانی گواستووەتەوە, بەرەی دەسەڵات كاری بە فریشتە نیشاندانی ئەم هێزە و ناشیرینكردنی خۆپیشاندەران بووە (لە زۆر كاتدا) و میدیای ئۆپۆزسیۆنیش بە پێچەوانەوە.

هۆژین ڕوونیشی دەكاتەوە: هێزی چالاكی مەدەنی, هاوشێوەی گشت چینەكانی دیكەی درەختی كۆمەڵگای ئێمە پێم وایە ماویەتی پێبگات, هەم وەكو هێزێكی نیزامی كەموكوڕیی پێوە دیارە و ناڕێكخراو دەردەكەون و مەزاجین و بە قسەی بەرپرسێكی حیزبی ١٨٠ پلە هەڵدەگەڕێنەوە لە كار و فەرمان چ وەكو لایەنی ئاكاری و پەروەردەیەكی مەدەنیانە كە بەداخەوە, زۆرێك لەوانەی لەو بوارەدا كار دەكەن ئەو ئاستە ڕۆشنبیرییەیان نییە كە بتوانن خۆپیشاندەر وەكو تاوانكار و دوژمن سەیر نەكەن.

بە گوتەی شوان تاڵیب ڕاگەیاندكار، نە میدیا و نە پۆلیسی چالاكییە مەدەنییەكانیش نەیانتوانیوە لە خۆپیشاندانەكاندا هاوسەنگی بپارێزن، چونكە لە كوردستاندا هەموو شتێك بووە بە دوو بەشەوە.میدیاكانی دەسەڵات باسی ئەو لایەنە دەكەن كە خۆیان دەیانەوێت و ئۆپۆسێۆنیش ئەو خەڵكانە بەكار دەهێنێت كە دژی دەسەڵات قسە بكەن كە جۆرێك لە تەمسیلی پێوە دیارە.یانی وای لێدێ خەڵك دەبێت خۆی لە ناو ڕووداوەكاندا بێت ئینجا دەزانێ كامە ڕاستەكەیە.

شوان هەروەها دەڵێت: لە لایەنی میدیای پرۆفیشناڵیش و مامەڵەی دروست لەگەڵ خۆپیشاندانەكاندا، كورد ماویەتی بگاتە ئەو ئاستە، بۆ نموونە لە خۆپیشانەكانی ١٧ی شوباتدا كەناڵەكانی ڕاگەیاندنی ئۆپۆزسیۆن كوردستانیان وەك قەسابخانە پیشان دەدا كە پۆلیس چۆن لە دژی خەڵك دەجووڵێتەوە، بەڵام لە هەمان كاتدا لە هەواڵەكانی خۆیاندا خۆپیشاندانەكانی ئیتاڵیا و ئەڵمانیایان پیشان دەدا كە چۆن پۆلیس لە خەڵكی دەدا و گازی پێدا دەكردن، ئەمە ناشارەزایی بەشێك لە ڕاگەیاندنی كوردی دەردەخات.گوتیشی: هەست دەكەم میدیاكارانی كورد زۆربەیان بۆ خۆدەرخستن زیاتر هەوڵ دەدەن نەك كاری پیشەییبوون.

بە بڕوای شوان تاڵیب پۆلیسی چالاكییە مەدەنییەكان لای ئێمە بڕوا ناكەم هیچیان بڕوانامەیەكی بەرزیان هەبێت، ئەمە لە كاتێكدایە كە لە وڵاتان دەبێت پۆلیس لە لایەنی دەروونیی خۆپیشاندەران شارەزا بێت و هەروەها دەوراتی پێ بكرێت و بزانێت كە چۆن كۆنتڕۆڵی دۆخەكە دەكات بێ ئەوەی كە ئینتیمای سیاسیی ئەو پۆلیسە دژ بە خۆپێشاندەران نیشان بدرێت.بۆ نموونە من كە پۆلیسێك بم ئینتیمای سیاسیم بۆ لایەنێكی دیاریكراو هەبێت، نابێت لە كاتی خۆپیشانداندا دژ بە لایەنێكی تر حیزبایەتی بەكار بهێنم یان لایەنی ئایین و شتی تریش.

عەلی بانیشاری رۆژنامەنووس بە پێچەوانەی هۆژین و شوانەوە، بڕوای وایە كە پۆلیسی چالاكییە مەدەنییەكان بە گشتی كارەكانی خۆی بە باشی ڕاپەڕاندووە و بێلایەن بووە، ئەمە سەرەڕای ئەوەی كە هەندێك جاریش تارادەیەكی كەم لە ژێر كاریگەریی دەزگاكانی حیزبدا بووە و مامەڵەی كردووە.سەبارەت بە ڕۆڵی میدیاكانیش بانیشاری پێی وایە: بە داخەوە دەبێ بڵێین میدیا و میدیاكارانیش نەیانتوانیوە لەو ڕووەوە هاوسەنگی بپارێزن.

لە لایەكی دیكەشەوە، ئەیوب حەسەن نووسەر و ئابووریناس دەڵێت: میدیاكان هەریەكە و بە نەفەسی سیاسەتی حیزبەكەی كار دەكات، واتە حیزبەكەی تێڕوانینی چۆن بێت بۆ خۆپیشاندان بە هەمان قاڵب میدیاش كاری لەسەر دەكات، كە وابوو میدیا بێچووی سیاسەتەكانی حیزبە.لە بارەی پۆلیسی چالاكیی مەدەنییش ئەیوب گوتی: ئەو هێزە هەمان فۆڕمی میدیا و حیزب نمایش دەكات، لەبەر ئەوەی بە قاڵبی حیزب كەسانی بەرپرسی وەزارەتە ئەمنییەكان دانراون كە وابوو چالاكییە مەدەنییەكانیش پەیڕەوكاری سیاسەتی حیزبن.

بە ڕای مەڵبەند غازی سەرنووسەری گۆڤاری "بریسك" میدیاكانی كوردستان پیشەییبوون ناپارێزن و هەمیشە لایەنگری دەكەن، تۆ سەیر بكە بزانە میدیا لە كوێ دەوەستێ لە كاتی خۆپیشاندا، میدیای دەسەڵات لەناو پۆلیس و میدیای حزبەكانی تر لەناو خەڵكدا دژ بە پۆلسی چالاكییە مەدەنییەكان، بۆیە من پێم وایە هێشتا مەسەلەی مامەڵەی دروست لەگەڵ خۆپیشاندان و خۆپیشاندەرانیشدا، نەبووەتە شتێكی گرینگ و جێی بایەخ لای میدیا و پۆلیس و حزبیش.

سامی ئەحمەد بەرپرسی ڕێكخراوی "هەست" بۆ پەرەپێدانی مرۆیی، سەبارەت بە پۆلیسی چالاكییە مەدەنییەكان بڕوای وایە كە بە گشتی كارەكانیان بە باشی ڕاپەڕاندووە، لە هەمان كاتیشدا لە هەندێك حاڵەتدا كەوتووتە ژێر كاریگەریی دەزگاكانی حیزب و بەرپرسانی ئەمنی و ئاراستەی خۆی ون كردووە و نەیتوانیوە كارەكانی وەك خۆی ڕاپەڕێنێت و ئەو سنوورە نەبەزێنێت كە بۆی دیاری كراوە، ئەو ساڵانەی دواییش باشتر بوون لەچاو ساڵانی ڕابردوو.سەبارەت بە رۆڵی میدیاش سامی گوتی: بەداخەوە میدیا لە و ڕووەوە رۆڵی لاواز بووە و نەیتوانیوە پیشەییانە مامەڵە لەگەڵ خۆپیشاندانەكاندا بكەن و لە ئاست ئەو بەرپرسیاریەتییە گەورەیەدا نەبوون كە لەسەر شانیانە و هەریەكە و بۆ بەرژەوەندیی لایەنێك كاری كردووە، بۆیە لە كۆتاییدا دەتوانم بڵێم نەخێر نە پۆلیسی چالاكییە مەدەنییەكان و نە میدیاش نەیانتوانیوە وەك پێویست هاوسەنگی بپارێزن.

رۆژنامەنووسان ڕای جیاوازیان هەیە و تریفە ئازادی رۆژنامەنووسیش بڕوای وایە: بە بۆچوونی من كاری پۆلیس كارێكی پیرۆزە، ئەویش ئەركی پاراتستنی ئەمن و ئاسایشی هەرێمی كوردستانە.لە كوردستاندا بە رادەیەكی زۆر باش پۆلیس توانیویەتی ئەركی سەر شانی خۆی جێبەجێ بكات و كارەكانی بە باشی راپەڕێنێت ئەمەش جێگای دەستخۆشییە.تریفە هەروەها ئاماژەشی دا: پاراستی ئاساییش و ئارامی نەك تەنیا ئەركی دەزگا حزبی و بەرپرسانی هێزە ئەمنییەكانە، بەڵكوو لە ئەستۆی هەموو تاكێكە.

گوتیشی: لە كاتی خۆپیشاندانەكانیشدا تا رادەیەك پۆلیسی چالاكییە مەدەنییەكان توانیوانە هاوسەنكی و پیشەییبوونی خۆیان بپارێزن بۆ ئەوەی بتوانن ئەو خۆپیشاندانەی كە دەكرێت، سەركەوتووانە بەڕێوە بچێت و داواكارییەكانی خۆپیشاندەریش بگەیەننە شوێنی مەبەست.

Go to top