We have 27 guests and no members online

کەژاڵ عەلی

هەموو کلتووری دەولەمەندی ئێمەی ژنانی باشوور تەنیا خۆ تاسو لووس کردنو بە کیلۆ مکیاج لێدان و تەجمیلی جەستەشی لەم دواییانەدا هاتە سەر، ، خۆ گەر رۆژێ مکیاجمان بۆ دەوام نەکردایە هەر ژنەکان خۆیان ئیزعاجیان دەکردین بە پرسیار کردن، ، لەوەی تەعزیەوشتمان هەیە یان چی. . 

با ئەمە لەوێ بێو دەست لە ئازادییە کەسییەکان نادەینو بە مافی رەوای تاکەکانی دەژمێرین، ، بەلام گواستنەوەی ئەم دیاردە قێزەونە بۆناو حەرەمی پێشمەرگەو قودسیەتی شەرێک کە خەتەری جدی لەسەر یەک بە یەکمان هەیە و پۆز لێدان بە ستایلی رەنگاورەنگەوە بەسەر موعاناتو بێ مووچەیی پێشمەرگەدا ئەوپەری سووکایەتیی کردنە بە ناوی پیرۆزی پێشمەرگەو پرسی نەتەوەیی و نیشتمانییەوە و تەنیا سوود بە بەرژەوەندی دوژمن دەگەیەنێ، ، چەند جوان دەبوو گەر بە راستی لە بەرەکانی ئەو شەرە وەک شەرڤانو گەریلا گیان بەخشەکان ئامادەییمان هەبووایەو شەهیدی ژنمان لەو پێناوەدا بدایە، ، وا بزانم تا ئێستا پێشمەرگەیەکی مێمان لێ شەهید نەبووە، بەلام ئامادەین بە دەموو چاوی موهەریجمانەوە بچین پۆز بەسەر پێشمەرگەو شەرڤانو گەریلاکاندا لێ بدەینو خۆزمانیان بەسەردا بادەین کە لە شوێنی ئێمە خویان بەخت دەکەنو گەرمای کارەساتو رووداوە کتوپرەکان هەستیان داخ دەکەن.
ئەم دیاردەی مکیاج کردنە لای ئێمە سنووری تێپەراندووە، ، بیرمە چەندین پیاو دایم شەریان بوو لەگەل هاوسەرەکانیان، نەک لەبەر ئەوەی دلیان لێیان پیس بوو لەبەر ئەوەی هەمیشە تەنەکەیەک مکیاجیان پێوەبووو تەنانەت لە ناو جێگاشدا، جا مکیاجی لای ئێمەش هەر بۆگەنە وەک شتەکانی ترمان، لەبەر ئەوەی کوالیتیان نیە، ، خۆزگە لە جیاتی ئەوەی دەموو چاومان بنەخشێنین و تابلۆی سەیر سەیر لەسەر روخسارمان دروست کەین هەول بدەین هزرو فکرمان رەنگاورەنگ کەین، ، رۆشنبیریمان تەجمیل کەین، ، رەفتارو عەقلو ئەخلاقی سیاسیمان عەمەلیات کەین، ئاخر ناهەقی نەبوو، ژنە شاعرە ئەمازیقییەکە گوتبووی خۆم دێم بۆ نکاحی پێشمەرگە، ، ئەویش وای دەزانی پێشمەرگە پێویستی بە پڕ کردنەوەی ئەم بۆشاییەیە لە شەرگەکان، ئێمە بێ ئەوەی بە خۆمان بزانین بەم وێنەو میتۆدە نادروستانە ناوی پیرۆزی پێشمەرگە لەکەدار دەکەین، دە کە بەشداری یان لەگەل ناکەین با چاویشیان هەلنەگێرینەوە. .

کەژال عەلی

 

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌. 

سەرگەرمی قەت کردنی

سێبەرەکانی ئاگر بووم..
کە تاقەکانی جەسارەت
پر بوون لە ئاو..
لە هەلخستنی گۆرانيە
تەرەکانی رووبار
نەبووبوومەوە هێشتا..
کە ئاو
وەک کورێکی برۆنزی
خۆی کرد بە مالی کەنارما و
لە بەر خۆری چاوەروانیم
راکشانی هەلخست..

* *

تازە خۆشەويتی بە هێزی چەند
ئەژنۆی شکاوی ئەم بێ باوەری يەم
ئەبا بۆ ئەوبەری يەقين..
وەفا بە پلەی چەندی رووناکی
دلنياييم دادەگيسێنێ..
دلنيايی بە پێوەری چەندی وەفا
تەنياييم پر دەکاتەوە لە نيشتيمان..
من ئەزانم لەسەر نەخشەی بێئومێدی
پنتی گومان ئەکەوێتە کوێی هێلی
ئيستيوای غەريبي يەوە..
ئێستا نا
پاش خەمێکی تر
پۆلە بێزاري يەک دێن و
ئەم ناوە پر دەکەن
لە چەهچەهەی فرين
لە نۆتەی تەنيای
لە جريوەی مەراق..
دێن و بە لای چاوەروانيم دا ئەدەن و
بە ئاستەميش
جوامێريان بەر کبريائم ناکەوێ..

 *
هەميشە وا بووە
شتێک لە هەناومدايە و ماندووم ناکا
دايکێتيمە بۆی ئەژيم..
ئەوەی بە دوامەيە و بەردەوام
بە دوای خۆمدا کێشی دەکەم
کۆيلەييمە لێم نابێتەوە..
ئەوەش پياسەی لەگەل دەکەم..
لە پارکەکانی مەحەببەت
ئەوەش بە قاچەکانمەوە گرێ دراوە
سێبەرەکەی خۆمە خۆم
سێبەرەکەی خۆمە و بەس..

 * *

ديقەت دە
کۆترەکان نەياندا لە شەققەی ئاشتی
گولەکان لە دەرگای بەرائەت..
نەگەيشتين تالەکانی حوزن
لە ريشی ئەو مندالانە کەينەوە ،
بە بيانووی دلۆپێ ويژدان
دەم لە مەمکی تفەنگەکان ئەکوتن..
بە هەنجەتی تيکەيەک بەزەيی
مندالي يان وەک ئاوەرۆ
بە حيکايەتی سەردابی
زبلخانەکاندا دەکەن..
نەشياين سياسەت وەرگێرينە سەر
زمانە زيندوەکەی خۆسووتاندنی بەفر..
نە وڕێراين
نينۆکەکانی غەيب بۆيە کەين و
پەنجەکانی ئاين بگرينە خەنەی پرسيار..
دە با رێگاکانی بەرائەت پاک کەينەوە
لە درک و دالی خيانەت ..
لە وردە شووشەی فيراق
ئێستا نا
پاش کەمێکی تر
کەژاوەی خۆر ئاوا بوون ئەگات..
بە سپايی دەست بەرە
بە تەنيشت زەمەندا
گلۆپی سۆز پێکە
پەنجەرەی تەمەن
بخە سەر گازەرای ليقا
با شنەبای ئەوين
پەردەکانی گومان
تا راددەی دلنيايی بلەرێنێتەوە..

15/7/2012

زيـوريــــخ
کــەژاڵ عـەلــــــی

 

لاوه‌ندی من

به‌ر له‌وه‌ی بێیه‌ به‌رده‌مم

به‌ر له‌وه‌ی به‌ناو وه‌جاخی كازیوه‌دا

جڵه‌وی خۆر بگری و

تفاقی دڵی من بخه‌ی.

وه‌ك دڵبه‌رێكی دڵپه‌وه‌ر

ئازایه‌تیت یه‌كلا كه‌وه‌،

سێبه‌ره‌كه‌ت بكه‌ به‌قوفڵی هه‌تاوداو

قاره‌مانیت بێنه‌ سه‌ر ڕێم.

سه‌ری هه‌موو كۆڵانه‌كانی عیشقم لێبێنه‌وه‌ یه‌ك

ڕووحـم بكه‌ به‌هه‌زار پارچه‌ی سڤارۆفسكییه‌وه‌*.

وه‌ك بابایه‌كی باب مرده‌

بابان وێرانم كه‌ به‌خۆت

با ڕێ نه‌به‌مه‌وه‌ سه‌رخۆم جارێكی كه‌.

وه‌ره‌ به‌رامبه‌رم به‌وه‌

وه‌ك تیرهاوێژێكی عاشق،

له‌جیاتی تیرێكی ژه‌هراوی؛

ماچێكی ئازادیم تێگره‌

له‌جێی جفره‌یه‌كی خوێنین؛

مه‌سجێكی ئه‌ویندارم له‌گه‌ڵ بگۆڕه‌وه‌.

له‌بری خه‌یاڵێكی وێران؛

خه‌ونێكی ئاوه‌دانم پێوه‌ ببینه‌.

له‌بری كڵاوه‌یه‌كی ئه‌تۆمی؛

كڵاڕۆژنه‌یه‌كی ئارامــم به‌سه‌ردا بكه‌وه‌.

له‌بری پیلانێكی دڵڕه‌ش؛

جڤاتێكی دڵبه‌خوێنم، بۆ ببه‌سته‌.

له‌بری جه‌نجه‌رێكی ژه‌نگاوی؛

قه‌ڵایه‌كی ئارام له‌ پشـتم قایم كه‌.

وه‌ك سه‌ربازێكی هه‌ڵاتوو

خۆت بخه‌ په‌نای ژنێتیم.

هه‌موو ئاماژه‌كانی مییه‌تیم بپشكنه‌.

ده‌ست بخه‌ سه‌ر قووڵترین برینی مێژووم

دوایه‌مین كۆدی كچێنیم بدۆزه‌وه‌

ئاخرین خاڵی خه‌بات و به‌رخۆدانم،

بكه‌ به‌هیوا و ئامانج.

با هێڵه‌ گه‌رمه‌كانی ته‌ماست،

بۆ پڕ كه‌م له‌ سروه‌ی عیشق.

قۆڵه‌ گۆشتنه‌كانی شه‌ڕگه‌ت

بۆ ڕووت كه‌مه‌وه‌ له‌ خه‌بات.

شاگه‌شكه‌ت كه‌م به‌هێشووی كچێنیم

هه‌موو سه‌ركه‌وتنه‌ سووره‌كانمت،

پێ بدۆڕێنم.

وه‌ره‌

له‌عاشقڤانێكی شۆرشگێره‌وه‌

بمكه‌وه‌ به‌شۆرشڤانێكی عاشق

له‌خاتووزینكی ته‌ڤگه‌ره‌وه‌

بمكه‌وه‌ به‌ته‌ڤگه‌رێكی خاتووزین.

له‌مارشێكی تووندڕه‌وه‌وه‌

بمكه‌وه‌ به‌میلۆدێیه‌كی حه‌زین

به‌ گۆرانییه‌كی غه‌مگین.

بمبه‌وه‌ به‌هه‌شته‌كانی له‌گه‌ڵ تۆ بوون

بمكه‌وه‌ به‌ئه‌فرۆدێته‌كه‌ی خۆت،

به‌نێفه‌رتیتییه‌كه‌ی سه‌ر ته‌ختی ژنێتی.

تێبینی:

سڤارۆڤسكی: به‌ردێكی گرانبه‌های هاوشێوه‌ی ئه‌لماسه‌وهه‌ر له‌ویش ده‌چێ

له‌ژماره‌ (47) ی گۆڤاری ته‌واردا بڵاو کراوه‌ته‌وه‌

 

پێش مەرگت پێم لێنێ

بەسەرما سەرکەوە سەر ترۆپکی خەبات

لەبەرما بشەکێ وەك ئاڵای سەرکەوتن

وەک متمانە و بڕوات

بمکە بەتابووت بۆ مەرگ

بە قوربانی رێگات

بە داری ئازادی بۆ سەربەرزی ولات..

 

خۆت بڵند مەکە خوا نەناس

ئەوەندە لووت بەرز مەبە.

ئەوەتا

دەستم دەچێتە کاکۆلی مەخمەڵیت

هەناسەم دەگاتە وەنەوشەی گەرده‌ن و

ئۆباڵم بەئەستۆی ئەرخەوانیت.

 

Go to top