طباعة

سەرچاوەیەکی عەرەبی: ئێران بە چوار بەرامبەر گاز بە عێراق دەفروشێت. . .

17. 03. 06

بەپێی هەواڵێکی ماڵپەری عەرەبی جەدید، ڕێککەوتنێک لە نێوان هەردوو وەزارەتی نەوتی عێراق و ئێران، واژۆ کراوە کە بە گوێرەی ئەو ڕێککەوتننامەیە ئێران بە نرخێکی زۆر گرانتر لە بازارەکانی جیهان کە نرخەکەی ٤ ئەوەندە بەرزترە، گازی سروشتی بە عێراق دەفرۆشێت.

سەرچاوەیەک لە وەزارەتی نەوتی عێراق بۆ ماڵپەرەکە ڕایگەیاندووە، نرخی یەک ملیون یەکەی گەرمی (کە پێوەری گازە) لە بازارەکانی جیهاندا بە دوو دولار و نیوە، بەڵام بەپێی ڕێککەوتنەکانی نێوان عێراق و ئێران، ئەو نرخە زۆر زیاترە و دەگاتە دە دۆلار و پەنجا و شەش سەنت.

هەر لەمبارەیەوە، جەواد ئەوجی بەڕێوەبەری کۆمپانیای نیشتیمانیی ئێران بۆ گازی سروشتی ڕایگەیاندووە کە بەپێی ڕێککەوتنەکە لەگەڵ عێراق بۆ دابینکردنی گازی سرۆشتی بۆ وێستگەی کارەبای مەنسووریە و بەغدا، ڕۆژانە ٢٥ ملیون مەتر دووجا ڕەوانە دەکرێت کە نرخەکەی دەکاتە ١٠ ملیون دۆلار لە ڕۆژێکدا و ساڵانە تێچووەکەی دەگاتە سێ و نیو ملیار تا ٣ ملیار و ٧٠٠ ملیون دۆلار.

شایانی باسە، بەرپرسانی ئێران جەخت لەسەر ئەوە دەکەنەوە کە سەرەڕای هەبوونی ئابڵۆقەی ئابووری لەسەر وڵاتەکەیان، بەڵام عێراق یەکێکە لە بازارە گەرمەکان بۆ ساخکردنەوەی بەرهەمەکانیان.